༨. ཝ་ཏྟ་ཀྑ་ནྡྷ་ཀ
པུ་ཙྪཱ – ཨཱ་ག་ནྟུ་ཀཱ་ནཾ ཨཱ་ཝུ་སོ བྷི་ཀྑཱུ་ནཾ ཝ་ཏྟཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ ཨཱ་ག་ནྟུ་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཨཱ་ག་ནྟུ་ཀཱ བྷ་ནྟེ བྷི་ཀྑཱུ ས་ཨུ་པཱ་ཧ་ནཱ་པི ཨཱ་རཱ་མཾ པ་ཝི་སིཾ་སུ, ཚ་ཏྟ་པ་གྒ་ཧི་ཏཱ་པི ཨཱ་རཱ་མཾ པ་ཝི་སིཾ་སུ, ཨོ་གུ་ཎྛི་ཏཱ་པི ཨཱ་རཱ་མཾ པ་ཝི་སིཾ་སུ, སཱི་སེ་པི ཙཱི་ཝ་རཾ ཀ་རི་ཏྭཱ ཨཱ་རཱ་མཾ པ་ཝི་སིཾ་སུ, པཱ་ནཱི་ཡེ་ན་པི པཱ་དེ དོ་ཝིཾ་སུ, ཝུ་ཌྜྷ་ཏ་རེ་པི ཨཱ་ཝཱ་སི་ཀེ བྷི་ཀྑཱུ ནཱ་བྷི་ཝཱ་དེ་སུཾ, ན་པི སེ་ནཱ་ས་ནཾ པུ་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ‘‘ཏེ་ན ཧི བྷི་ཀྑ་ཝེ ཨཱ་ག་ནྟུ་ཀཱ་ནཾ བྷི་ཀྑཱུ་ནཾ ཝ་ཏྟཾ པ་ཉྙ་པེ་སྶཱ་མི, ཡ་ཐཱ ཨཱ་ག་ནྟུ་ཀེ་ཧི བྷི་ཀྑཱུ་ཧི ས་མྨཱ ཝ་ཏྟི་ཏ་བྦཾ, ཨཱ་ག་ནྟུ་ཀེ་ན བྷི་ཀྑ་ཝེ བྷི་ཀྑུ་ནཱ ཨི་དཱ་ནི ཨཱ་རཱ་མཾ པ་ཝི་སི་སྶཱ་མཱི་ཏི ཨུ་པཱ་ཧ་ནཱ ཨོ་མུ་ཉྩི་ཏྭཱ ནཱི་ཙཾ ཀ་ཏྭཱ པ་པྥོ་ཊེ་ཏྭཱ ག་ཧེ་ཏྭཱ ཚ་ཏྟཾ ཨ་པ་ནཱ་མེ་ཏྭཱ སཱི་སཾ ཝི་ཝ་རི་ཏྭཱ སཱི་སེ ཙཱི་ཝ་རཾ ཁ་ནྡྷེ ཀ་ཏྭཱ སཱ་དྷུ་ཀཾ ཨ་ཏ་ར་མཱ་ནེ་ན ཨཱ་རཱ་མོ པ་ཝི་སི་ཏ་བྦོ’’ ཨེ་ཝ་མཱ་དི་ནཱ བྷ་ནྟེ ཨཱ་ག་ནྟུ་ཀཱ་ནཾ བྷི་ཀྑཱུ་ནཾ ཝ་ཏྟཾ པ་ཉྙ་ཏྟཾ.
པུ་ཙྪཱ – ཨཱ་ཝཱ་སི་ཀཱ་ནཾ ཨཱ་ཝུ་སོ བྷི་ཀྑཱུ་ནཾ ཝ་ཏྟཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ, ཀ་ཐ་ཉྩ པ་ན པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ ཨཱ་ཝཱ་སི་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ ཨཱ་ཝཱ་སི་ཀཱ བྷི་ཀྑཱུ ཨཱ་ག་ནྟུ་ཀེ བྷི་ཀྑཱུ དི་སྭཱ ནེ་ཝ ཨཱ་ས་ནཾ པ་ཉྙ་པེ་སུཾ, ན པཱ་དོ་ད་ཀཾ པཱ་ད་པཱི་ཋཾ པཱ་ད་ཀ་ཐ་ལི་ཀཾ ཨུ་པ་ནི་ཀྑི་པིཾ་སུ, ན པ་ཙྩུ་གྒ་ནྟྭཱ པ་ཏྟ་ཙཱི་ཝ་རཾ པ་ཊི་གྒ་ཧེ་སུཾ, ན སེ་ནཱ་ས་ནཾ པ་ཉྙ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ, ཏ་སྨིཾ བྷ་ནྟེ ཝ་ཏྠུ་སྨིཾ –
‘‘ཨཱ་ཝཱ་སི་ཀེ་ན བྷི་ཀྑ་ཝེ བྷི་ཀྑུ་ནཱ ཨཱ་ག་ནྟུ་ཀཾ བྷི་ཀྑུཾ ཝུ་ཌྜྷ་ཏ་རཾ དི་སྭཱ ཨཱ་ས་ནཾ པ་ཉྙ་པེ་ཏ་བྦཾ, པཱ་དོ་ད་ཀཾ པཱ་ད་པཱི་ཋཾ པཱ་ད་ཀ་ཐ་ལི་ཀཾ ཨུ་པ་ནི་ཀྑི་པི་ཏ་བྦཾ, པ་ཙྩུ་གྒ་ནྟྭཱ པ་ཏྟ་ཙཱི་ཝ་རཾ པ་ཊི་གྒ་ཧེ་ཏ་བྦཾ པཱ་ནཱི་ཡེ་ན པུ་ཙྪི་ཏ་བྦོ’’ ཨེ་ཝ་མཱ་དི་ནཱ བྷ་ནྟེ ཨཱ་ཝཱ་སི་ཀཱ་ནཾ བྷི་ཀྑཱུ་ནཾ ཝ་ཏྟཾ བྷ་ག་ཝ་ཏཱ པ་ཉྙ་ཏྟཾ.
པུ་ཙྪཱ – ག་མི་ཀཱ་ནཾ ཨཱ་ཝུ་སོ བྷི་ཀྑཱུ་ནཾ ཝ་ཏྟཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ, ཀ་ཐ་ཉྩ་པ་ན པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ ག་མི་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ ག་མི་ཀཱ བྷི་ཀྑཱུ དཱ་རུ་བྷ་ཎྜཾ མ་ཏྟི་ཀཱ་བྷ་ཎྜཾ ཨ་པྤ་ཊི་སཱ་མེ་ཏྭཱ དྭཱ་ར་ཝཱ་ཏ་པཱ་ནཾ ཝི་ཝ་རི་ཏྭཱ སེ་ནཱ་ས་ནཾ ཨ་ནཱ་པུ་ཙྪཱ པ་ཀྐ་མིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ‘‘ག་མི་ཀེ་ན བྷི་ཀྑ་ཝེ བྷི་ཀྑུ་ནཱ དཱ་རུ་བྷ་ཎྜཾ པ་ཊི་སཱ་མེ་ཏྭཱ དྭཱ་ར་ཝཱ་ཏ་པཱ་ནཾ ཐ་ཀེ་ཏྭཱ སེ་ནཱ་ས་ནཾ ཨཱ་པུ་ཙྪཱ པ་ཀྐ་མི་ཏ་བྦཾ’’ ཨེ་ཝ་མཱ་དི་ནཱ བྷ་ནྟེ ཨཱ་ཀཱ་རེ་ན བྷ་ག་ཝ་ཏཱ ག་མི་ཀཱ་ནཾ བྷི་ཀྑཱུ་ནཾ ཝ་ཏྟཾ པ་ཉྙ་ཏྟཾ.
པུ་ཙྪཱ – བྷ་ཏྟ་གྒེ ཨཱ་ཝུ་སོ ཨ་ནུ་མོ་དི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ བྷ་ཏྟ་གྒེ ནཱ་ནུ་མོ་དིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – བྷི་ཀྑཱུ་ནཾ ཨཱ་ཝུ་སོ བྷ་ཏྟ་གྒ་ཝ་ཏྟཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ དུ་ནྣི་ཝ་ཏྠཱ དུ་པྤཱ་རུ་ཏཱ ཨ་ནཱ་ཀ་པྤ་ས་མྤ་ནྣཱ བྷ་ཏྟ་གྒཾ ག་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ‘‘ས་ཙེ ཨཱ་རཱ་མེ ཀཱ་ལོ ཨཱ་རོ་ཙི་ཏོ ཧོ་ཏི, ཏི་མ་ཎྜ་ལཾ པ་ཊི་ཙྪཱ་དེ་ནྟེ་ན པ་རི་མ་ཎྜ་ལཾ ནི་ཝཱ་སེ་ཏྭཱ ཀཱ་ཡ་བ་ནྡྷ་ནཾ བ་ནྡྷི་ཏྭཱ ས་གུ་ཎཾ ཀ་ཏྭཱ ས་ངྒྷཱ་ཊི་ཡོ པཱ་རུ་པི་ཏྭཱ ག་ཎྛི་ཀཾ པ་ཊི་མུ་ཉྩི་ཏྭཱ དྷོ་ཝི་ཏྭཱ པ་ཏྟཾ ག་ཧེ་ཏྭཱ སཱ་དྷུ་ཀཾ ཨ་ཏ་ར་མཱ་ནེ་ན གཱ་མོ པ་ཝི་སི་ཏ་བྦོ’’ཏི ཨེ་ཝ་མཱ་དི་ནཱ བྷ་ནྟེ བྷ་ཏྟ་གྒ་ཝ་ཏྟཾ པ་ཉྙ་ཏྟཾ.
པུ་ཙྪཱ – བྷི་ཀྑཱུ་ནཾ ཨཱ་ཝུ་སོ སེ་ནཱ་ས་ན་ཝ་ཏྟཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ, ཀ་ཐ་ཉྩ ཏཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ བྷི་ཀྑཱུ་སུ ཨ་ཛ྄ཛྷོ་ཀཱ་སེ ཙཱི་ཝ་རཾ ཀ་རོ་ནྟེ་སུ པ་ཊི་ཝཱ་ཏེ ཨ་ངྒ་ཎེ སེ་ནཱ་ས་ནཾ པ་པྥོ་ཊེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ ‘‘ཡ་སྨིཾ ཝི་ཧཱ་རེ ཝི་ཧ་ར་ཏི, ས་ཙེ སོ ཝི་ཧཱ་རོ ཨུ་ཀླཱ་པོ ཧོ་ཏི, ས་ཙེ ཨུ་སྶ་ཧ་ཏི སོ་དྷེ་ཏ་བྦོ’’ཏི ཨེ་ཝ་མཱ་དི་ནཱ བྷ་ནྟེ བྷི་ཀྑཱུ་ནཾ སེ་ནཱ་ས་ན་ཝ་ཏྟཾ བྷ་ག་ཝ་ཏཱ པ་ཉྙ་ཏྟཾ.
པུ་ཙྪཱ – ས་མཱ་ཙཱ་རཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ས་མཱ་ཙཱ་རཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.