ཙཱུ་ལ༹་ཝ་གྒ་པཱ་ལི༹
༡. ཀ་མྦ་ཀྑ་ནྡྷ་ཀ
པུ་ཙྪཱ – བྷ་ཎྜ་ནཱ་དི་ཀཱ་ར་ཀ་སྶ ཨཱ་ཝུ་སོ བྷི་ཀྑུ་ནོ ཏ་ཛྫ་ནཱི་ཡ་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཎྜུ་ཀ་ལོ་ཧི་ཏ་ཀེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, པ་ཎྜུ་ཀ་ལོ་ཧི་ཏ་ཀཱ བྷ་ནྟེ བྷི་ཀྑཱུ ཨ་ཏྟ་ནཱ བྷ་ཎྜ་ན་ཀཱ་ར་ཀཱ ཀ་ལ་ཧ་ཀཱ་ར་ཀཱ ཝི་ཝཱ་ད་ཀཱ་ར་ཀཱ བྷ་སྶ་ཀཱ་ར་ཀཱ ས་ངྒྷེ ཨ་དྷི་ཀ་ར་ཎ་ཀཱ་ར་ཀཱ, ཡེ་པི ཙ་ཉྙེ བྷི་ཀྑཱུ བྷ་ཎྜ་ན་ཀཱ་ར་ཀཱ ཀ་ལ་ཧ་ཀཱ་ར་ཀཱ ཝི་ཝཱ་ད་ཀཱ་ར་ཀཱ བྷ་སྶ་ཀཱ་ར་ཀཱ ས་ངྒྷེ ཨ་དྷི་ཀ་ར་ཎ་ཀཱ་ར་ཀཱ ཏེ ཨུ་པ་ས་ངྐ་མི་ཏྭཱ ཨེ་ཝ་མཱ་ཧཾ་སུ ‘‘མཱ ཁོ ཏུ་མྷེ ཨཱ་ཡ་སྨ་ནྟོ ཨེ་སོ ཨ་ཛེ་སི, བ་ལ་ཝཱ་བ་ལ་ཝཾ པ་ཊི་མ་ནྟེ་ཐ, ཏུ་མྷེ ཏེ་ན པ་ཎྜི་ཏ་ཏ་རཱ ཙ བྱ་ཏྟ་ཏ་རཱ ཙ བ་ཧུ་སྶུ་ཏ་ཏ་རཱ ཙ ཨ་ལ་མ་ཏྟ་ཏ་རཱ ཙ, མཱ ཙ་སྶ བྷཱ་ཡི་ཏྠ, མ་ཡ་མྤི ཏུ་མྷཱ་ཀཾ པ་ཀྑཱ བྷ་ཝི་སྶཱ་མཱ’’ཏི, ཏེ་ན ཨ་ནུ་པྤ་ནྣཱ་ནི ཙེ་ཝ བྷ་ཎྜ་ནཱ་ནི ཨུ་པྤ་ཛྫ་ནྟི, ཨུ་པྤ་ནྣཱ་ནི ཙ བྷ་ཎྜ་ནཱ་ནི བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟི. ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཏ་ཛྫ་ནཱི་ཡ་ཀ་མྨ་ཀ་ཏ་སྶ ཨཱ་ཝུ་སོ བྷི་ཀྑུ་ནོ ཀ་ཏི་སུ ཝ་ཏྟེ་སུ ས་མྨཱ ཝ་ཏྟ་ནྟ་སྶ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཨ་ཊྛཱ་ར་ས་སུ བྷ་ནྟེ ཝ་ཏྟེ་སུ ས་མྨཱ ཝ་ཏྟ་ནྟ་སྶ ཏ་ཛྫ་ནཱི་ཡ་ཀ་མྨ་ཀ་ཏ་སྶ བྷི་ཀྑུ་ནོ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ སཱ་ཝ་ཏྠི་ཡཾ ཨ་ནུ་ཉྙཱ་ཏཾ, ཏེ་ཡེ་ཝ པ་ཎྜུ་ཀ་ལོ་ཧི་ཏ་ཀཱ བྷི་ཀྑཱུ ས་ངྒྷེ་ན ཏ་ཛྫ་ནཱི་ཡ་ཀ་མྨ་ཀ་ཏཱ ས་མྨཱ ཝ་ཏྟི་ཏྭཱ ས་ངྒྷཾ ཨུ་པ་ས་ངྐ་མི་ཏྭཱ ཡཱ་ཙིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – བཱ་ལ་སྶ ཨཱ་ཝུ་སོ ཨ་བྱ་ཏྟ་སྶ ཨཱ་པ་ཏྟི་བ་ཧུ་ལ་སྶ ཨ་ན་པ་དཱ་ན་སྶ གི་ཧི་སཾ་ས་ཊྛ་སྶ ཨ་ན་ནུ་ལོ་མི་ཀེ་ཧི གི་ཧི་སཾ་ས་གྒེ་ཧི ནི་ཡ་སྶ་ཀ་མྨཾ ཀཱ་ཏུཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨཱ་ཡ་སྨ་ནྟཾ སེ་ཡྻ་ས་ཀཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ སེ་ཡྻ་ས་ཀོ བཱ་ལོ ཨ་ཧོ་སི ཨ་བྱ་ཏྟོ ཨཱ་པ་ཏྟི་བ་ཧུ་ལོ ཨ་ན་པ་དཱ་ནོ གི་ཧི་སཾ་ས་ཊྛོ ཝི་ཧཱ་སི ཨ་ན་ནུ་ལོ་མི་ཀེ་ཧི གི་ཧི་སཾ་ས་གྒེ་ཧི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ནི་ཡ་སྶ་ཀ་མྨ་ཀ་ཏ་སྶ ཨཱ་ཝུ་སོ བྷི་ཀྑུ་ནོ ཀ་ཏི་སུ ཝ་ཏྟེ་སུ ས་མྨཱ ཝ་ཏྟ་ནྟ་སྶ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཨ་ཊྛཱ་ར་ས་སུ བྷ་ནྟེ ཝ་ཏྟེ་སུ ས་མྨཱ ཝ་ཏྟ་ནྟ་སྶ ནི་ཡ་སྶ ཀ་མྨ་ཀ་ཏ་སྶ བྷི་ཀྑུ་ནོ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ, ན ཨུ་པ་ས་མྤཱ་དེ་ཏ་བྦཾ, ན ནི་སྶ་ཡོ དཱ་ཏ་བྦོ, ན སཱ་མ་ཎེ་རོ ཨུ་པ་ཊྛཱ་པེ་ཏ་བྦོ, ན བྷི་ཀྑུ་ནོ་ཝཱ་ད་ཀ་ས་མྨུ་ཏི སཱ་དི་ཏ་བྦཱ, ས་མྨ་ཏེ་ན་པི བྷི་ཀྑུ་ནི་ཡོ ན ཨོ་ཝ་དི་ཏ་བྦཱ, ཨེ་ཝ་མཱ་དཱི་སུ བྷ་ནྟེ ཨ་ཊྛཱ་ར་ས་སུ ཝ་ཏྟེ་སུ ས་མྨཱ ཝ་ཏྟ་ནྟ་སྶ ནི་ཡ་སྶ་ཀ་མྨ་ཀ་ཏ་སྶ བྷི་ཀྑུ་ནོ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ.
པུ་ཙྪཱ – ཀུ་ལ་དཱུ་ས་ཀ་སྶ ཨཱ་ཝུ་སོ པཱ་པ་ས་མཱ་ཙཱ་ར་སྶ བྷི་ཀྑུ་ནོ པ་བྦཱ་ཛ་ནཱི་ཡ་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་སྶ་ཛི་པུ་ན་བྦ་སུ་ཀེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ཨ་སྶ་ཛི་པུ་ན་བྦ་སུ་ཀཱ བྷ་ནྟེ བྷི་ཀྑཱུ ཀཱི་ཊཱ་གི་རི་སྨིཾ ཀུ་ལ་དཱུ་ས་ཀཱ ཨ་ཧེ་སུཾ པཱ་པ་ས་མཱ་ཙཱ་རཱ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – པ་ཊི་སཱ་ར་ཎཱི་ཡ་ཀ་མྨཾ ཨཱ་ཝུ་སོ པུ་ཙྪཱ་མི, ས་དྡྷཾ ཨཱ་ཝུ་སོ པ་ས་ནྣཾ ག་ཧ་པ་ཏིཾ དཱ་ཡ་ཀཾ ཀཱ་ར་ཀཾ ས་ངྒྷུ་པ་ཊྛཱ་ཀཾ ཧཱི་ནེ་ན ཁུཾ་སེ་ནྟ་སྶ བྷི་ཀྑུ་ནོ པ་ཊི་སཱ་ར་ཎཱི་ཡ་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨཱ་ཡ་སྨ་ནྟཾ སུ་དྷ་མྨཾ ཨཱ་ར་བྦྷ ཨ་ནུ་ཉྙཱ་ཏཾ, བྷ་ག་ཝ་ཏི བྷ་ནྟེ སཱ་ཝ་ཏྠི་ཡཾ ཝི་ཧ་ར་ཏི ཨཱ་ཡ་སྨཱ སུ་དྷ་མྨོ མ་ཙྪི་ཀཱ་ས་ཎྜེ ཙི་ཏྟཾ ག་ཧ་པ་ཏིཾ ས་དྡྷཾ པ་ས་ནྣཾ དཱ་ཡ་ཀཾ ཀཱ་ར་ཀཾ ས་ངྒྷུ་པ་ཊྛཱ་ཀཾ ཧཱི་ནེ་ན ཁུཾ་སེ་སི ཧཱི་ནེ་ན ཝ་མྦྷེ་སི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཏེ་ན་ཧི བྷི་ཀྑ་ཝེ ས་ངྒྷོ སུ་དྷ་མྨ་སྶ བྷི་ཀྑུ་ནོ པ་ཊི་སཱ་ར་ཎཱི་ཡ་ཀ་མྨཾ ཀ་རོ་ཏུ ‘‘ཙི་ཏྟོ ཏེ ག་ཧ་པ་ཏི ཁ་མཱ་པེ་ཏ་བྦོ’’ཏི –
པུ་ཙྪཱ – པ་ཊི་སཱ་ར་ཎཱི་ཡ་ཀ་མྨ་ཀ་ཏ་སྶ ཨཱ་ཝུ་སོ བྷི་ཀྑུ་ནོ ཨ་ནུ་དཱུ་ཏཾ དཱ་ཏུ་ཉྩ ཏེ་ན ཨ་ནུ་དཱུ་ཏེ་ན ས་དྡྷིཾ ག་ནྟྭཱ ཡ་ཐཱ་ཁུཾ་སི་ཏཾ ག་ཧ་པ་ཏིཾ ཁ་མཱ་པེ་ཏུཾ ཙ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨཱ་ཡ་སྨ་ནྟཾ་ཡེ་ཝ སུ་དྷ་མྨཾ ཨཱ་ར་བྦྷ ཨ་ནུ་ཉྙཱ་ཏཾ, ཨཱ་ཡ་སྨཱ བྷ་ནྟེ སུ་དྷ་མྨོ མ་ཙྪི་ཀཱ་ས་ཎྜཾ ག་ནྟྭཱ མ་ངྐུ་བྷཱུ་ཏོ ནཱ་ས་ཀྑི ཙི་ཏྟཾ ག་ཧ་པ་ཏིཾ ཁ་མཱ་པེ་ཏུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – པ་ཊི་སཱ་ར་ཎཱི་ཡ་ཀ་མྨ་ཀ་ཏ་སྶ ཨཱ་ཝུ་སོ བྷི་ཀྑུ་ནོ ཀ་ཏི་སུ ཝ་ཏྟེ་སུ ས་མྨཱ ཝ་ཏྟ་ནྟ་སྶ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཨ་ཊྛཱ་ར་ས་སུ བྷ་ནྟེ ཝ་ཏྟེ་སུ ས་མྨཱ ཝ་ཏྟ་ནྟ་སྶ པ་ཊི་སཱ་ར་ཎཱི་ཡ ཀ་མྨ་ཀ་ཏ་སྶ བྷི་ཀྑུ་ནོ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ.
པུ་ཙྪཱ – ཨཱ་པ་ཏྟིཾ ཨཱ་ཝུ་སོ ཨཱ་པ་ཛྫི་ཏྭཱ ཏཾ ཨཱ་པ་ཏྟིཾ པ་སྶི་ཏུཾ ཝཱ པ་ཊི་ཀཱ་ཏུཾ ཝཱ ན ཨི་ཙྪ་ནྟ་སྶ བྷི་ཀྑུ་ནོ ཨཱ་པ་ཏྟི་ཡཱ ཨ་ད་སྶ་ནེ ཝཱ ཨ་པྤ་ཊི་ཀ་མྨེ ཝཱ ཨུ་ཀྑེ་པ་ནཱི་ཡ་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཀོ་ས་མྦི་ཡཾ བྷ་ནྟེ ཨཱ་ཡ་སྨ་ནྟཾ ཚ་ནྣ་ཏྠེ་རཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཚ་ནྣོ ཨཱ་པ་ཏྟིཾ ཨཱ་པ་ཛྫི་ཏྭཱ ན ཨི་ཙྪི ཏཾ ཨཱ་པ་ཏྟིཾ པ་སྶི་ཏུཾ ཝཱ པ་ཊི་ཀཱ་ཏུཾ ཝཱ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨཱ་པ་ཏྟི་ཡཱ ཨཱ་ཝུ་སོ ཨ་ད་སྶ་ནེ་ན ཝཱ ཨ་པྤ་ཊི་ཀ་མྨེ ཝཱ ཨུ་ཀྑེ་པ་ནཱི་ཡ ཀ་མྨ་ཀ་ཏེ་ན བྷི་ཀྑུ་ནཱ ཀ་ཏི་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
ཝི་སྶ་ཛྫ་ནཱ – ཏེ་ཙ་ཏྟཱ་ལཱི་སཱ་ཡ བྷ་ནྟེ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
པུ་ཙྪཱ – ཨུ་ཀྑེ་པ་ནཱི་ཡ་ཀ་མྨ་ཀ་ཏ་སྶ ཨཱ་ཝུ་སོ བྷི་ཀྑུ་ནོ ས་མྨཱ ཝ་ཏྟ་ནྟ་སྶ ཏཾ ཀ་མྨཾ པ་ཊི་པྤ་སྶ་མྦྷེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཀོ་ས་མྦི་ཡཾ བྷ་ནྟེ ཨཱ་ཡ་སྨ་ནྟཾ་ཡེ་ཝ ཚ་ནྣཾ ཨཱ་ར་བྦྷ ཨ་ནུ་ཉྙཱ་ཏཾ, ཨཱ་ཡ་སྨཱ བྷ་ནྟེ ཚ་ནྣོ ས་ངྒྷེ་ན ཨཱ་པ་ཏྟི་ཡཱ ཨ་ད་སྶ་ནེ ཝཱ ཨ་པྤ་ཊི་ཀ་མྨེ ཝཱ ཨུ་ཀྑེ་པ་ནཱི་ཡ་ཀ་མྨ་ཀ་ཏོ ས་མྨཱ ཝ་ཏྟེ་སི ལོ་མཾ་པཱ་ཏེ་སི ནེ་ཏྠཱ་རཾ ཝ་ཏྟེ་སི ས་ངྒྷཾ ཨུ་པ་ས་ངྐ་མི་ཏྭཱ ཏ་སྶ ཀ་མྨ་སྶ པ་ཊི་པྤ་སྶ་དྡྷི་ཡཱ ཡཱ་ཙི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – པཱ་པི་ཀཾ ཨཱ་ཝུ་སོ དི་ཊྛིཾ ག་ཧེ་ཏྭཱ ཏཾ དི་ཊྛིཾ ན པ་ཊི་ནི་སྶ་ཛྫ་ནྟ་སྶ པཱ་པི་ཀཱ་ཡ དི་ཊྛི་ཡཱ ཨ་པྤ་ཊི་ནི་སྶ་གྒེ ཨུ་ཀྑེ་པ་ནཱི་ཡ་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་རི་ཊྛཾ བྷི་ཀྑུཾ ག་དྡྷ་བཱ་དྷི་པུ་བྦཾ ཨཱ་ར་བྦྷ པ་ཉྙ་ཏྟཾ, བྷ་ག་ཝ་ཏི བྷ་ནྟེ སཱ་ཝ་ཏྠི་ཡཾ ཝི་ཧ་ར་ཏི ཨ་རི་ཊྛ་སྶ ནཱ་མ བྷི་ཀྑུ་ནོ ག་དྡྷ་བཱ་དྷི་པུ་བྦ་སྶ ཨེ་ཝ་རཱུ་པཾ པཱ་པ་ཀཾ དི་ཊྛི་ག་ཏཾ ཨུ་པྤ་ནྣཾ ཨ་ཧོ་སི ‘‘ཏ་ཐཱ་ཧཾ བྷ་ག་ཝ་ཏཱ དྷ་མྨཾ དེ་སི་ཏཾ ཨཱ་ཛཱ་ནཱ་མི, ཡ་ཐཱ་ཡེ་མེ ཨ་ནྟ་རཱ་ཡི་ཀཱ དྷ་མྨཱ ཝུ་ཏྟཱ བྷ་ག་ཝ་ཏཱ, ཏེ པ་ཊི་སེ་ཝ་ཏོ ནཱ་ལཾ ཨ་ནྟ་རཱ་ཡཱ་ཡཱ’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པཱ་པི་ཀཱ་ཡ ཨཱ་ཝུ་སོ དི་ཊྛི་ཡཱ ཨ་པྤ་ཊི་ནི་སྶ་གྒེ ཨུ་ཀྑེ་པ་ནཱི་ཡ་ཀ་མྨ་ཀ་ཏེ་ན བྷི་ཀྑུ་ནཱ ཀ་ཏི་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
ཝི་སྶ་ཛྫ་ནཱ – ཏེ་ཙ་ཏྟཱ་ལཱི་སཱ་ཡ བྷ་ནྟེ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
པུ་ཙྪཱ – ཀ་མྨ་ཀྑ་ནྡྷ་ཀཾ པུ་ཙྪི་སྶཾ, ས་ནི་དཱ་ནི ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ཀ་མྨ་ཀྑ་ནྡྷ་ཀཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.
༢. པཱ་རི་ཝཱ་སི་ཀ་ཀྑ་ནྡྷ་ཀ
པུ་ཙྪཱ – པཱ་རི་ཝཱ་སི་ཀ་སྶ ཨཱ་ཝུ་སོ པ་ཀ་ཏ་ཏྟཱ་ནཾ བྷི་ཀྑཱུ་ནཾ ཨ་བྷི་ཝཱ་ད་ནཱ་དཱི་ནི སཱ་དི་ཡ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པཱ་རི་ཝཱ་སི་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, པཱ་རི་ཝཱ་སི་ཀཱ བྷ་ནྟེ བྷི་ཀྑཱུ སཱ་དི་ཡིཾ་སུ པ་ཀ་ཏ་ཏྟཱ་ནཾ བྷི་ཀྑཱུ་ནཾ ཨ་བྷི་ཝཱ་ད་ནཱ་དཱི་ནི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པཱ་རི་ཝཱ་སི་ཀེ་ན ཨཱ་ཝུ་སོ བྷི་ཀྑུ་ནཱ ཀ་ཏི་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
ཝི་སྶ་ཛྫ་ནཱ – པཱ་རི་ཝཱ་སི་ཀེ་ན བྷ་ནྟེ བྷི་ཀྑུ་ནཱ ཙ་ཏུ་ན་ཝུ་ཏི་ཡཱ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
པུ་ཙྪཱ – པཱ་རི་ཝཱ་སི་ཀཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – པཱ་རི་ཝཱ་སི་ཀཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.
༣. ས་མུ་ཙྩ་ཡ་ཀྑ་ནྡྷ་ཀ
པུ་ཙྪཱ – ས་མུ་ཙྩ་ཡཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ས་མུ་ཙྩ་ཡཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.
༤. ས་མ་ཐ་ཀྑ་ནྡྷ་ཀ
པུ་ཙྪཱ – ཨ་ས་མྨུ་ཁཱི་བྷཱུ་ཏཱ་ནཾ ཨཱ་ཝུ་སོ བྷི་ཀྑཱུ་ནཾ ཏ་ཛྫ་ནཱི་ཡཾ ཝཱ ནི་ཡ་སྶཾ ཝཱ པ་བྦཱ་ཛ་ནཱི་ཡཾ ཝཱ པ་ཊི་སཱ་ར་ཎཱི་ཡཾ ཝཱ ཨུ་ཀྑེ་པ་ནཱི་ཡཾ ཝཱ ཀ་མྨཾ ཀ་རོ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨ་ས་མྨུ་ཁཱི་བྷཱུ་ཏཱ་ནཾ བྷི་ཀྑཱུ་ནཾ ཀ་མྨཾ ཨ་ཀཾ་སུ ཏ་ཛྫ་ནཱི་ཡ་མྤི ནི་ཡ་སྶ་མྤི པ་བྦཱ་ཛ་ནཱི་ཡ་མྤི པ་ཊི་སཱ་ར་ཎཱི་ཡ་མྤི ཨུ་ཀྑེ་པ་ནཱི་ཡ་མྤི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ས་ཏི་ཝེ་པུ་ལླ་པ་ཏྟ་སྶ ཨཱ་ཝུ་སོ བྷི་ཀྑུ་ནོ ས་ཏི་ཝི་ན་ཡཾ དཱ་ནཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ མེ་ཏྟི་ཡ་བྷཱུ་མ་ཛ་ཀེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ མེ་ཏྟི་ཡ་བྷཱུ་མ་ཛ་ཀཱ བྷ་ནྟེ བྷི་ཀྑཱུ ཨཱ་ཡ་སྨ་ནྟཾ ད་བྦཾ མ་ལླ་པུ་ཏྟཾ ཨ་མཱུ་ལི་ཀཱ་ཡ སཱི་ལ་ཝི་པ་ཏྟི་ཡཱ ཨ་ནུ་དྡྷཾ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཀ་ཏི་པ་ནཱ་ཝུ་སོ ཨེ་ཏྠ དྷ་མྨི་ཀཱ་ནི ས་ཏི་ཝི་ན་ཡ་དཱ་ནཱ་ནི.
ཝི་སྶ་ཛྫ་ནཱ – པ་ཉྩི་མཱ་ནི བྷ་ནྟེ དྷ་མྨི་ཀཱ་ནི ས་ཏི་ཝི་ན་ཡ་སྶ དཱ་ནཱ་ནི, སུ་དྡྷོ ཧོ་ཏི བྷི་ཀྑུ ཨ་ནཱ་པ་ཏྟི་ཀོ, ཨ་ནུ་ཝ་ད་ནྟི ཙ ནཾ, ཡཱ་ཙ་ཏི ཙ, ཏ་སྶ ས་ངྒྷོ ས་ཏི་ཝི་ན་ཡཾ དེ་ཏི དྷ་མྨེ་ན ས་མ་གྒེ་ན, ཨི་མཱ་ནི ཁོ བྷ་ནྟེ པ་ཉྩ དྷ་མྨི་ཀཱ་ནི ས་ཏི ཝི་ན་ཡ་སྶ དཱ་ནཱ་ནི.
པུ་ཙྪཱ – ཨ་མཱུ་ལ༹ྷ་སྶ ཨཱ་ཝུ་སོ བྷི་ཀྑུ་ནོ ཨ་མཱུ་ལ༹ྷ་ཝི་ན་ཡཾ དཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ ག་གྒཾ བྷི་ཀྑུཾ ཨུ་མྨ་ཏྟ་ཀེ་ན ཙི་ཏྟ་ཝི་པ་རི་ཡཱ་ས་ཀ་ཏེ་ན ཨ་ཛ྄ཛྷཱ་ཙི་ཎྞེ་ན ཨཱ་པ་ཏྟི་ཡཱ ཙོ་དེ་སུཾ ‘‘ས་ར་ཏཱ ཡ་སྨཱ ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི, སོ ཨེ་ཝཾ ཝ་དེ་ཏི ‘‘ཨ་ཧཾ ཁོ ཨཱ་ཝུ་སོ ཨུ་མྨ་ཏྟ་ཀོ ཨ་ཧོ་སི ཙི་ཏྟ་ཝི་པ་རི་ཡཱ་ས་ཀ་ཏོ, ཏེ་ན མེ ཨུ་མྨ་ཏྟ་ཀེ་ན ཙི་ཏྟ་ཝི་པ་རི་ཡཱ་ས་ཀ་ཏེ་ན བ་ཧུཾ ཨ་སྶཱ་མ་ཎ་ཀཾ ཨ་ཛ྄ཛྷཱ་ཙི་ཎྞཾ བྷཱ་སི་ཏ་པ་རི་ཀྐ་ནྟཾ, ནཱ་ཧཾ ཏཾ ས་རཱ་མི, མཱུ་ལ༹ྷེ་ན མེ ཨེ་ཏཾ ཀ་ཏ’’ནྟི. ཨེ་ཝ་མྤི ནཾ ཝུ་ཙྩ་མཱ་ནཱ ཙོ་དེ་ནྟེ་ཝ ‘‘ས་ར་ཏཱ ཡ་སྨཱ ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཀ་ཏི ཨཱ་ཝུ་སོ ཨ་དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི, ཝི་བྷ་ཛི་ཏྭཱ ཀ་ཐེ་ཧི.
ཝི་སྶ་ཛྫ་ནཱ – ཏཱི་ཎི བྷ་ནྟེ ཨ་དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི, ཨི་དྷ བྷ་ནྟེ བྷི་ཀྑུ ཨཱ་པ་ཏྟིཾ ཨཱ་པ་ནྣོ ཧོ་ཏི, ཏ་མེ་ནཾ ཙོ་དེ་ཏི ས་ངྒྷོ ཝཱ ས་མྦ་ཧུ་ལཱ ཝཱ ཨེ་ཀ་པུ་གྒ་ལོ ཝཱ ‘‘ས་ར་ཏཱ་ཡ་སྨཱ ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི, སོ ས་ར་མཱ་ནོ་ཝ ཨེ་ཝཾ ཝ་དེ་ཏི ‘‘ན ཁོ ཨ་ཧཾ ཨཱ་ཝུ་སོ ས་རཱ་མི ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི. ཨ་ཉྙོ ས་ར་མཱ་ནོ་ཝ ཨེ་ཝཾ ཝ་དེ་ཏི ‘‘ས་རཱ་མི ཁོ ཨ་ཧཾ ཨཱ་ཝུ་སོ ཡ་ཐཱ སུ་པི་ན་ནྟེ་ནཱ’’ཏི. ཨ་ཉྙོ ཨ་ནུ་མྨ་ཏྟ་ཀོ་ཝ ཨུ་མྨ་ཏྟ་ཀཱ་ལ་ཡཾ ཀ་རོ་ཏི ‘‘ཨ་ཧ་མྤི ཁོ ཨེ་ཝཾ ཀ་རོ་མི, ཏུ་མྷེ་པི ཨེ་ཝཾ ཀ་རོ་ཐ, མ་ཡ྄ཧ་མྤི ཨེ་ཏཾ ཀ་པྤ་ཏི, ཏུ་མྷཱ་ཀ་མྤེ་ཏཾ ཀ་པྤ་ཏཱི’’ཏི. ཨེ་སཾ ས་ངྒྷོ ཨ་མཱུ་ལ༹ྷ་ཝི་ན་ཡཾ དེ་ཏི, ཨ་དྷ་མྨི་ཀཾ བྷ་ནྟེ ཨ་མཱུ་ལ༹ྷ་ཝི་ན་ཡ་སྶ དཱ་ནཾ. ཨི་མཱ་ནི ཁོ བྷ་ནྟེ ཏཱི་ཎི ཨ་དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི.
པུ་ཙྪཱ – ཀ་ཏི ཨཱ་ཝུ་སོ དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི, ཝི་བྷ་ཛི་ཏྭཱ ཀ་ཐེ་ཧི.
ཝི་སྶ་ཛྫ་ནཱ – ཏཱི་ཎི བྷ་ནྟེ དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི, ཨི་དྷ བྷ་ནྟེ བྷི་ཀྑུ ཨུ་མྨ་ཏྟ་ཀོ ཧོ་ཏི ཙི་ཏྟ་ཝི་པ་རི་ཡཱ་ས་ཀ་ཏོ ཏེ་ན ཨུ་མྨ་ཏྟ་ཀེ་ན ཙི་ཏྟ་ཝི་པ་རི་ཡཱ་ས་ཀ་ཏེ་ན བ་ཧུཾ ཨ་སྶཱ་མ་ཎ་ཀཾ ཨ་ཛ྄ཛྷཱ་ཙི་ཎྞཾ ཧོ་ཏི བྷཱ་སི་ཏ་པ་རི་ཀྐ་ནྟཾ, ཏ་མེ་ནཾ ཙོ་དེ་ཏི ས་ངྒྷོ ཝཱ ས་མྦ་ཧུ་ལཱ ཝཱ ཨེ་ཀ་པུ་གྒ་ལོ ཝཱ ‘‘ས་ར་ཏཱ་ཡ་སྨཱ ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི, སོ ཨ་སྶ་ར་མཱ་ནོ་ཝ ཨེ་ཝཾ ཝ་དེ་ཏི ‘‘ན ཁོ ཨ་ཧཾ ཨཱ་ཝུ་སོ ས་རཱ་མི ཨེ་ཝ་རཱུ་པིཾ ཨཱ་པ་ཏྟིཾ ཨཱ་པ་ཛྫི་ཏཱ’’ཏི. ཨ་ཉྙོ་པི ཨ་སྶ་ར་མཱ་ནོ་ཝ ཨེ་ཝཾ ཝ་དེ་ཏི ‘‘ས་རཱ་མི ཁོ ཨ་ཧཾ ཨཱ་ཝུ་སོ ཡ་ཐཱ སུ་པི་ན་ནྟེ་ནཱ’’ཏི. ཨ་ཉྙོ་པི ཨུ་མྨ་ཏྟ་ཀོ་ཝ ཨུ་མྨ་ཏྟ་ཀཱ་ལ་ཡཾ ཀ་རོ་ཏི ‘‘ཨ་ཧ་མྤི ཨེ་ཝཾ ཀ་རོ་མི, ཏུ་མྷེ་པི ཨེ་ཝཾ ཀ་རོ་ཐ, མ་ཡ྄ཧ་མྤི ཨེ་ཏཾ ཀ་པྤ་ཏི, ཏུ་མྷཱ་ཀ་མྤེ་ཏཾ ཀ་པྤ་ཏཱི’’ཏི. ཨེ་སཾ བྷ་ནྟེ ཏི་ཎྞཾ བྷི་ཀྑཱུ་ནཾ ས་ངྒྷོ ཨ་མཱུ་ལ༹ྷ་ཝི་ན་ཡཾ དེ་ཏི, དྷ་མྨི་ཀཾ བྷ་ནྟེ ཨ་མཱུ་ལ༹ྷ་ཝི་ན་ཡ་སྶ དཱ་ནཾ. ཨི་མཱ་ནི ཁོ བྷ་ནྟེ ཏཱི་ཎི དྷ་མྨི་ཀཱ་ནི ཨ་མཱུ་ལ༹ྷ་ཝི་ན་ཡ་སྶ དཱ་ནཱ་ནི.
པུ་ཙྪཱ – ཨ་པྤ་ཊི་ཉྙཱ་ཡ ཨཱ་ཝུ་སོ བྷི་ཀྑཱུ་ནཾ ཏ་ཛྫ་ནཱི་ཡཱ་དཱི་ནི ཀ་མྨཱ་ནི ཀ་རོ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨ་པྤ་ཊི་ཉྙཱ་ཡ བྷི་ཀྑཱུ་ནཾ ཀ་མྨཱ་ནི ཨ་ཀཾ་སུ ཏ་ཛྫ་ནཱི་ཡཱ་དཱི་ནི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཐཾ ཨཱ་ཝུ་སོ ཨ་དྷ་མྨི་ཀཾ ཧོ་ཏི པ་ཊི་ཉྙཱ་ཏ་ཀ་ར་ཎཾ.
ཝི་སྶ་ཛྫ་ནཱ – ཨ་ཉྙ་ཐཱ བྷ་ནྟེ ཨཱ་པ་ཏྟིཾ ཨཱ་པ་ཛྫ་ནྟ་སྶ ཨ་ཉྙ་ཐཱ པ་ཊི་ཛཱ་ན་ནྟ་སྶ ཡ་ཐཱ སོ པ་ཊི་ཛཱ་ནཱ་ཏི, ཏ་ཐཱ ས་ངྒྷོ ཀཱ་རེ་ཏི, ཨེ་ཝཾ ཁོ བྷ་ནྟེ ཨ་དྷ་མྨི་ཀཾ ཧོ་ཏི པ་ཊི་ཉྙཱ་ཏ་ཀ་ར་ཎཾ.
པུ་ཙྪཱ – ཀ་ཐཾ ཨཱ་ཝུ་སོ དྷ་མྨི་ཀཾ ཧོ་ཏི པ་ཊི་ཉྙཱ་ཏ་ཀ་ར་ཎཾ.
ཝི་སྶ་ཛྫ་ནཱ – ཡཾ བྷ་ནྟེ ཨཱ་པ་ཏྟིཾ ཨཱ་པ་ཛྫ་ནྟ་སྶ ཏ་མེ་ཝ པ་ཊི་ཛཱ་ན་ནྟ་སྶ ཏེ་ནེ་ཝ ས་ངྒྷོ ཀཱ་རེ་ཏི, ཨེ་ཝཾ ཁོ བྷ་ནྟེ དྷ་མྨི་ཀཾ པ་ཊི་ཉྙཱ་ཏ་ཀ་ར་ཎཾ.
པུ་ཙྪཱ – ཡེ་བྷུ་ཡྻ་སི་ཀཱ་ཡ ཨཱ་ཝུ་སོ ཨ་དྷི་ཀ་ར་ཎཾ ཝཱུ་པ་ས་མེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ བྷ་ཎྜ་ན་ཛཱ་ཏཱ ཀ་ལ་ཧ་ཛཱ་ཏཱ ཝི་ཝཱ་དཱ་པ་ནྣཱ ཨ་ཉྙ་མ་ཉྙཾ མུ་ཁ་ས་ཏྟཱི་ཧི ཝི་ཏུ་ད་ནྟཱ ཝི་ཧ་རིཾ་སུ, ན ས་ཀྐོ་ནྟི ཏཾ ཨ་དྷི་ཀ་ར་ཎཾ ཝཱུ་པ་ས་མེ་ཏུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཀ་ཐཾ ཨཱ་ཝུ་སོ ཨ་དྷི་ཀ་ར་ཎཾ ཡེ་བྷུ་ཡྻ་སི་ཀཱ་ཡ ཝཱུ་པ་ས་མེ་ཏ་བྦཾ.
ཝི་སྶ་ཛྫ་ནཱ – པ་ཉྩ་ཧི བྷ་ནྟེ ཨ་ངྒེ་ཧི ས་མ་ནྣཱ་ག་ཏོ བྷི་ཀྑུ ས་ལཱ་ཀ་གྒཱ་ཧཱ་པ་ཀོ ས་མྨ་ནྣི་ཏ་བྦོ, ཏེ་ན བྷ་ནྟེ ས་ལཱ་ཀ་གྒཱ་ཧཱ་པ་ཀེ་ན ས་ལཱ་ཀཱ གཱ་ཧཱ་ཏ་བྦཱ ཡ་ཐཱ བ་ཧུ་ཏ་རཱ བྷི་ཀྑཱུ དྷ་མྨ་ཝཱ་དི་ནོ ཝ་ད་ནྟི ཏ་ཐཱ ཏཾ ཨ་དྷི་ཀ་ར་ཎཾ ཝཱུ་པ་ས་མེ་ཏ་བྦཾ, ཨེ་ཝཾ ཁོ བྷ་ནྟེ ཡེ་བྷུ་ཡྻ་སི་ཀཱ་ཡ ཨ་དྷི་ཀ་ར་ཎཾ ཝཱུ་པ་ས་མེ་ཏ་བྦཾ.
པུ་ཙྪཱ – ཀ་ཏི ཨཱ་ཝུ་སོ ཨ་དྷ་མྨི་ཀཱ ས་ལཱ་ཀ་གྒཱ་ཧཱ.
ཝི་སྶ་ཛྫ་ནཱ – ད་ས བྷ་ནྟེ ཨ་དྷ་མྨི་ཀཱ ས་ལཱ་ཀ་གྒཱ་ཧཱ, ཨོ་ར་མ་ཏྟ་ཀ་ཉྩ ཨ་དྷི་ཀ་ར་ཎཾ ཧོ་ཏི, ན ཙ ག་ཏི་ག་ཏཾ ཧོ་ཏི, ན ཙ ས་རི་ཏ་སཱ་རི་ཏཾ ཧོ་ཏི, ཛཱ་ནཱ་ཏི ‘ཨ་དྷ་མྨ་ཝཱ་དཱི བ་ཧུ་ཏ་རཱ’ཏི, ཨ་པྤེ་ཝ ནཱ་མ ཨ་དྷ་མྨ་ཝཱ་དཱི བ་ཧུ་ཏ་རཱ ཨ་སྶཱུ་ཏི, ཛཱ་ནཱ་ཏི ‘ས་ངྒྷོ བྷི་ཛྫི་སྶ་ཏཱི’ཏི, ཨ་པྤེ་ཝ ནཱ་མ ས་ངྒྷོ བྷི་ཛྫེ་ཡྻཱ་ཏི, ཨ་དྷ་མྨེ་ན ག་ཎྷ་ནྟི, ཝ་གྒཱ ག་ཎྷ་ནྟི, ན ཙ ཡ་ཐཱ་དི་ཊྛི་ཡཱ ག་ཎྷ་ནྟི, ཨི་མེ ཁོ བྷ་ནྟེ ད་ས ཨ་དྷ་མྨི་ཀཱ ཀ་ལཱ་ཀ་གྒཱ་ཧཱ.
པུ་ཙྪཱ – ཀ་ཏི ཨཱ་ཝུ་སོ དྷ་མྨི་ཀཱ ས་ལཱ་ཀ་གྒཱ་ཧཱ.
ཝི་སྶ་ཛྫ་ནཱ – ད་ས བྷ་ནྟེ དྷ་མྨི་ཀཱ ས་ལཱ་ཀ་གྒཱ་ཧཱ ཝུ་ཏྟ་ཝི་པ་རི་ཡཱ་ཡེ་ན.
པུ་ཙྪཱ – པཱ་པུ་སྶ་ནྣ་སྶ ཨཱ་ཝུ་སོ བྷི་ཀྑུ་སྶ ཏ་སྶ པཱ་པི་ཡ་སི་ཀཱ ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨུ་པ་ཝཱ་ལ༹ཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨུ་པ་ཝཱ་ལོ༹ བྷ་ནྟེ བྷི་ཀྑུ ས་ངྒྷ་མ་ཛ྄ཛྷེ ཨཱ་པ་ཏྟི་ཡཱ ཨ་ནུ་ཡུ་ཉྫི་ཡ་མཱ་ནོ ཨ་ཝ་ཛཱ་ནི་ཏྭཱ པ་ཊི་ཛཱ་ནཱ་ཏི, པ་ཊི་ཛཱ་ནི་ཏྭཱ ཨ་ཝ་ཛཱ་ནཱ་ཏི, ཨ་ཉྙེ་ན་ཉྙཾ པ་ཊི་ཙ་ར་ཏི, ས་མྤ་ཛཱ་ན་མུ་སཱ བྷཱ་ས་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཏི ཨཱ་ཝུ་སོ དྷ་མྨི་ཀཱ་ནི ཏ་སྶ་པཱ་པི་ཡ་སི་ཀཱ ཀ་མྨ་སྶ ཀ་ར་ཎཱ་ནི.
ཝི་སྶ་ཛྫ་ནཱ – པ་ཉྩི་མཱ་ནི བྷ་ནྟེ དྷ་མྨི་ཀཱ་ནི ཏ་སྶ་པཱ་པི་ཡ་སི་ཀཱ ཀ་མྨ་སྶ ཀ་ར་ཎཱ་ནི. ཨ་སུ་ཙི ཙ ཧོ་ཏི, ཨ་ལ་ཛྫཱི ཙ, སཱ་ནུ་ཝཱ་དོ ཙ, ཏ་སྶ ས་ངྒྷོ ཏ་སྶ་པཱ་པི་ཡ་སི་ཀཱ ཀ་མྨཾ ཀ་རོ་ཏི དྷ་མྨེ་ན ས་མ་གྒེ་ན, ཨི་མཱ་ནི ཁོ བྷ་ནྟེ པ་ཉྩ དྷ་མྨི་ཀཱ་ནི ཏ་སྶ པཱ་པི་ཡ་སི་ཀཱ ཀ་མྨ་སྶ ཀ་ར་ཎཱ་ནི.
པུ་ཙྪཱ – ཏ་སྶ པཱ་པི་ཡ་སི་ཀཱ་ཀ་མྨ་ཀ་ཏེ་ན ཨཱ་ཝུ་སོ བྷི་ཀྑུ་ནཱ ཀ་ཏི་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
ཝི་སྶ་ཛྫ་ནཱ – ཏ་སྶ པཱ་པི་ཡ་སི་ཀཱ་ཀ་མྨ་ཀ་ཏེ་ན བྷ་ནྟེ བྷི་ཀྑུ་ནཱ ཨ་ཊྛཱ་ར་ས་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ. ན ཨུ་པ་ས་མྤཱ་དེ་ཏ་བྦཾ, ན ནི་སྶ་ཡོ དཱ་ཏ་བྦོ, ན སཱ་མ་ཎེ་རོ ཨུ་པ་ཊྛཱ་པེ་ཏ་བྦོ, ཨེ་ཝ་མཱ་དཱི་སུ བྷ་ནྟེ ཨ་ཊྛཱ་ར་ས་སུ ཝ་ཏྟེ་སུ ས་མྨཱ ཝ་ཏྟི་ཏ་བྦཾ.
པུ་ཙྪཱ – ཀ་ཏི ཨཱ་ཝུ་སོ ཨ་དྷི་ཀ་ར་ཎཱ་ནི ས་མ་ཐེ་ཧི ཝཱུ་པ་ས་མེ་ཏ་བྦཱ་ནི.
ཝི་སྶ་ཛྫ་ནཱ – ཙ་ཏྟཱ་རི་མཱ་ནི བྷ་ནྟེ ཨ་དྷི་ཀ་ར་ཎཱ་ནི ས་མ་ཐེ་ཧི ཝཱུ་པ་ས་མེ་ཏ་བྦཱ་ནི, ཝི་ཝཱ་དཱ་དྷི་ཀ་ར་ཎཾ ཨ་ནུ་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎཾ, ཨི་མཱ་ནི བྷ་ནྟེ ཙ་ཏྟཱ་རི ཨ་དྷི་ཀ་ར་ཎཱ་ནི ས་མ་ཐེ་ཧི ཝཱུ་པ་ས་མེ་ཏ་བྦཱ་ནི.
པུ་ཙྪཱ – ཀིཾ ཨཱ་ཝུ་སོ ཝི་ཝཱ་དཱ་དྷི་ཀ་ར་ཎ་སྶ མཱུ་ལཾ.
ཝི་སྶ་ཛྫ་ནཱ – ཚ བྷ་ནྟེ ཝི་ཝཱ་ད་མཱུ་ལཱ་ནི ཝི་ཝཱ་དཱ་དྷི་ཀ་ར་ཎ་སྶ མཱུ་ལཾ, ཏཱི་ཎི་པི ཨ་ཀུ་ས་ལ་མཱུ་ལཱ་ནི ཝི་ཝཱ་དཱ་དྷི་ཀ་ར་ཎ་སྶ མཱུ་ལཾ, ཏཱི་ཎི་པི ཀུ་ས་ལ་མཱུ་ལཱ་ནི ཝི་ཝཱ་དཱ་དྷི་ཀ་ར་ཎ་སྶ མཱུ་ལཾ, ཨི་དཾ བྷ་ནྟེ ཝི་ཝཱ་དཱ་དྷི་ཀ་ར་ཎ་སྶ མཱུ་ལཾ.
པུ་ཙྪཱ – ཀིཾ པ་ནཱ་ཝུ་སོ ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ.
ཝི་སྶ་ཛྫ་ནཱ – ཚ བྷ་ནྟེ ཨ་ནུ་ཝཱ་ད་མཱུ་ལཱ་ནི ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ, ཏཱི་ཎི་པི ཨ་ཀུ་ས་ལ་མཱུ་ལཱ་ནི ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ, ཏཱི་ཎི་པི ཀུ་ས་ལ་མཱུ་ལཱ་ནི ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ, ཀཱ་ཡོ་པི ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ, ཝཱ་ཙཱ་པི ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ, ཨི་དཾ ཁོ བྷ་ནྟེ ཨ་ནུ་ཝཱ་དཱ་དྷི་ཀ་ར་ཎ་སྶ མཱུ་ལཾ.
པུ་ཙྪཱ – ཀིཾ པ་ནཱ་ཝུ་སོ ཨཱ་པ་ཏྟཱ་དྷི་ཀ་ར་ཎ་སྶ མཱུ་ལཾ.
ཝི་སྶ་ཛྫ་ནཱ – ཚ བྷ་ནྟེ ཨཱ་པ་ཏྟི་ས་མུ་ཊྛཱ་ནཱ ཨཱ་པ་ཏྟཱ་དྷི་ཀ་ར་ཎ་སྶ མཱུ་ལཾ, ཨ་ཏྟི བྷ་ནྟེ ཨཱ་པ་ཏྟི ཀཱ་ཡ་ཏོ ས་མུ་ཊྛཱ་ཏི ན ཝཱ་ཙ་ཏོ ན ཙི་ཏྟ་ཏོ, ཨ་ཏྠི བྷ་ནྟེ ཨཱ་པ་ཏྟི ཝཱ་ཙ་ཏོ ས་མུ་ཊྛཱ་ཏི ན ཀཱ་ཡ་ཏོ ན ཙི་ཏྟ་ཏོ, ཨ་ཏྠི བྷ་ནྟེ ཨཱ་པ་ཏྟི ཀཱ་ཡ་ཏོ ཙ ཝཱ་ཙ་ཏོ ཙ ས་མུ་ཊྛཱ་ཏི ན ཙི་ཏྟ་ཏོ, ཨ་ཏྠི བྷ་ནྟེ ཨཱ་པ་ཏྟི ཀཱ་ཡ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི ན ཝཱ་ཙ་ཏོ, ཨ་ཏྠི བྷ་ནྟེ ཨཱ་པ་ཏྟི ཝཱ་ཙ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི ན ཀཱ་ཡ་ཏོ, ཨ་ཏྠི བྷ་ནྟེ ཨཱ་པ་ཏྟི ཀཱ་ཡ་ཏོ ཙ ཝཱ་ཙ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི, ཨི་མཱ་ནི བྷ་ནྟེ ཚ ཨཱ་པ་ཏྟི ས་མུ་ཊྛཱ་ནཱ་ནི ཨཱ་པ་ཏྟཱ་དྷི་ཀ་ར་ཎ་སྶ མཱུ་ལཾ.
པུ་ཙྪཱ – ཀིཾ པ་ནཱ་ཝུ་སོ ཀི་ཙྩཱ་དྷི་ཀ་ར་ཎ་སྶ མཱུ་ལཾ.
ཝི་སྶ་ཛྫ་ནཱ – ཀི་ཙྩཱ་དྷི་ཀ་ར་ཎ་སྶ བྷ་ནྟེ ཨེ་ཀཾ མཱུ་ལཾ ས་ངྒྷོ.
པུ་ཙྪཱ – ས་མ་ཐཾ ཨཱ་ཝུ་སོ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ས་མ་ཐཾ བྷ་ནྟེ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ དྭེ ཨཱ་པ་ཏྟི་ཡོ.
༥. ཁུ་དྡ་ཀ་ཝ་ཏྠུ་ཀྑ་ནྡྷ་ཀ
པུ་ཙྪཱ – ན་ཧཱ་ཡ་ནྟེ་ན ཨཱ་ཝུ་སོ བྷི་ཀྑུ་ནཱ རུ་ཀྑེ ཝཱ ཐ་མྦྷེ ཝཱ ཀུ་ཊྚེ ཝཱ ཀཱ་ཡཾ ཨུ་གྒྷཾ་སེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ན་ཧཱ་ཡ་མཱ་ནཱ རུ་ཀྑེ་པི ཐ་མྦྷེ་པི ཀུ་ཊྚེ་པི ཀཱ་ཡཾ ཨུ་གྒྷཾ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ག་ནྡྷ་བྦ་ཧ་ཏྠ་ཀེ་ན ཝཱ ཨཱ་ཝུ་སོ ཀུ་རུ་ཝི་ནྡ་ཀ་སུ་ཏྟི་ཡཱ ཝཱ མ་ལླ་ཀེ་ན ཝཱ ན་ཧཱ་ཡ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ག་ནྡྷ་བྦ་ཧ་ཏྠ་ཀེ་ན་པི ཀུ་རུ་ཝི་ནྡ་ཀ་སུ་ཏྟི་ཡཱ་པི མ་ལླ་ཀེ་ན་པི ན་ཧཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པཱ་ཎི་ནཱ ཨཱ་ཝུ་སོ པ་རི་ཀ་མྨཾ ཀཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ པི་ཊྛི་པ་རི་ཀ་མྨཾ ཀཱ་ཏུཾ ཀུ་ཀྐུ་ཙྩཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཝ་ལླི་ཀཾ ཝཱ ཨཱ་ཝུ་སོ པཱ་མ་ངྒཾ ཝཱ ཀ་ཎྛ་སུ་ཏྟ་ཀཾ ཝཱ ཀ་ཊི་སུ་ཏྟ་ཀཾ ཝཱ ཨོ་ཝ་ཊྚི་ཀཾ ཝཱ ཀཱ་ཡུ་རཾ ཝཱ ཧ་ཏྠཱ་བྷ་ར་ཎཾ ཝཱ ཨ་ངྒུ་ལི་མུ་དྡི་ཀཾ ཝཱ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཝ་ལླི་ཀཱ་དཱི་ནི དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – དཱི་གྷེ ཨཱ་ཝུ་སོ ཀེ་སེ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ དཱི་གྷེ ཀེ་སེ དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀོ་ཙྪེ་ན་ཝཱ ཨཱ་ཝུ་སོ ཕ་ཎ་ཀེ་ན་ཝཱ ཧ་ཏྠ་ཕ་ཎ་ཀེ་ན་ཝཱ ཀེ་སེ ཨོ་ས་ཎྛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཀོ་ཙྪཱ་དཱི་ཧི ཀེ་སེ ཨོ་ས་ཎྛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨཱ་དཱ་སེ ཝཱ ཨཱ་ཝུ་སོ ཨུ་ད་ཀ་པ་ཏྟེ ཝཱ མུ་ཁ་ནི་མི་ཏྟཾ ཨོ་ལོ་ཀེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨཱ་དཱ་སེ་པི ཨུ་ད་ཀ་པ་ཏྟེ་པི མུ་ཁ་ནི་མི་ཏྟཾ ཨོ་ལོ་ཀེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨཱ་བཱ་དྷ་པ་ཙྩ་ཡཱ པ་ནཱ་ཝུ་སོ ཨཱ་དཱ་སེ ཝཱ ཨུ་ད་ཀ་པ་ཏྟེ ཝཱ མུ་ཁ་ནི་མི་ཏྟཾ ཨོ་ལོ་ཀེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ ཨ་ནུ་ཉྙཱ་ཏཾ, བྷ་ག་ཝ་ཏི བྷ་ནྟེ རཱ་ཛ་ག་ཧེ ཝི་ཧ་ར་ཏི ཨ་ཉྙ་ཏ་ར་སྶ བྷི་ཀྑུ་ནོ མུ་ཁེ ཝ་ཎོ ཨ་ཧོ་སི, སོ བྷི་ཀྑཱུ ཨེ་ཏ་ད་ཝོ་ཙ ‘‘ཀཱི་དི་སོ མེ ཨཱ་ཝུ་སོ ཝ་ཎོ’’ཏི, བྷི་ཀྑཱུ ཨེ་ཝ་མཱ་ཧཾ་སུ ‘‘ཨེ་དི་སོ ཏེ ཨཱ་ཝུ་སོ ཝ་ཎོ’’ཏི, སོ ན ས་དྡ་ཧ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – མུ་ཁཱ་ལེ་པ་ནཱ་དཱི་ནི ཨཱ་ཝུ་སོ ཀ་རོ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ མུ་ཁཱ་ལེ་པ་ནཱ་དཱི་ནི ཨ་ཀཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ན་ཙྩཾ ཝཱ ཨཱ་ཝུ་སོ གཱི་ཏཾ ཝཱ ཝཱ་དི་ཏཾ ཝཱ ད་སྶ་ནཱ་ཡ ག་ཙྪ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ ན་ཙྩ་མྤི གཱི་ཏ་མྤི ཝཱ་དི་ཏ་མྤི ད་སྶ་ནཱ་ཡ ག་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཐཾ ཨཱ་ཝུ་སོ ན་ཙྩཱ་དཱི་ནི པ་སྶ་ནྟ་སྶ ཨཱ་པ་ཏྟི ཧོ་ཏི, ཀ་ཐཾ པ་ན ཨ་ནཱ་པ་ཏྟི.
ཝི་སྶ་ཛྫ་ནཱ – ན་ཙྩཾ ཝཱ བྷ་ནྟེ གཱི་ཏཾ ཝཱ ཝཱ་དི་ཏཾ ཝཱ ད་སྶ་ནཱ་ཡ ག་ཙྪ་ཏི ཨཱ་པ་ཏྟི དུ་ཀྐ་ཊ་སྶ, ཡ་ཏྠ ཋི་ཏོ པ་སྶ་ཏི ཝཱ སུ་ཎཱ་ཏི ཝཱ ཨཱ་པ་ཏྟི དུ་ཀྐ་ཊ་སྶ, ད་སྶ་ནཱུ་པ་ཙཱ་རཾ ཝི་ཛ་ཧི་ཏྭཱ པུ་ན་པྤུ་ནཾ པ་སྶ་ཏི ཨཱ་པ་ཏྟི དུ་ཀྐ་ཊ་སྶ, ཨཱ་རཱ་མེ ཋི་ཏ་སྶ པ་སྶ་ཏོ ཨ་ནཱ་པ་ཏྟི, ཝི་ཧཱ་ར་ཏོ པ་ན ཝི་ཧཱ་རཾ པ་སྶི་སྶཱ་མཱི་ཏི ག་ཙྪ་ཏོ ཨཱ་པ་ཏྟི་ཡེ་ཝ, ཡ་ཏྠ ཋི་ཏོ པ་སྶ་ཏི ཝཱ སུ་ཎཱ་ཏི ཝཱ ཨཱ་པ་ཏྟི དུ་ཀྐ་ཊ་སྶ, ཨཱ་ས་ན་སཱ་ལཱ་ཡ ནི་སི་ནྣོ པ་སྶ་ཏི ཨ་ནཱ་པ་ཏྟི, པ་སྶི་སྶཱ་མཱི་ཏི ཝུ་ཊྛ་ཧི་ཏྭཱ ག་ཙྪ་ཏི ཨཱ་པ་ཏྟི དུ་ཀྐ་ཊ་སྶ, ཡ་ཏྠ ཋི་ཏོ པ་སྶ་ཏི ཝཱ སུ་ཎཱ་ཏི ཝཱ ཨཱ་པ་ཏྟི དུ་ཀྐ་ཊ་སྶ, པ་ཏི་པ་ཐཾ ག་ཙྪ་ནྟོ པ་སྶ་ཏི ཨ་ནཱ་པ་ཏྟི, གཱི་ཝཾ པ་རི་ཝ་ཏྟེ་ཏྭཱ པ་སྶ་ཏོ པ་ན ཨཱ་པ་ཏྟི བྷ་ནྟེ.
པུ་ཙྪཱ – ཨཱ་ཡ་ཏ་ཀེ་ན ཨཱ་ཝུ་སོ གཱི་ཏ་སྶ་རེ་ན དྷ་མྨཾ གཱ་ཡ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨཱ་ཡ་ཏ་ཀེ་ན གཱི་ཏ་སྶ་རེ་ན དྷ་མྨཾ གཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – དཱ་རུ་པ་ཏྟཾ ཨཱ་ཝུ་སོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨཱ་ཡ་སྨ་ནྟཾ པི་ཎྜོ་ལ་བྷཱ་ར་དྭཱ་ཛཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ པི་ཎྜོ་ལ་བྷཱ་ར་དྭཱ་ཛོ ཚ་ཝ་སྶ དཱ་རུ་པ་ཏྟ་སྶ ཀཱ་ར་ཎཱ གི་ཧཱི་ནཾ ཨུ་ཏྟ་རི་མ་ནུ་སྶ་དྷ་མྨཾ ཨི་དྡྷི་པཱ་ཊི་ཧཱ་རི་ཡཾ ད་སྶེ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
ན ཙ བྷི་ཀྑ་ཝེ དཱ་རུ་པ་ཏྟོ དྷཱ་རེ་ཏ་བྦོ, ཡོ དྷཱ་རེ་ཡྻ ཨཱ་པ་ཏྟི དུ་ཀྐ་ཊ་སྶ –
པུ་ཙྪཱ – བྷ་ག་ཝ་ཏཱ ཨཱ་ཝུ་སོ ཨུ་ཙྩཱ་ཝ་ཙེ པ་ཏྟེ པ་ཊི་ཀྑི་པི་ཏྭཱ ཨ་ཡོ པ་ཏྟོ བྷཱུ་མི་པ་ཏྟོ་ཏི ཨི་མེ་ཡེ་ཝ དྭེ པ་ཏྟཱ ཀ་ཏྠ ཨ་ནུ་ཉྙཱ་ཏཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨུ་ཙྩཱ་ཝ་ཙེ པ་ཏྟེ དྷཱ་རེ་སུཾ སོ་ཝ་ཎྞ་མ་ཡཱ རཱུ་པི་ཡ་མ་ཡཱ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
པུ་ཙྪཱ – སོ་ད་ཀཾ ཨཱ་ཝུ་སོ པ་ཏྟཾ པ་ཊི་སཱ་མེ་ནྟ་སྶ ཙ ཨོ་ཏཱ་པེ་ནྟ་སྶ་ཙ ཨུ་ཎྷེ པ་ཏྟཾ ནི་ད་ཧ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ སོ་ད་ཀཾ པ་ཏྟཾ པ་ཊི་སཱ་མེ་སུཾ, ཨོ་ཏཱ་པེ་སུཾ, ཨུ་ཎྷེ པ་ཏྟཾ ནི་ད་ཧིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཚ་ཝ་སཱི་ས་པ་ཏྟཾ ཨཱ་ཝུ་སོ དྷཱ་རེ་ནྟ་སྶ ཙ ས་བྦ་པཾ་སུ་ཀཱུ་ལི་ཀ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ ས་བྦ་པཾ་སུ་ཀཱུ་ལི་ཀོ ཨ་ཧོ་སི, སོ ཚ་ཝ་སཱི་ས་སྶ པ་ཏྟཾ དྷཱ་རེ་སི, ཨ་ཉྙ་ཏ་རཱ ཨི་ཏྠཱི པ་སྶི་ཏྭཱ བྷཱི་ཏཱ ཝི་སྶ་ར་མ་ཀཱ་སི ‘‘ཨ་བྷུཾ མེ པི་སཱ་ཙོ ཝ་ཏཱ་ཡ’’ནྟི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཙ་ལ་ཀཱ་ནི ཝཱ ཨཱ་ཝུ་སོ ཨ་ཊྛི་ཀཱ་ནི ཝཱ ཨུ་ཙྪི་ཊྛོ་ད་ཀཾ ཝཱ པ་ཏྟེ་ན ནཱི་ཧ་ར་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཙ་ལ་ཀཱ་ནི་པི ཨ་ཊྛི་ཀཱ་ནི་པི ཨུ་ཙྪི་ཊྛོ ད་ཀ་མྤི པ་ཏྟེ་ན ནཱི་ཧ་རིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨུ་པཱ་ཧ་ན་ཏྠ་ཝི་ཀཱ ཨཱ་ཝུ་སོ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – ཨ་ནྟ་རཱ ཙ བྷ་ནྟེ རཱ་ཛ་ག་ཧཾ ཨ་ནྟ་རཱ ཙ ཝེ་སཱ་ལིཾ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ ཨ་ནུ་ཉྙཱ་ཏཱ, ཨ་ཉྙ་ཏ་རོ བྷ་ནྟེ བྷི་ཀྑུ ཨུ་པཱ་ཧ་ནཱ་ཡོ ཀཱ་ཡ་བ་ནྡྷ་ནེ་ན བ་ནྡྷི་ཏྭཱ གཱ་མཾ པི་ཎྜཱ་ཡ པཱ་ཝི་སི, ཨ་ཉྙ་ཏ་རོ ཨུ་པཱ་ས་ཀོ ཏཾ བྷི་ཀྑུཾ ཨ་བྷི་ཝཱ་དེ་ནྟོ ཨུ་པཱ་ཧ་ནཱ་ཡོ སཱི་སེ་ན གྷ་ཊྚེ་ཏི, སོ བྷི་ཀྑུ མ་ངྐུ ཨ་ཧོ་སི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
པུ་ཙྪཱ – ཨ་དྡྷཱ་ན་མ་གྒ་པྤ་ཊི་པ་ནྣེ་ན ཨཱ་ཝུ་སོ པ་རི་སྶཱ་ཝ་ནཾ ཡཱ་ཙི་ཡ་མཱ་ནེ་ན ན ད་ད་ནྟ་སྶ ཙ ཨ་པྤ་ཊི་སྶཱ་ཝ་ན་ཀེ་ན ཨ་དྡྷཱ་ནཾ པ་ཊི་པ་ཛྫ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨ་ནྟ་རཱ ཙ བྷ་ནྟེ རཱ་ཛ་ག་ཧཾ ཨ་ནྟ་རཱ ཙ ཝེ་སཱ་ལིཾ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ པ་རི་སྶཱ་ཝ་ནཾ ཡཱ་ཙི་ཡ་མཱ་ནོ ན ཨ་དཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པུ་པྥཱ་བྷི་ཀི་ཎྞེ ཨཱ་ཝུ་སོ ས་ཡ་ནེ ས་ཡ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ པུ་པྥཱ་བྷི་ཀི་ཎྞེ་སུ ས་ཡ་ནེ་སུ ས་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨེ་ཀ་བྷཱ་ཛ་ནེ ཝཱ ཨཱ་ཝུ་སོ བྷུ་ཉྫ་ནྟཱ་ནཾ ཨེ་ཀ་ཐཱ་ལ་ཀེ ཝཱ པི་ཝ་ནྟཱ་ནཾ ཨེ་ཀ་ཏྠ་ར་ཎ་པཱ་ཝུ་ར་ཎཱ་ནཾ ཝཱ ཏུ་ཝ་ཊྚཱ་ནཾ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ ཚ་བྦ་གྒི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨེ་ཀ་བྷཱ་ཛ་ནེ་པི བྷུ་ཉྫིཾ་སུ, ཨེ་ཀ་ཐཱ་ལ་ཀེ་པི པི་ཝིཾ་སུ, ཨེ་ཀ་མ་ཉྩ་ཀེ་པི ཏུ་ཝ་ཊྚེ་སུཾ, ཨེ་ཀ་ཏྠ་ར་ཎཱ་པི ཏུ་ཝ་ཊྚེ་སུཾ, ཨེ་ཀ་པཱ་ཝུ་ར་ཎཱ་པི ཏུ་ཝ་ཊྚེ་སུཾ, ཨེ་ཀ་ཏྠ་ར་ཎ་པཱ་ཝུ་ར་ཎཱ་པི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཙཱ་མ་རི་བཱི་ཛ་ནིཾ ཨཱ་ཝུ་སོ པ་ཊི་ཀྑི་པི་ཏྭཱ ཏི་སྶོ བཱི་ཛ་ནི་ཡོ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ, ཀི་སྨི་ཉྩ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ནུ་ཉྙཱ་ཏཱ, སཱ་ཝ་ཏྠི་ཡཾ བྷ་ནྟེ བྷ་ག་ཝ་ཏི ཝི་ཧ་ར་ཏི ས་ངྒྷ་སྶ ཙཱ་མ་རི་བཱི་ཛ་ནཱི ཨུ་པྤ་ནྣཱ ཨ་ཧོ་སི, བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
ན བྷི་ཀྑ་ཝེ ཙཱ་མ་རི་བཱི་ཛ་ནཱི དྷཱ་རེ་ཏ་བྦཱ, ཡོ དྷཱ་རེ་ཡྻ, ཨཱ་པ་ཏྟི དུ་ཀྐ་ཊ་སྶ. ཨ་ནུ་ཛཱ་ནཱ་མི བྷི་ཀྑ་ཝེ ཏི་སྶོ བཱི་ཛ་ནི་ཡོ ཝཱ་ཀ་མ་ཡཾ ཨུ་སཱི་ར་མ་ཡཾ མོ་ར་པི་ཉྪཱ མ་ཡཾ.
པུ་ཙྪཱ – དཱི་གྷེ ཨཱ་ཝུ་སོ ན་ཁེ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ དཱི་གྷེ ན་ཁེ དྷཱ་རེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཏྟ་རི་ཀཱ་ཡ ཨཱ་ཝུ་སོ ཀེ་སེ ཚེ་དཱ་པེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཀ་ཏྟ་རི་ཀཱ་ཡ ཀེ་སེ ཚི་ནྡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – དཱི་གྷེ ཨཱ་ཝུ་སོ ནཱ་སི་ཀཱ་ལོ་མེ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ དཱི་གྷཱ་ནི ནཱ་སི་ཀཱ་ལོ་མཱ་ནི དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨུ་ཙྩཱ་ཝ་ཙཱ ཨཱ་ཝུ་སོ ཀ་ཎྞ་མ་ལ་ཧ་ར་ཎི་ཡོ པ་ཊི་ཀྑི་པི་ཏྭཱ ད་ས ཀ་ཎྞ་མ་ལ་ཧ་ར་ཎི་ཡོ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨུ་ཙྩཱ་ཝ་ཙཱ ཀ་ཎྞ་མ་ལ་ཧ་ར་ཎི་ཡོ དྷཱ་རེ་སུཾ སོ་ཝ་ཎྞ་མ་ཡཾ རཱུ་པི་ཡ་མ་ཡཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
པུ་ཙྪཱ – ས་ངྒྷཱ་ཊི་པ་ལླ་ཏྠི་ཀཱ་ཡ ནི་སཱི་ད་ནྟ་སྶ ཨཱ་ཝུ་སོ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ས་ངྒྷཱ་ཊི་པ་ལླ་ཏྠི་ཀཱ་ཡ ནི་སཱི་དིཾ་སུ, ས་ངྒྷཱ་ཊི་ཡཱ པ་ཏྟཱ ལུ་ཛྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ཀཱ་ཡ་བ་ནྡྷ་ནེ་ན ཨཱ་ཝུ་སོ གཱ་མཾ པ་ཝི་ས་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ ཨ་ཀཱ་ཡ་བ་ནྡྷ་ནོ གཱ་མཾ པི་ཎྜཱ་ཡ པཱ་ཝི་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – གི་ཧི་ནི་ཝ་ཏྠཾ ཨཱ་ཝུ་སོ ནི་ཝཱ་སེ་ནྟ་སྶ ཙ, གི་ཧི་པཱ་རུ་ཏཾ པཱ་རུ་པ་ནྟ་སྶ ཙ, སཾ་ཝེ་ལླི་ཡཾ ནི་ཝཱ་སེ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ གི་ཧི་ནི་ཝ་ཏྠཾ ནི་ཝཱ་སིཾ་སུ, གི་ཧི་པཱ་རུ་ཏ་མྤི པཱ་རུ་པིཾ་སུ, སཾ་ཝེ་ལླི་ཡ་མྤི ནི་ཝཱ་སིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨུ་བྷ་ཏོ ཀཱ་ཛཾ ཨཱ་ཝུ་སོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨུ་བྷ་ཏོ ཀཱ་ཛཾ དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ལོ་ཀཱ་ཡ་ཏཾ ཨཱ་ཝུ་སོ པ་རི་ཡཱ་པུ་ཎ་ནྟ་སྶ ཙ ཝཱ་ཙེ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.