༧. ས་ངྒྷ་ཏེ་ད་ཀ་ཀྑ་ནྡྷ་ཀ
པུ་ཙྪཱ – ཀ་ཐཾ ཨཱ་ཝུ་སོ ཚ་ནྣཾ ས་ཀྱ་ཀུ་མཱ་རཱ་ནཾ ས་ཧ ཨུ་པཱ་ལི་ཀ་པྤ་ཀེ་ན པ་བྦ་ཛྫཱ ཨ་ཧོ་སི, ཀ་ཐ་ཉྩ ནེ་སཾ ཝི་སེ་སོ ཨུ་ད་པཱ་དི.
ཝི་སྶ་ཛྫ་ནཱ – བྷ་ག་ཝཱ བྷ་ནྟེ ཨུ་པཱ་ལིཾ ཀ་པྤ་ཀཾ པ་ཋ་མཾ པ་བྦཱ་ཛེ་སི, པ་ཙྪཱ ཏེ ས་ཀྱ་ཀུ་མཱ་རེ, ཨ་ཐ བྷ་ནྟེ ཨཱ་ཡ་སྨཱ བྷ་དྡི་ཡོ ཏེ་ནེ་ཝ ཨ་ནྟ་ར་ཝ་སྶེ་ན ཏི་སྶོ ཝི་ཛྫཱ ས་ཙྪཱ་ཀཱ་སི, ཨཱ་ཡ་སྨཱ ཨ་ནུ་རུ་དྡྷོ དི་བྦ་ཙ་ཀྑུཾ ཨུ་པྤཱ་དེ་སི, ཨཱ་ཡ་སྨཱ ཨཱ་ན་ནྡོ སོ་ཏཱ་པ་ཏྟི་ཕ་ལཾ ས་ཙྪཱ་ཀཱ་སི, དེ་ཝ་ད་ཏྟོ པོ་ཐུ་ཛྫ་ནི་ཀཾ ཨི་དྡྷིཾ ཨ་བྷི་ནི་པྥཱ་དེ་སི. ཨེ་ཝཾ ཁོ བྷ་ནྟེ ཚ་ནྣཾ ས་ཀྱ་ཀུ་མཱ་རཱ་ནཾ ཨུ་པཱ་ལི་ཀ་པྤ་ཀེ་ན ས་ཧ པ་བྦ་ཛྫཱ ཨ་ཧོ་སི, ཨེ་ཝ་ཉྩ པ་ན བྷ་ནྟེ ཏེ་སཾ ཝི་སེ་སཱ་དྷི་ག་མོ ཨ་ཧོ་སི.
པ་ཀཱ་ས་ནཱི་ཡ
པུ་ཙྪཱ – པ་ཀཱ་ས་ནཱི་ཡ་ཀ་མྨཾ ཨཱ་ཝུ་སོ ཀཱ་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ དེ་ཝ་ད་ཏྟཾ ཨཱ་ར་བྦྷ པ་ཉྙ་ཏྟཾ, དེ་ཝ་ད་ཏྟོ བྷ་ནྟེ ‘‘ས་རཱ་ཛི་ཀཱ་ཡ མཾ བྷ་ག་ཝཱ པ་རི་སཱ་ཡ ཁེ་ལཱ༹་ས་ཀ་ཝཱ་དེ་ན ཨ་པ་སཱ་དེ་ཏི, སཱ་རི་པུ་ཏྟ་མོ་གྒ་ལླཱ་ནེ་ཝ ཨུ་ཀྐཾ་ས་ཏཱི’’ཏི ཀུ་པི་ཏོ ཨ་ན་ཏྟ་མ་ནོ བྷ་ག་ཝ་ཏི ཨཱ་གྷཱ་ཏཾ བ་ནྡྷི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པ་ཀཱ་ས་ནཱི་ཡ
པུ་ཙྪཱ – དེ་ཝ་ད་ཏྟ་སྶ ཨཱ་ཝུ་སོ པ་ཀཱ་ས་ནཱི་ཡ་ཀ་མྨཾ ཀཱ་རཱ་པེ་ཏྭཱ ཀ་ཐཾ བྷ་ག་ཝཱ པ་ཀཱ་སེ་ཏུཾ ཨཱ་ཎཱ་པེ་སི.
ཝི་སྶ་ཛྫ་ནཱ – བྷ་ག་ཝཱ བྷ་ནྟེ དེ་ཝ་ད་ཏྟ་སྶ པ་ཀཱ་ས་ནཱི་ཡ་ཀ་མྨཾ ཀཱ་ཏུཾ པ་ཉྙ་པེ་ཏྭཱ ཨཱ་ཡ་སྨ་ནྟཾ སཱ་རི་པུ་ཏྟཾ ཨཱ་མ་ནྟེ་སི ‘‘ཏེ་ན ཧི ཏྭཾ སཱ་རི་པུ་ཏྟ དེ་ཝ་ད་ཏྟཾ རཱ་ཛ་ག་ཧེ པ་ཀཱ་སེ་ཧཱི’’ཏི, ཨེ་ཝཾ ཁོ བྷ་ནྟེ དེ་ཝ་ད་ཏྟ་སྶ པ་ཀཱ་ས་ནཱི་ཡ་ཀ་མྨཾ ཀ་ཏྭཱ དེ་ཝ་ད་ཏྟཾ རཱ་ཛ་ག་ཧེ པ་ཀཱ་སེ་ཏུཾ བྷ་ག་ཝཱ ཨཱ་ཎཱ་པེ་སི.
དེ་ཝ་ད་ཏྟ
པུ་ཙྪཱ – ཀ་ཐཾ ཨཱ་ཝུ་སོ དེ་ཝ་ད་ཏྟེ་ན དུ་ཊྛ་ཙི་ཏྟེ་ན ཝ་དྷ་ཀ་ཙི་ཏྟེ་ན ཏ་ཐཱ ག་ཏ་སྶ རུ་ཧི་རཾ ཨུ་པྤཱ་དེ་ཏྭཱ པ་ཋ་མཾ ཨཱ་ན་ནྟ་རི་ཡཾ ཀ་མྨཾ ཨུ་པ་ཙི་ཏཾ.
ཝི་སྶ་ཛྫ་ནཱ – བྷ་ག་ཝཱ བྷ་ནྟེ གི་ཛ྄ཛྷ་ཀཱུ་ཊ་སྶ པ་བྦ་ཏ་སྶ ཚཱ་ཡཱ་ཡཾ ཙ་ངྐ་མི, ཨ་ཐ བྷ་ནྟེ དེ་ཝ་ད་ཏྟོ གི་ཛ྄ཛྷ་ཀཱུ་ཊཾ པ་བྦ་ཏཾ ཨཱ་རུ་ཧི་ཏྭཱ མ་ཧ་ཏིཾ སི་ལཾ པ་ཝི་ཛ྄ཛྷི ‘‘ཨི་མཱ་ཡ ས་མ་ཎཾ གོ་ཏ་མཾ ཛཱི་ཝི་ཏཱ ཝོ་རོ་པེ་སྶཱ་མཱི’’ཏི, ཨ་ཐ ཁོ བྷ་ནྟེ དྭེ པ་བྦ་ཏ་ཀཱུ་ཊཱ་ནི ས་མཱ་ག་ནྟྭཱ ཏཾ སི་ལཾ ས་མྤ་ཊི་ཙྪིཾ་སུ, ཏ་ཏོ པ་པ་ཏི་ཀཱ ཨུ་པྤ་ཏི་ཏྭཱ བྷ་ག་ཝ་ཏོ པཱ་དེ རུ་ཧི་རཾ ཨུ་པྤཱ་དེ་སི. ཨེ་ཝཾ ཁོ བྷ་ནྟེ དེ་ཝ་ད་ཏྟེ་ན དུ་ཊྛེ་ན ཝ་དྷ་ཀ་ཙི་ཏྟེ་ན ཏ་ཐཱ་ག་ཏ་སྶ རུ་ཧི་རཾ ཨུ་པྤཱ་དེ་ཏྭཱ པ་ཋ་མཾ ཨཱ་ན་ནྟ་རི་ཡ་ཀ་མྨཾ ཨུ་པ་ཙི་ཏཾ.
པུ་ཙྪཱ – ཀུ་ལེ་སུ ཨཱ་ཝུ་སོ ཏི་ཀ་བྷོ་ཛ་ནཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ དེ་ཝ་ད་ཏྟཾ ཨཱ་ར་བྦྷ པ་ཉྙ་ཏྟཾ, དེ་ཝ་ད་ཏྟོ བྷ་ནྟེ པ་རི་ཧཱི་ན་ལཱ་བྷ་ས་ཀྐཱ་རོ ས་པ་རི་སོ ཀུ་ལེ་སུ ཝི་ཉྙཱ་པེ་ཏྭཱ ཝི་ཉྙཱ་པེ་ཏྭཱ བྷུ་ཉྫི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ལཾ དེ་ཝ་ད་ཏྟ, མཱ ཏེ རུ་ཙྩི ས་ངྒྷ་བྷེ་དོ, ག་རུ་ཀོ ཁོ དེ་ཝ་ད་ཏྟ ས་ངྒྷ་བྷེ་དོ་ཏི་ཨཱ་དི་ཀོ ཨཱ་ཝུ་སོ ཨོ་ཝཱ་དོ བྷ་ག་ཝ་ཏཱ ཀ་ཏྠ དི་ནྣོ, ཀི་སྨིཾ ཝ་ཏྠུ་སྨིཾ དི་ནྣོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ དེ་ཝ་ད་ཏྟཾ ཨཱ་ར་བྦྷ དི་ནྣོ, དེ་ཝ་ད་ཏྟོ བྷ་ནྟེ ས་ངྒྷ་བྷེ་དཱ་ཡ པ་ར་ཀྐ་མི ཙ་ཀྐ་བྷེ་དཱ་ཡ, ཏ་སྨིཾ བྷ་ནྟེ ཝ་ཏྠུ་སྨིཾ དི་ནྣོ.
ཨ་ལཾ དེ་ཝ་ད་ཏྟ, མཱ ཏེ རུ་ཙྩི ས་ངྒྷ་བྷེ་དོ, ག་རུ་ཀོ ཁོ དེ་ཝ་ད་ཏྟ ས་ངྒྷ་བྷེ་དོ –
པུ་ཙྪཱ – ‘‘སུ་ཀ་རཾ སཱ་དྷུ་ནཱ སཱ་དྷུཾ, སཱ་དྷུཾ པཱ་པེ་ན དུ་ཀྐ་རཾ. པཱ་པཾ པཱ་པེ་ན སུ་ཀ་རཾ, པཱ་པ་མ་རི་ཡེ་ཧི དུ་ཀྐ་ར’’ནྟི- ཨཱ་ཝུ་སོ ཨི་དཾ ཨུ་དཱ་ནཾ བྷ་ག་ཝ་ཏཱ ཀ་ཏྠ ཨུ་དཱ་ནི་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨུ་དཱ་ནི་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ དེ་ཝ་ད་ཏྟཾ་ཡེ་ཝ ཨཱ་ར་བྦྷ ཨུ་དཱ་ནི་ཏཾ, ཨཱ་ཡ་སྨཱ བྷ་ནྟེ ཨཱ་ན་ནྡོ པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ རཱ་ཛ་ག་ཧཾ པི་ཎྜཱ་ཡ པཱ་ཝི་སི, ཨ་ཐ ཁོ བྷ་ནྟེ དེ་ཝ་ད་ཏྟོ ཡེ་ནཱ་ཡ་སྨཱ ཨཱ་ན་ནྡོ ཏེ་ནུ་པ་ས་ངྐ་མི, ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ ཨཱ་ན་ནྡཾ ཨེ་ཏ་ད་ཝོ་ཙ ‘‘ཨ་ཛྫ་ཏ་གྒེ དཱ་ནཱ་ཧཾ ཨཱ་ཝུ་སོ ཨཱ་ན་ནྡ ཨ་ཉྙ་ཏྲེ་ཝ བྷ་ག་ཝ་ཏཱ ཨ་ཉྙ་ཏྲེ་ཝ བྷི་ཀྑུ་ས་ངྒྷཱ ཨུ་པོ་ས་ཐཾ ཀ་རི་སྶཱ་མི ས་ངྒྷ་ཀ་མྨཾ ཀ་རི་སྶཱ་མཱི’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨུ་དཱ་ནི་ཏཾ.
སུ་ཀ་རཾ སཱ་དྷུ་ནཱ སཱ་དྷུཾ, སཱ་དྷུཾ པཱ་པེ་ན དུ་ཀྐ་རཾ;
པཱ་པཾ པཱ་པེ་ན སུ་ཀ་རཾ, པཱ་པ་མ་རི་ཡེ་ཧི དུ་ཀྐ་རཾ.
པུ་ཙྪཱ – བྷེ་དཱ་ནུ་ཝ་ཏྟ་ཀཱ་ནཾ ཨཱ་ཝུ་སོ བྷི་ཀྑཱུ་ནཾ ཐུ་ལླ་ཙྩ་ཡཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ སཱ་རི་པུ་ཏྟོ བྷ་ག་ཝ་ནྟཾ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ ‘‘སཱ་དྷུ བྷ་ནྟེ བྷེ་དཱ་ནུ་ཝ་ཏྟ་ཀཱ བྷི་ཀྑཱུ པུ་ན ཨུ་པ་ས་མྤ་ཛྫེ་ཡྻུ’’ནྟི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
‘‘སཱ་དྷུ བྷ་ནྟེ བྷེ་དཱ་ནུ་ཝ་ཏྟ་ཀཱ བྷི་ཀྑཱུ པུ་ན ཨུ་པ་ས་མྤ་ཛྫེ་ཡྻུ’’ནྟི –
པུ་ཙྪཱ – ཀི་ཏྟཱ་ཝ་ཏཱ ནུ ཁོ ཨཱ་ཝུ་སོ ས་ངྒྷ་རཱ་ཛི ཧོ་ཏི ནོ ཙ ས་ངྒྷ་བྷེ་དོ, ཀི་ཏྟཱ་ཝ་ཏཱ ཙ པ་ན ས་ངྒྷ་རཱ་ཛི ཙེ་ཝ ཧོ་ཏི ས་ངྒྷ་བྷེ་དོ ཙ.
ཝི་སྶ་ཛྫ་ནཱ – ཨེ་ཀ་ཏོ བྷ་ནྟེ ཨེ་ཀོ ཧོ་ཏི, ཨེ་ཀ་ཏོ དྭེ ཙ་ཏུ་ཏྠོ ཨ་ནུ་སྶཱ་ཝེ་ཏི, ས་ལཱ་ཀཾ གཱ་ཧེ་ཏི ‘‘ཨ་ཡཾ དྷ་མྨོ ཨ་ཡཾ ཝི་ན་ཡོ ཨི་དཾ ས་ཏྠུ་སཱ་ས་ནཾ ཨི་མཾ ག་ཎྷ་ཐ ཨི་མཾ རོ་ཙེ་ཐཱ་ཏི’’, ཨེ་ཏེ་ནེ་ཝ བྷ་ནྟེ ན་ཡེ་ན ཙ་ཏུ་ནྣཾ ཝཱ པ་ཉྩ་ནྣཾ ཝཱ ཚ་ནྣཾ ཝཱ ས་ཏྟ་ནྣཾ ཝཱ ཨ་ཊྛ་ནྣཾ ཝཱ ས་ངྒྷ་རཱ་ཛི ཧོ་ཏི, ནོ ཙ ས་ངྒྷ་བྷེ་དོ, ཨེ་ཀ་ཏོ བྷ་ནྟེ ཙ་ཏྟཱ་རོ ཧོ་ནྟི, ཨེ་ཀ་ཏོ ཙ་ཏྟཱ་རོ, ན་ཝ་མོ ཨ་ནུ་སྶཱ་ཝེ་ཏི, ས་ལཱ་ཀཾ གཱ་ཧེ་ཏི ‘‘ཨ་ཡཾ དྷ་མྨོ ཨ་ཡཾ ཝི་ན་ཡོ ཨི་དཾ ས་ཏྠུ་སཱ་ས་ནཾ ཨི་མཾ ག་ཎྷ་ཐ ཨི་མཾ རོ་ཙེ་ཐཱ’’ཏི, ཨེ་ཝཾ ཁོ བྷ་ནྟེ ས་ངྒྷ་རཱ་ཛི ཙེ་ཝ ཧོ་ཏི ས་ངྒྷ་བྷེ་དོ ཙ. ཨེ་ཝཾ ཁོ བྷ་ནྟེ ས་ངྒྷ་རཱ་ཛི ཧོ་ཏི, ནོ ཙ ས་ངྒྷ་བྷེ་དོ, ཨེ་ཝ་ཉྩ པ་ན བྷ་ནྟེ ས་ངྒྷ་རཱ་ཛི ཙེ་ཝ ཧོ་ཏི ས་ངྒྷ་བྷེ་དོ ཙ.
པུ་ཙྪཱ – ཀི་ཏྟཱ་ཝ་ཏཱ ནུ ཁོ ཨཱ་ཝུ་སོ ས་ངྒྷོ བྷི་ནྣོ ཧོ་ཏི.
ཝི་སྶ་ཛྫ་ནཱ – ཨི་དྷ བྷ་ནྟེ བྷི་ཀྑཱུ ཨ་དྷ་མྨཱ་དིཾ དྷ་མྨཱ་དཱི་ནཱི་ཏི དཱི་པེ་ནྟི, ཏེ ཨི་མེ་ཧི ཨ་ཊྛཱ་ར་ས་ཧི ཝ་ཏྠཱུ་ཧི ཨ་པ་ཀ་སྶ་ནྟི, ཨ་ཝ་པ་ཀ་སྶ་ནྟི, ཨཱ་ཝེ་ནིཾ ཨུ་པོ་ས་ཐཾ ཀ་རོ་ནྟི, ཨཱ་ཝེ་ནིཾ པ་ཝཱ་ར་ཎཾ ཀ་རོ་ནྟི, ཨཱ་ཝེ་ནིཾ ས་ངྒྷ་ཀ་མྨཾ ཀ་རོ་ནྟི, ཨེ་ཝཾ ཁོ བྷ་ནྟེ ས་ངྒྷོ བྷི་ནྣོ ཧོ་ཏི.
པུ་ཙྪཱ – ཀི་ཏྟཱ་ཝ་ཏཱ ནུ ཁོ ཨཱ་ཝུ་སོ ས་ངྒྷོ ས་མ་གྒོ ཧོ་ཏི.
ཝི་སྶ་ཛྫ་ནཱ – ཨི་དྷ བྷ་ནྟེ བྷི་ཀྑཱུ ཨ་དྷ་མྨཾ ཨ་དྷ་མྨོ་ཏི དཱི་པེ་ནྟི, དྷ་མྨཾ དྷ་མྨོ་ཏི དཱི་པེ་ནྟི, ཨ་ཝི་ན་ཡཾ ཨ་ཝི་ན་ཡོ་ཏི དཱི་པེ་ནྟི…པེ… དུ་ཊྛུ་ལླཾ ཨཱ་པ་ཏྟིཾ དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི, ཨ་དུ་ཊྛུ་ལླཾ ཨཱ་པ་ཏྟིཾ ཨ་དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི, ཏེ ཨི་མེ་ཧི ཨ་ཊྛཱ་ར་ས་ཧི ཝ་ཏྠཱུ་ཧི ན ཨ་པ་ཀ་སྶ་ནྟི, ན ཨ་ཝ་པ་ཀ་སྶ་ནྟི, ན ཨཱ་ཝེ་ནིཾ ཨུ་པོ་ས་ཐཾ ཀ་རོ་ནྟི, ན ཨཱ་ཝེ་ནིཾ པ་ཝཱ་ར་ཎཾ ཀ་རོ་ནྟི, ན ཨཱ་ཝེ་ནིཾ ས་ངྒྷ་ཀ་མྨཾ ཀ་རོ་ནྟི, ཨེ་ཏྟཱ་ཝ་ཏཱ ཁོ བྷ་ནྟེ ས་ངྒྷོ ས་མ་གྒོ ཧོ་ཏི.
པུ་ཙྪཱ – ས་མ་གྒཾ ཨཱ་ཝུ་སོ ས་ངྒྷཾ བྷི་ནྡི་ཏྭཱ ཀིཾ སོ པ་ས་ཝ་ཏི.
ཝི་སྶ་ཛྫ་ནཱ – ས་མ་གྒཾ ཁོ བྷ་ནྟེ ས་ངྒྷཾ བྷི་ནྡི་ཏྭཱ ཀ་པྤ་ཊྛི་ཏི་ཀཾ ཀི་བྦི་སཾ པ་ས་ཝ་ཏི, ཀ་པྤཾ ནི་ར་ཡ་མྷི པ་ཙྩ་ཏི.
པུ་ཙྪཱ – བྷི་ནྣཾ ཁོ ཨཱ་ཝུ་སོ ས་ངྒྷཾ ས་མ་གྒཾ ཀ་ཏྭཱ ཀིཾ སོ པ་ས་ཝ་ཏི.
ཝི་སྶ་ཛྫ་ནཱ – བྷི་ནྣཾ ཁོ བྷ་ནྟེ ས་ངྒྷཾ ས་མ་གྒཾ ཀ་ཏྭཱ བྲ་ཧྨཾ པུ་ཉྙཾ པ་ས་ཝ་ཏི, ཀ་པྤཾ ས་གྒ་མྷི མོ་ད་ཏི.
པུ་ཙྪཱ – ས་ངྒྷ་བྷེ་དཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ས་ངྒྷ་བྷེ་དཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ དྭེ ཨཱ་པ་ཏྟི་ཡོ.