༦. སེ་ནཱ་ས་ན་ཀྑ་ནྡྷ་ཀ
པུ་ཙྪཱ – པ་ཉྩ ཨཱ་ཝུ་སོ ལེ་ཎཱ་ནི བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ་ནི, ས་མྦ་ཧུ་ལཱ བྷ་ནྟེ བྷི་ཀྑཱུ བྷ་ག་ཝ་ནྟཾ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙུཾ ‘‘རཱ་ཛ་ག་ཧ་ཀོ བྷ་ནྟེ སེ་ཊྛཱི ཝི་ཧཱ་རེ ཀཱ་རཱ་པེ་ཏུ་ཀཱ་མོ, ཀ་ཐཾ ནུ ཁོ བྷ་ནྟེ པ་ཊི་པ་ཛྫི་ཏ་བྦ’’ནྟི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
པུ་ཙྪཱ – ཀ་ཐཾ ཨཱ་ཝུ་སོ ཝི་ཧཱ་རཱ པ་ཋ་མཾ ཨུ་པྤ་ནྣཱ, ཀ་ཐ་ཉྩ ཏེ པ་ཏི་ཊྛཱ་པི ཏཱ.
ཝི་སྶ་ཛྫ་ནཱ – ཨེ་ཀཱ་ཧེ་ནེ་ཝ བྷ་ནྟེ རཱ་ཛ་ག་ཧ་ཀེ་ན སེ་ཊྛི་ནཱ ཚ་ཊྛི་ཝི་ཧཱ་རཱ པ་ཏི་ཊྛཱ་པི་ཏཱ, ཏེ ཨི་དྷ བྷ་ནྟེ ས་ཊྛི་ཝི་ཧཱ་རཱ བུ་དྡྷ་པྤ་མུ་ཁ་སྶ ཨཱ་ག་ཏཱ་ནཱ་ག་ཏ་སྶ ཙཱ་ཏུ་དྡི་ས་སྶ ས་ངྒྷ་སྶ པ་ཏི་ཊྛཱ་པི་ཏཱ.
པུ་ཙྪཱ – ཝི་ཧཱ་རེ ཨཱ་ཝུ་སོ པ་ཊི་བྷཱ་ན་ཀ་མྨཾ པ་ཊི་ཀྑི་པི་ཏྭཱ མཱ་ལཱ་ཀ་མྨཱ་དཱི་ནི བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ་ནི. ཚ་བྦ་གྒི་ཡཱ བྷ་ནྟེ བྷི་ཀྑཱུ ཝི་ཧཱ་རེ པ་ཊི་བྷཱ་ན་ཙི་ཏྟཾ ཀཱ་རཱ་པེ་སུཾ ཨི་ཏྠི་རཱུ་པ་ཀཾ པུ་རི་ས་རཱུ་པ་ཀཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
པུ་ཙྪཱ – ཡ་ཐཱ་ཝུ་ཌྜྷཾ ཨཱ་ཝུ་སོ ཨ་བྷི་ཝཱ་ད་ནཱ་དཱི་ནི ཙ ཨ་གྒཱ་ས་ནཱ་དཱི་ནི ཙ ཨ་ནུ་ཛཱ་ནི་ཏྭཱ ས་ངྒྷི་ཀཾ ཡ་ཐཱ་ཝུ་ཌྜྷཾ པ་ཊི་བཱ་ཧ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨ་ནྟ་རཱ ཙ བྷ་ནྟེ ཝེ་སཱ་ལིཾ ཨ་ནྟ་རཱ ཙ སཱ་ཝ་ཏྠིཾ ཚ་བྦ་གྒི་ཡཱ་ནཾ བྷི་ཀྑཱུ་ནཾ ཨ་ནྟེ་ཝཱ་སི་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ་ནཾ བྷ་ནྟེ བྷི་ཀྑཱུ་ནཾ ཨ་ནྟེ་ཝཱ་སི་ཀཱ བྷི་ཀྑཱུ བུ་དྡྷ་པྤ་མུ་ཁ་སྶ ས་ངྒྷ་སྶ པུ་ར་ཏོ པུ་ར་ཏོ ག་ནྟྭཱ ཝི་ཧཱ་རེ པ་ཊི་གྒ་ཧེ་སུཾ, སེ་ཡྻཱ་ཡོ པ་ཊི་གྒ་ཧེ་སུཾ ‘‘ཨི་དཾ ཨ་མྷཱ་ཀཾ ཨུ་པ་ཛ྄ཛྷཱ་ཡཱ་ནཾ བྷ་ཝི་སྶ་ཏི, ཨི་དཾ ཨ་མྷཱ་ཀཾ ཨཱ་ཙ་རི་ཡཱ་ནཾ བྷ་ཝི་སྶ་ཏི, ཨི་དཾ ཨ་མྷཱ་ཀཾ བྷ་ཝི་སྶ་ཏཱི’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨེ་ཀེ་ན ཨཱ་ཝུ་སོ དྭེ པ་ཊི་བཱ་ཧ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨཱ་ཡ་སྨ་ནྟཾ ཨུ་པ་ན་ནྡཾ ས་ཀྱ་པུ་ཏྟཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཨུ་པ་ན་ནྡོ ས་ཀྱ་པུ་ཏྟོ ཨེ་ཀོ དྭེ པ་ཊི་བཱ་ཧི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ན་ཝ་ཀེ་ན ཨཱ་ཝུ་སོ ཨུ་དྡི་ས་ནྟེ་ན ས་མ་ཀེ ཝཱ ཨཱ་ས་ནེ ནི་སཱི་དི་ཏུཾ ཨུ་ཙྩ་ཏ་རེ ཝཱ དྷ་མྨ་གཱ་ར་ཝེ་ན, ཐེ་རེ་ན པ་ན བྷི་ཀྑུ་ནཱ ཨུ་དྡི་སཱ་པེ་ནྟེ་ན ས་མ་ཀེ ཝཱ ཨཱ་ས་ནེ ནི་སཱི་དི་ཏུཾ ནཱི་ཙ་ཏ་རེ ཝཱ དྷ་མྨ་གཱ་ར་ཝེ་ན བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨཱ་ཡ་སྨ་ཏོ ཨུ་པཱ་ལི་སྶ ས་ནྟི་ཀེ ཝི་ན་ཡཾ པ་རི་ཡཱ་པུ་ཎིཾ་སུ, ཨཱ་ཡ་སྨཱ བྷ་ནྟེ ཨུ་པཱ་ལི ཋི་ཏ་ཀོ་ཝ ཨུ་དྡི་ས་ཏི ཐེ་རཱ་ནཾ བྷི་ཀྑཱུ་ནཾ གཱ་ར་ཝེ་ན, ཏ་ཏྠ བྷ་ནྟེ ཐེ་རཱ ཙེ་ཝ བྷི་ཀྑཱུ ཀི་ལ་མིཾ་སུ ཨཱ་ཡ་སྨཱ ཙ ཨུ་པཱ་ལི ཀི་ལ་མི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཏི་ཝ་སྶ་ནྟ་རེ་ན ཨཱ་ཝུ་སོ ས་ཧ ནི་སཱི་དི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ་ནཾ བྷ་ནྟེ བྷི་ཀྑཱུ་ནཾ ཨེ་ཏ་ད་ཧོ་སི ‘‘ཀི་ཏྟཱ་ཝ་ཏཱ་ནུ ཁོ ས་མཱ་ནཱ་ས་ནི་ཀོ ཧོ་ཏཱི’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – མ་ཉྩེ ཙ ཨཱ་ཝུ་སོ པཱི་ཋེ ཙ དྭི་ནྣཾ་ཡེ་ཝ ནི་སཱི་དི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ ས་མཱ་ནཱ་ས་ནི་ཀེ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ས་མཱ་ནཱ་ས་ནི་ཀཱ མ་ཉྩེ ནི་སཱི་དི་ཏྭཱ མ་ཉྩཾ བྷི་ནྡིཾ་སུ, པཱི་ཋེ ནི་སཱི་དི་ཏྭཱ པཱི་ཋཾ བྷི་ནྡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – དཱི་གྷཱ་ས་ནེ པ་ནཱ་ཝུ་སོ ཨ་ས་མཱ་ནཱ་ས་ནི་ཀེ་ཧི་པི ནི་སཱི་དི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ དཱི་གྷཱ་ས་ནེ ཨ་ས་མཱ་ནཱ་ས་ནི་ཀེ་ཧི ས་ཧ ནི་སཱི་དི་ཏུཾ ཀུ་ཀྐུ་ཙྩཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – པ་ཉྩ ཨཱ་ཝུ་སོ ཨ་ཝི་སྶ་ཛྫི་ཡཱ་ནི བྷ་ག་ཝ་ཏཱ ཀ་ཏྠ པ་ཉྙ་ཏྟཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཱ་ནི.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཱ་ནི, ས་མྦ་ཧུ་ལཱ བྷ་ནྟེ བྷི་ཀྑཱུ ས་ངྒྷི་ཀཾ སེ་ནཱ་ས་ནཾ ཝི་སྶ་ཛྫེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པ་ཉྩ ཨཱ་ཝུ་སོ ཨ་ཝེ་བྷ་ངྒི་ཡཱ་ནི བྷ་ག་ཝ་ཏཱ ཀ་ཏྠ པ་ཉྙ་ཏྟཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཱ་ནི.
ཝི་སྶ་ཛྫ་ནཱ – ཀཱི་ཊཱ་གི་རི་སྨིཾ བྷ་ནྟེ ཨ་སྶ་ཛི་པུ་ན་བྦ་སུ་ཀེ བྷི་ཀྑཱུ ཨཱ་ར་བྦྷ པ་ཉྙ་ཏྟཱ་ནི, ཨ་སྶ་ཛི་པུ་ན་བྦ་སུ་ཀཱ བྷ་ནྟེ བྷི་ཀྑཱུ ས་ངྒྷི་ཀཾ སེ་ནཱ་ས་ནཾ ཝི་བྷ་ཛིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཱ་ནི.
པུ་ཙྪཱ – ཨ་ཉྙ་ཏྲ པ་རི་བྷོ་གཾ ཨཱ་ཝུ་སོ ཨ་ཉྙ་ཏྲ པ་རི་བྷུ་ཉྫ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨཱ་ལ༹་ཝི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་ཉྙ་ཏ་ར་སྶ ཨུ་པཱ་ས་ཀ་སྶ ཝི་ཧཱ་ར་པ་རི་བྷོ་གཾ སེ་ནཱ་ས་ནཾ ཨ་ཉྙ་ཏྲ པ་རི་བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་དྷོ་ཏེ་ཧི ཙ ཨཱ་ཝུ་སོ ཨ་ལླེ་ཧི ཙ པཱ་དེ་ཧི སེ་ནཱ་ས་ནཾ ཨ་ཀྐ་མ་ནྟ་སྶ ཙ ས་ཨུ་པཱ་ཧ་ནེ་ན སེ་ནཱ་ས་ནཾ ཨ་ཀྐ་མ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨཱ་ལ༹་ཝི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་དྷོ་ཏེ་ཧི པཱ་དེ་ཧི སེ་ནཱ་ས་ནཾ ཨ་ཀྐ་མིཾ་སུ, ཨ་ལླེ་ཧི ཙ པཱ་དེ་ཧི སེ་ནཱ་ས་ནཾ ཨ་ཀྐ་མིཾ་སུ, ས་ཨུ་པཱ་ཧ་ནཱ་པི སེ་ནཱ་ས་ནཾ ཨ་ཀྐ་མིཾ་སུ, སེ་ནཱ་ས་ནཾ དུ་སྶི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པ་རི་ཀ་མྨ་ཀ་ཏཱ་ཡ ཨཱ་ཝུ་སོ བྷཱུ་མི་ཡཱ ནི་ཊྛུ་བྷ་ནྟ་སྶ ཙ པ་རི་ཀ་མྨ་ཀ་ཏཾ བྷི་ཏྟིཾ ཨ་པ་སྶ་ཡ་ནྟ་སྶ ཙ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨཱ་ལ༹་ཝི་ཡཾ བྷ་ནྟེ ས་མྦ་ཧུ་ལེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ པ་རི་ཀ་མྨ་ཀ་ཏཱ་ཡ བྷཱུ་མི་ཡཱ ནི་ཊྛུ་བྷིཾ་སུ, པ་རི་ཀ་མྨ་ཀ་ཏཾ བྷི་ཏྟིཾ ཨ་པ་སྶ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – སེ་ནཱ་ས་ན་ཀྑ་ནྡྷ་ཀཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – སེ་ནཱ་ས་ན་ཀྑ་ནྡྷ་ཀཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཏི་སྶོ ཨཱ་པ་ཏྟི་ཡོ.