༡༠. ཀོ་ས་མྦ་ཀ་ཀྑ་ནྡྷ་ཀ

པུ་ཙྪཱ – བྷེ་ད་ག་རུ་ཀེ་ཧི བྷི་ཀྑ་ཝེ བྷི་ཀྑཱུ་ཧི ན སོ བྷི་ཀྑུ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑི་པི་ཏ་བྦོ་ཏི ཙ, བྷེ་ད་ག་རུ་ཀེ་ན བྷི་ཀྑ་ཝེ བྷི་ཀྑུ་ནཱ པ་རེ་ས་མྤི ས་དྡྷཱ་ཡ ཨཱ་པ་ཏྟི་དེ་སེ་ཏ་བྦཱ་ཏི ཙ ཨཱ་ཝུ་སོ ཨ་ཡཾ སཱ་མ་གྒི་ར་ས་ཨོ་ཝཱ་དོ བྷ་ག་ཝ་ཏཱ ཀ་ཏྠ དི་ནྣོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ དི་ནྣོ.

ཝི་སྶ་ཛྫ་ནཱ – ཀོ་ས་མྦི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ དི་ནྣོ, བྷ་ག་ཝ་ཏི བྷ་ནྟེ ཀོ་ས་མྦི་ཡཾ ཝི་ཧ་ར་ཏི ཨ་ཉྙ་ཏ་རོ བྷི་ཀྑུ ཨཱ་པ་ཏྟིཾ ཨཱ་པ་ནྣོ ཨ་ཧོ་སི, སོ ཏ་སྶཱ ཨཱ་པ་ཏྟི་ཡཱ ཨཱ་པ་ཏྟི དི་ཊྛི ཨ་ཧོ་སི, ཨ་ཉྙེ བྷི་ཀྑཱུ ཏ་སྶཱ ཨཱ་པ་ཏྟི་ཡཱ ཨ་ནཱ་པ་ཏྟི དི་ཊྛི་ནོ ཨ་ཧེ་སུཾ. སོ ཨ་པ་རེ་ན ས་མ་ཡེ་ན ཏ་སྶཱ ཨཱ་པ་ཏྟི་ཡཱ ཨ་ནཱ་པ་ཏྟི་དི་ཊྛི ཨ་ཧོ་སི, ཨ་ཉྙེ བྷི་ཀྑཱུ ཏ་སྶཱ ཨཱ་པ་ཏྟི་ཡཱ ཨཱ་པ་ཏྟི་དི་ཊྛི་ནོ ཨ་ཧེ་སུཾ. ཨ་ཐ ཁོ ཏེ བྷ་ནྟེ བྷི་ཀྑཱུ སཱ་མ་གྒིཾ ལ་བྷི་ཏྭཱ ཏཾ བྷི་ཀྑུཾ ཨཱ་པ་ཏྟི་ཡཱ ཨ་ད་སྶ་ནེ ཨུ་ཀྑི་པིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ དི་ནྣོ.

པུ་ཙྪཱ – ས་ངྒྷ་བྷེ་ད་སྶ ཨཱ་ཝུ་སོ མཱུ་ལ་བྷཱུ་ཏེ བྷི་ཀྑུ་མྷི ཨུ་ཀྑི་ཏྟ་ཀེ ཨོ་སཱ་རི་ཏེ ཏ་སྶ ཝ་ཏྠུ་སྶ ཝཱུ་པ་ས་མཱ་ཡ ས་ངྒྷ་སཱ་མ་གྒི་ཉྩ ཀཱ་ཏུཾ སཱ་མ་གྒཱི ཨུ་པོ་ས་ཐ་ཉྩ ཀཱ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཏེ་ཡེ་ཝ ཨུ་ཀྑི་ཏྟ་ཀཱ་ནུ་ཝ་ཏྟ་ཀེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ཏེ བྷ་ནྟེ ཨུ་ཀྑི་ཏྟ་ཀཱ་ནུ་ཝ་ཏྟ་ཀཱ བྷི་ཀྑཱུ ཏཾ ཨུ་ཀྑི་ཏྟ་ཀཾ བྷི་ཀྑུཾ ཨོ་སཱ་རེ་ཏྭཱ ཡེ་ན ཨུ་ཀྑེ་པ་ཀཱ བྷི་ཀྑཱུ ཏེ་ནུ་པ་ས་ངྐ་མིཾ་སུ ཨུ་པ་ས་ངྐ་མི་ཏྭཱ ཏེ ཨུ་ཀྑེ་པ་ཀེ བྷི་ཀྑཱུ ཨེ་ཀ་ད་ཝོ་ཙུཾ ‘‘ཡ་སྨིཾ ཨཱ་ཝུ་སོ ཝ་ཏྠུ་སྨིཾ ཨ་ཧོ་སི ས་ངྒྷ་སྶ བྷ་ཎྜ་ནཾ ཀ་ལ་ཧོ ཝི་གྒ་ཧོ ཝི་ཝཱ་དོ ས་ངྒྷ་བྷེ་དོ ས་ངྒྷ་རཱ་ཛི ས་ངྒྷ་ཝ་ཝ་ཏྠཱ་ནཾ ས་ངྒྷ་ནཱ་ནཱ་ཀ་ར་ཎཾ, སོ ཨེ་སོ བྷི་ཀྑུཾ ཨཱ་པ་ནྣོ ཙ ཨུ་ཀྑི་ཏྟོ ཙ པ་སྶི ཙ ཨོ་སཱ་རི་ཏོ ཙ, ཧ་ནྡ མ་ཡཾ ཨཱ་ཝུ་སོ ཏ་སྶ ཝ་ཏྠུ་སྶ ཝཱུ་པ་ས་མཱ་ཡ ས་ངྒྷ་སཱ་མ་གྒིཾ ཀ་རོ་མཱ’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.

པུ་ཙྪཱ – ཀོ་ས་མྦ་ཀཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.

ཝི་སྶ་ཛྫ་ནཱ – ཀོ་ས་མྦ་ཀཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.