མ་ཧཱ་ཝ་གྒ་པཱ་ལི༹
སཾ་གཱ་ཡ་ན་སྶ པུ་ཙྪཱ ཝི་སྶ་ཛྫ་ནཱ
པུ་ཙྪཱ – ཨུ་བྷ་ཏོ ཝི་བྷ་ངྒཱ་ན་ནྟ་རཾ ཨཱ་ཝུ་སོ པོ་རཱ་ཎ་ཀེ་ཧི སཾ་གཱི་ཏི་ཀཱ་ར་མ་ཧཱ་ཐེ་རེ་ཧི ཀཾ ནཱ་མ པཱ་ཝ་ཙ་ནཾ སཾ་གཱི་ཏཾ.
ཝི་སྶ་ཛྫ་ནཱ – ཨུ་བྷ་ཏོ ཝི་བྷ་ངྒཱ་ན་ནྟ་རཾ བྷ་ནྟེ པོ་རཱ་ཎ་ཀེ་ཧི སཾ་གཱི་ཏི་ཀཱ་ར་མ་ཧཱ་ཐེ་རེ་ཧི ཁ་ནྡྷ་ཀཱ སཾ་གཱི་ཏཱ.
པུ་ཙྪཱ – ཏེ པ་ན ཨཱ་ཝུ་སོ ཁ་ནྡྷ་ཀཱ ཝ་གྒ་བྷེ་དེ་ན ཀ་ཏི་ཝི་དྷཱ.
ཝི་སྶ་ཛྫ་ནཱ – ཏེ པ་ན བྷ་ནྟེ ཁ་ནྡྷ་ཀཱ དུ་ཝི་དྷཱ ཝ་གྒ་བྷེ་དེ་ན མ་ཧཱ་ཝ་གྒོ ཙཱུ་ལ༹་ཝ་གྒོ་ཏི.
པུ་ཙྪཱ – མ་ཧཱ་ཝ་གྒེ ཨཱ་ཝུ་སོ ཀ་ཏི ཁ་ནྡྷ་ཀཱ པ་རི་ཡཱ་པ་ནྣཱ.
ཝི་སྶ་ཛྫ་ནཱ – མ་ཧཱ་ཝ་གྒེ བྷ་ནྟེ ད་ས་ཁ་ནྡྷ་ཀཱ པ་རི་ཡཱ་པ་ནྣཱ, སེ་ཡྻ་ཐི་དཾ, མ་ཧཱ་ཁ་ནྡྷ་ཀོ ཨུ་པོ་ས་ཐ་ཀྑ་ནྡྷ་ཀོ ཝ་སྶཱུ་པ་ནཱ་ཡི་ཀ་ཀྑ་ནྡྷ་ཀོ པ་ཝཱ་ར་ཎཱ་ཀྑ་ནྡྷ་ཀོ ཙ་མྨ་ཀྑ་ནྡྷ་ཀོ བྷེ་ས་ཛྫ་ཀྑ་ནྡྷ་ཀོ ཀ་ཐི་ན་ཀྑ་ནྡྷ་ཀོ ཙཱི་ཝ་ར་ཀྑ་ནྡྷ་ཀོ ཙ་མྤེ་ཡྻ་ཀྑ་ནྡྷ་ཀོ ཀོ་ས་མྦ་ཀ་ཀྑ་ནྡྷ་ཀོ་ཏི.
པུ་ཙྪཱ – མ་ཧཱ་ཁ་ནྡྷ་ཀེ ཨཱ་ཝུ་སོ བ་ཧཱུ ཀ་ཐཱ་ཡོ, ཀ་ཏ་མཱ ཏཱ་སཾ ཨཱ་དི་ཀ་ཐཱ.
ཝི་སྶ་ཛྫ་ནཱ – མ་ཧཱ་ཁ་ནྡྷ་ཀེ བྷ་ནྟེ བོ་དྷི་ཀ་ཐཱ ཨཱ་དི.
མ་ཧཱ་ཁ་ནྡྷ་ཀ
མ་ཧཱ་བོ་དྷི་པུ་ཙྪཱ
པུ་ཙྪཱ – ཏ་སྨཱ་ཏི་ཧ ཨཱ་ཝུ་སོ ཏ་ཏོ པ་ཊྛཱ་ཡ ཏཾ པུ་ཙྪི་སྶཱ་མི, བྷ་ག་ཝཱ ཨཱ་ཝུ་སོ པ་ཋ་མཱ་བྷི་ས་མྦུ་དྡྷ་ཀཱ་ལེ ཀ་ཏྠ ཀཱི་ཝ་ཙཱི་རཾ ཀེ་ནཱ་ཀཱ་རེ་ན ཝི་ཧཱ་སི.
ཝི་སྶ་ཛྫ་ནཱ – བྷ་ག་ཝཱ བྷ་ནྟེ པ་ཋ་མཱ་བྷི་ས་མྦུ་དྡྷོ བོ་དྷི་རུ་ཀྑ་མཱུ་ལེ ས་ཏྟཱ་ཧཾ ཨེ་ཀ་པ་ལླ་ངྐེ་ན ཝི་ཧཱ་སི ཝི་མུ་ཏྟི་སུ་ཁཾ པ་ཊི་སཾ་ཝེ་དཱི.
པུ་ཙྪཱ – ཏ་དཱ ཨཱ་ཝུ་སོ བྷ་ག་ཝཱ ཀཱི་དི་སཾ དྷ་མྨཾ མ་ན་སི་ཀ་ཏྭཱ ཀཱི་དི་སཾ ཨུ་དཱ་ནཾ ཨུ་དཱ་ནེ་སི.
ཝི་སྶ་ཛྫ་ནཱ – ཏ་དཱ བྷ་ནྟེ བྷ་ག་ཝཱ ར་ཏྟི་ཡཱ པ་ཋ་མཾ ཡཱ་མཾ ར་ཏྟི་ཡཱ མ་ཛ྄ཛྷི་མཾ ཡཱ་མཾ ར་ཏྟི་ཡཱ པ་ཙྪི་མཾ ཡཱ་མཾ པ་ཊི་ཙྩ་ས་མུ་པྤཱ་དཾ ཨ་ནུ་ལོ་མཾ པ་ཊི་ལོ་མཾ མ་ན་སི་ཀ་ཏྭཱ ཏཱི་ཎི ཨུ་དཱ་ནཱ་ནི ཨུ་དཱ་ནེ་སི.
ཨ་ཛ་པཱ་ལ
པུ་ཙྪཱ – ཏ་སྶ ཨཱ་ཝུ་སོ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ ཀ་ཏྠ ཝི་ཧཱ་སི.
ཝི་སྶ་ཛྫ་ནཱ – ཏ་སྶ བྷ་ནྟེ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ ཨ་ཛ་པཱ་ལ ནི་གྲོ་དྷ་མཱུ་ལེ ཝི་ཧཱ་སི, ས་ཏྟཱ་ཧཾ ཨེ་ཀ་པ་ལླ་ངྐེ་ན ཝི་ཧཱ་སི ཝི་མུ་ཏྟི་སུ་ཁཾ པ་ཊི་སཾ་ཝེ་དཱི.
མུ་ཙ་ལི་ནྡཱ
པུ་ཙྪཱ – ཏ་སྶ་པི ཨཱ་ཝུ་སོ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ ཀ་ཏྠ ཝི་ཧཱ་སི.
ཝི་སྶ་ཛྫ་ནཱ – ཏ་སྶ བྷ་ནྟེ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ མུ་ཙ་ལི་ནྡ་མཱུ་ལེ ས་ཏྟཱ་ཧཾ ཨེ་ཀ་པ་ལླ་ངྐེ་ན ནི་སཱི་དི.
པུ་ཙྪཱ – ཏ་སྶ་པི ཨཱ་ཝུ་སོ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ ཀ་ཏྠ ཝི་ཧཱ་སི.
ཝི་སྶ་ཛྫ་ནཱ – ཏ་སྶ་པི བྷ་ནྟེ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ རཱ་ཛཱ་ཡ་ཏ་ན་མཱུ་ལེ ས་ཏྟཱ་ཧཾ ཨེ་ཀ་པ་ལླ་ངྐེ་ན ནི་སཱི་དི ཝི་མུ་ཏྟི་སུ་ཁཾ པ་ཊི་སཾ་ཝེ་དཱི.
པུ་ཙྪཱ – ཏ་སྶ་པི ཨཱ་ཝུ་སོ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ ཀ་ཏྠ ཝི་ཧཱ་སི.
ཝི་སྶ་ཛྫ་ནཱ – ཏ་སྶ བྷ་ནྟེ ས་ཏྟཱ་ཧ་སྶ ཨ་ཙྩ་ཡེ་ན བྷ་ག་ཝཱ པུ་ན་དེ་ཝ ཨ་ཛ་པཱ་ལ་ནི་གྲོ་དྷ་མཱུ་ལེ ཝི་ཧཱ་སི.
པུ་ཙྪཱ – ཏ་སྨིཾ པ་ན ཨཱ་ཝུ་སོ ཨ་ཛ་པཱ་ལ་ནི་གྲོ་དྷེ ཝི་ཧ་ར་ནྟ་སྶ བྷ་ག་ཝ་ཏོ ཀ་ཐཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི.
ཝི་སྶ་ཛྫ་ནཱ – ཏ་སྨིཾ པ་ན བྷ་ནྟེ ཨ་ཛ་པཱ་ལ་ནི་གྲོ་དྷེ ཝི་ཧ་ར་ནྟ་སྶ བྷ་ག་ཝ་ཏོ ར་ཧོ་ག་ཏ་སྶ པ་ཊི་ས་ལླཱི་ན་སྶ དྷ་མྨ་ག་མྦྷཱི་ར་ཏཱ་པ་ཊི་སཾ་ཡུ་ཏྟོ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི.
ཨ་དྷི་ག་ཏོ ཁོ མྱཱ་ཡཾ དྷ་མྨོ ག་མྦྷཱི་རོ དུ་དྡ་སོ ཨ་ར་ནུ་བོ་དྷོ ས་ནྟོ པ་ཎཱི་ཏོ ཨ་ཏ་ཀྐཱ་ཝ་ཙ་རཱ ནི་པུ་ཎོ པ་ཎྜི་ཏ་ཝེ་ད་ནཱི་ཡོ.
ཨཱ་ལ་ཡ་རཱ་མཱ་ཁོ པ་ནཱ་ཡཾ པ་ཛཱ ཨཱ་ལ་ཡ་ར་ཏཱ ཨཱ་ལ་ཡ་ས་མྨུ་དི་ཏཱ,
ས་ཧ་མྤ་ཏི བྲ་ཧྨཱ
པུ་ཙྪཱ – ཀ་ཐཾ ཨཱ་ཝུ་སོ ཏ་དཱ དྷ་མྨ་དེ་ས་ནཱ་ཡ བྲ་ཧྨ་ཡཱ་ཙ་ནཱ ཙ བྷ་ག་ཝ་ཏོ པ་ཊི་ཉྙཱ་ཙ ཨ་ཧོ་སི.
ཝི་སྶ་ཛྫ་ནཱ – དེ་སེ་ཏུ བྷ་ནྟེ བྷ་ག་ཝཱ དྷ་མྨཾ, དེ་སེ་ཏུ སུ་ག་ཏོ དྷ་མྨཾ, ས་ནྟི ས་ཏྟཱ ཨ་པྤ་ར་ཛ་ཀྑ་ཛཱ་ཏི་ཀཱ ཨ་སྶ་ཝ་ན་ཏཱ དྷ་མྨ་སྶ པ་རི་ཧཱ་ཡ་ནྟི, བྷ་ཝི་སྶ་ནྟི དྷ་མྨ་སྶ ཨ་ཉྙཱ་ཏཱ་རོ་ཏི ཨི་ཏི བྷ་ནྟེ བྲ་ཧྨུ་ནོ དྷ་མྨ་དེ་ས་ནཱ་ཡ ཡཱ་ཙ་ནཱ ཨ་ཧོ་སི,
‘‘ཨ་པཱ་རུ་ཏཱ ཏེ་སཾ ཨ་མ་ཏ་སྶ དྭཱ་རཱ,
ཡེ སོ་ཏ་ཝ་ནྟོ པ་མུ་ཉྩ་ནྟུ ས་དྡྷཾ;
ཝི་ཧིཾ་ས་ས་ཉྙཱི པ་གུ་ཎཾ ན་བྷཱ་སིཾ,
དྷ་མྨཾ པ་ཎཱི་ཏཾ མ་ནུ་ཛེ་སུ བྲ་ཧྨེ’’ཏི.
ཨེ་ཝཾ ཁོ བྷ་ནྟེ བྷ་ག་ཝ་ཏོ དྷ་མྨ་དེ་ས་ནཱ་ཡ པ་ཊི་ཉྙཱ ཙ ཨ་ཧོ་སི.
ན་སྶ་ཏི ཝ་ཏ ལོ་ཀོ…
དེ་སེ་ཏུ བྷ་ནྟེ བྷ་ག་ཝཱ དྷ་མྨཾ…
ཨ་པཱ་རུ་ཏཱ ཏེ་སཾ ཨ་མ་ཏ་སྶ དྭཱ་རཱ,
ཡེ སོ་ཏ་ཝ་ནྟོ པ་མུ་ཉྩ་ནྟུ ས་དྡྷཾ.
པུ་ཙྪཱ – ཨེ་ཝཾ ཁོ ཨཱ་ཝུ་སོ བྷ་ག་ཝཱ དྷ་མྨ་དེ་ས་ནཱ་ཡ པ་ཊི་ཉྙཾ ཀ་ཏྭཱ པ་ཋ་མཾ དྷ་མྨཾ དེ་སེ་ནྟོ ཀ་ཏྠ ཀཱི་དི་སཾ དྷ་མྨཾ ཀ་སྶ དེ་སེ་སི.
ཝི་སྶ་ཛྫ་ནཱ – བཱ་རཱ་ཎ་སི་ཡཾ བྷ་ནྟེ ཨི་སི་པ་ཏ་ནེ མི་ག་དཱ་ཡེ པ་ཉྩ་ཝ་གྒི་ཡ བྷི་ཀྑུ་པ་མུ་ཁཱ་ནཾ བྲ་ཧྨ་ག་ཎཱ་ནཾ དྷ་མྨ་ཙ་ཀྐ་པ་ཝ་ཏྟ་ན་སུ་ཏྟཾ དེ་སེ་སི.
པུ་ཙྪཱ – ཏ་སྨིཾ ཁོ པ་ན ཨཱ་ཝུ་སོ དྷ་མྨ་ཙ་ཀྐ་པ་ཝ་ཏྟ་ན་སུ་ཏྟེ དེ་སི་ཡ་མཱ་ནེ མ་ནུ་སྶ་ལོ་ཀེ ཀ་སྶ དྷ་མྨཱ་བྷི་ས་མ་ཡོ ཨ་ཧོ་སི.
ཝི་སྶ་ཛྫ་ནཱ – ཨཱ་ཡ་སྨ་ཏོ བྷ་ནྟེ ཀོ་ཎྜ་ཉྙ་སྶ དྷ་མྨཱ་བྷི་ས་མ་ཡོ ཨ་ཧོ་སི.
པུ་ཙྪཱ – ཀ་ཐཾ ནུ ཁོ ཨཱ་ཝུ་སོ ཨི་མ་སྨིཾ བུ་དྡྷ་སཱ་ས་ནེ པ་ཋ་མཾ པ་བྦ་ཛྫཱ ཙ ཨུ་པ་ས་མྤ་དཱ ཙ ཨ་ཧོ་སི.
ཝི་སྶ་ཛྫ་ནཱ – ཨི་མ་སྨིཾ བྷ་ནྟེ བུ་དྡྷ་སཱ་ས་ནེ པ་ཋ་མཾ ཨེ་ཧི་བྷི་ཀྑུ་པ་ས་མྤ་དཱ ཨ་ཧོ་སི.
ལ་བྷེ་ཡྻཱ་ཧཾ བྷ་ནྟེ བྷ་ག་ཝ་ཏོ ས་ནྟི་ཀེ པ་བྦ་ཛཾ, ལ་བྷེ་ཡྻཾ ཨུ་པ་ས་མྤ་དཾ.
ཨེ་ཧི བྷི་ཀྑུ སྭཱ་ཁཱ་ཏོ དྷ་མྨོ, ཙ་ར བྲ་ཧྨ་ཙ་རི་ཡཾ ས་མྨཱ དུ་ཀྑ་སྶ ཨ་ནྟ་ཀི་རི་ཡཱ་ཡ.
པུ་ཙྪཱ – ཨི་ཏ་རེ་སཾ པ་ན ཨཱ་ཝུ་སོ ཙ་ཏུ་ནྣཾ པ་ཉྩ་ཝ་གྒི་ཡཱ་ནཾ ཀ་དཱ དྷ་མྨཱ་བྷི་ས་མ་ཡོ ཨ་ཧོ་སི.
ཝི་སྶ་ཛྫ་ནཱ – པཱ་ཊི་པ་དེ བྷ་ནྟེ དི་ཝ་སེ ཨཱ་ཡ་སྨ་ཏོ ཝ་པྤ་སྶ, དུ་ཏི་ཡེ བྷ་ནྟེ དི་ཝ་སེ ཨཱ་ཡ་སྨ་ཏོ བྷ་དྡི་ཡ་སྶ, ཏ་ཏི་ཡེ བྷ་ནྟེ དི་ཝ་སེ ཨཱ་ཡ་སྨ་ཏོ མ་ཧཱ་ནཱ་མ་སྶ, ཙ་ཏུ་ཏྠེ བྷ་ནྟེ དི་ཝ་སེ ཨཱ་ཡ་སྨ་ཏོ ཨ་སྶ་ཛི་སྶ དྷ་མྨཱ་བྷི་ས་མ་ཡོ ཨ་ཧོ་སི.
པུ་ཙྪཱ – ས་བྦེ་ས་མྤི ཨཱ་ཝུ་སོ ཏེ་སཾ པ་ཉྩ་ཝ་གྒི་ཡཱ་ནཾ བྷི་ཀྑཱུ་ནཾ ཀ་དཱ ཨ་ར་ཧ་ཏྟ་པ་ཏྟི ཧོ་ཏི.
ཝི་སྶ་ཛྫ་ནཱ – ས་བྦེ་ས་མྤི བྷ་ནྟེ ཏེ་སཾ པ་ཉྩ་ཝ་གྒི་ཡཱ་ནཾ བྷི་ཀྑཱུ་ནཾ པ་ཀྑ་སྶ པ་ཉྩ་མི་ཡཾ ཨ་ན་ཏྟ་ལ་ཀྑ་ཎ་སུ་ཏྟེ དེ་སི་ཡ་མཱ་ནེ ཨ་ར་ཧ་ཏྟ་པ་ཏྟི ཧོ་ཏི.
པུ་ཙྪཱ – ཀ་དཱ ཨཱ་ཝུ་སོ བྷ་ག་ཝ་ཏཱ བྷི་ཀྑཱུ ཏ་ཏྠ ཏ་ཏྠ ཙཱ་རི་ཀཾ ཙ་རི་ཏྭཱ དྷ་མྨ་དེ་ས་ན་ཏྠཱ་ཡ པེ་སི་ཏཱ.
ཝི་སྶ་ཛྫ་ནཱ – ཡ་ས་པྤ་མུ་ཁཱ་ནཾ བྷ་ནྟེ ཙ་ཏུ་པ་ཉྙཱ་ས ས་ཧཱ་ཡ་ཀཱ་ནཾ པ་བྦ་ཛི་ཏ་ཀཱ་ལེ བྷ་ག་ཝ་ཏཱ བྷི་ཀྑཱུ ཏ་ཏྠ ཏ་ཏྠ ཙཱ་རི་ཀཾ ཙ་རི་ཏྭཱ དྷ་མྨ་དེ་ས་ན་ཏྠཱ་ཡ པེ་སི་ཏཱ.
ས་ར་ཎ་ག་མ་ན
པུ་ཙྪཱ – ཀ་དཱ ཨཱ་ཝུ་སོ བྷ་ག་ཝ་ཏཱ ཏཱི་ཧི ས་ར་ཎ་ག་མ་ནེ་ཧི པ་བྦ་ཛྫཱུ་པ ས་མྤ་དཱ ཨ་ནུ་ཉྙཱ་ཏོ ཨ་ཧོ་སི.
ཝི་སྶ་ཛྫ་ནཱ – ཡ་ས་པྤ་མུ་ཁཱ་ནཾ བྷ་ནྟེ ཙ་ཏུ་པ་ཉྙཱ་སཱ་ཡ གི་ཧི ས་ཧཱ་ཡ་ཀཱ་ནཾ པ་བྦ་ཛི་ཏྭཱ ཏ་ཏྠ ཏ་ཏྠ ཙཱ་རི་ཀཾ ཙ་རི་ཏྭཱ དྷ་མྨ་དེ་ས་ན་ཏྠཱ་ཡ པེ་སི་ཏ་ཀཱ་ལེ བྷ་ག་ཝ་ཏཱ ཏཱི་ཧི ས་ར་ཎ་ག་མ་ནེ་ཧི པ་བྦ་ཛྫཱ ཙ ཨུ་པ་ས་མྤ་དཱ ཙ ཨ་ནུ་ཉྙཱ་ཏཱ.
ཨ་ནུ་ཛཱ་ནཱ་མི བྷི་ཀྑ་ཝེ ཏུ་མྷེ་ཝ དཱ་ནི ཏཱ་སུ ཏཱ་སུ དི་སཱ་སུ ཏེ་སུ ཏེ་སུ ཛ་ན་པ་དེ་སུ པ་བྦཱ་ཛེ་ཐ ཨུ་པ་ས་མྤཱ་དེ་ཐ.
པུ་ཙྪཱ – བྷ་ག་ཝ་ཏཱ ཨཱ་ཝུ་སོ བྷི་ཀྑཱུ་ནཾ ཨཱ་རཱ་མོ པ་ཊི་གྒ་ཎྷི་ཏུཾ ཀ་ཏྠ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏོ.
ཝི་སྶ་ཛྫ་ནཱ – བྷ་ག་ཝ་ཏཱ བྷ་ནྟེ བྷི་ཀྑཱུ་ནཾ ཨཱ་རཱ་མཾ པ་ཊི་གྒ་ཎྷི་ཏུཾ རཱ་ཛ་ག་ཧེ ཨ་ནུ་ཉྙཱ་ཏོ, རཱ་ཛཱ བྷ་ནྟེ མཱ་ག་དྷོ སེ་ནི་ཡོ བི་མྦི་སཱ་རོ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ཝེ་ལུ༹་ཝ་ནཾ ཨུ་ཡྻཱ་ནཾ ཨ་དཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏོ.
ཨེ་ཏཱ་ཧཾ བྷ་ནྟེ ཝེ་ལུ༹་ཝ་ནཾ ཨུ་ཡྻཱ་ནཾ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ད་མྨི –
ཨ་ནུ་ཛཱ་ནཱ་མི བྷི་ཀྑ་ཝེ ཨཱ་རཱ་མཾ.
པུ་ཙྪཱ – ཀ་ཐ་ཉྩ ཨཱ་ཝུ་སོ དྭི་ནྣཾ ཨ་གྒ་སཱ་ཝ་ཀཱ་ནཾ པ་བྦ་ཛྫཱུ་པ་ས་མྤ་དཱ ཨ་ཧོ་སི.
ཝི་སྶ་ཛྫ་ནཱ – དྭི་ནྣཾ བྷ་ནྟེ ཨ་གྒ་སཱ་ཝ་ཀཱ་ནཾ ཨེ་ཧི བྷི་ཀྑུ་པ་ས་མྤ་དཱ ཨ་ཧོ་སི.
ཝི་པྤ་ས་ནྣཱ་ནི ཁོ ཏེ ཨཱ་ཝུ་སོ ཨི་ནྡྲི་ཡཱ་ནི.
ཀཾ་སི ཏྭཾ ཨཱ་ཝུ་སོ ཨུ་དྡི་སྶ པ་བྦ་ཛི་ཏོ.
ཀོ ཝཱ ཏེ ས་ཏྠཱ.
ཀ་སྶ ཝཱ ཏྭཾ དྷ་མྨཾ རོ་ཙེ་སི.
ཨ་ཏྠཱ་ཝུ་སོ མ་ཧཱ་ས་མ་ཎོ ས་ཀྱ་པུ་ཏྟོ ས་ཀྱ་ཀུ་ལཱ པ་བྦ་ཛི་ཏོ.
ཀིཾ ཝཱ་དཱི པ་ནཱ་ཡ་སྨ་ཏོ ས་ཏྠཱ ཀི་མ་ཀྑཱ་ཡཱི.
ཡེ དྷ་མྨཱ ཧེ་ཏུ་པྤ་བྷ་ཝཱ, ཏེ་སཾ ཧེ་ཏུཾ ཏ་ཐཱ་ག་ཏོ;
ཨཱ་ཧ ཏེ་ས་ཉྩ ཡོ ནི་རོ་དྷོ, ཨེ་ཝཾ ཝཱ་དཱི མ་ཧཱ་ས་མ་ཎོ.
ཨ་ལཾ ཨཱ་ཝུ་སོ མཱ ཨ་ག་མི་ཏྠ.
ཨེ་ཏེ བྷི་ཀྑ་ཝེ དྭེ ས་ཧཱ་ཡ་ཀཱ ཨཱ་ག་ཙྪ་ནྟི ཀོ་ལི་ཏོ ཨུ་པ་ཏི་སྶོ ཙ ཨེ་ཏཾ མེ སཱ་ཝ་ཀ་ཡུ་གཾ བྷ་ཝི་སྶ་ཏི ཨ་གྒཾ བྷ་དྡ་ཡུ་གཾ.
ལ་བྷེ་ཡྻཱ་མ མ་ཡཾ བྷ་ནྟེ བྷ་ག་ཝ་ཏོ ས་ནྟི་ཀེ པ་བྦ་ཛྫཾ ལ་བྷེ་ཡྻཱ་མ ཨུ་པ་ས་མྤ་དཾ.
ཨེ་ཐ བྷི་ཀྑ་ཝོ སྭཱ་ཁཱ་ཏོ དྷ་མྨོ, ཙ་ར་ཐ བྲ་ཧྨ་ཙ་རི་ཡཾ ས་མྨཱ དུ་ཀྑ་སྶ ཨ་ནྟ་ཀི་རི་ཡཱ་ཡ.
པུ་ཙྪཱ – ཨུ་པ་ཛ྄ཛྷཱ་ཡོ ཨཱ་ཝུ་སོ ག་ཎྷི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏོ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་ནུ་པ་ཛ྄ཛྷཱ་ཡ་ཀཱ ཨ་ནཱ་ཙ་རི་ཡ་ཀཱ ཨ་ནོ་ཝ་དི་ཡ་མཱ་ནཱ ཨ་ན་ནུ་སཱ་སི་ཡ་མཱ་ནཱ དུ་ནྣི་ཝ་ཏྠཱ དུ་པྤཱ་རུ་ཏཱ ཨ་ནོ་ཀ་པྤ་ས་མྤ་ནྣཱ པི་ཎྜཱ་ཡ ཙ་རིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏོ.
པུ་ཙྪཱ – ཨུ་པ་ཛ྄ཛྷཱ་ཡ་མྷི ཨཱ་ཝུ་སོ ན ས་མྨཱ་ཝ་ཏྟ་ནྟ་སྶ དུ་ཀྐ་ཊཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ ས་དྡྷི་ཝི་ཧཱ་རི་ཀེ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ ས་དྡྷི་ཝི་ཧཱ་རི་ཀཱ ཨུ་པ་ཛ྄ཛྷཱ་ཡ་མྷི ན ས་མྨཱ་ཝ་ཏྟིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་དཱ ཨཱ་ཝུ་སོ བྷ་ག་ཝ་ཏཱ ཏཱི་ཧི ས་ར་ཎ་ག་མ་ནེ་ཧི ཨུ་པ་ས་མྤ་དཾ པ་ཊི་ཀྑི་པི་ཏྭཱ ཉཱ་ཏི་ཙ་ཏུ་ཏྠེ་ན ཀ་མྨེ་ན ཨུ་པ་ས་མྤ་དཱ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – རཱ་དྷ་བྲཱ་ཧྨ་ཎ་སྶ བྷ་ནྟེ པ་བྦ་ཛི་ཏ་ཀཱ་ལེ བྷ་ག་ཝ་ཏཱ ཏཱི་ཧི ས་ར་ཎ་ག་མ་ནེ་ཧི ཨུ་པ་ས་མྤ་དཾ པ་ཊི་ཀྑི་པི་ཏྭཱ ཉཱ་ཏྟི་ཙ་ཏུ་ཏྠེ་ན ཀ་མྨེ་ན ཨུ་པ་ས་མྤ་དཱ ཨ་ནུ་ཉྙཱ་ཏཱ.
ཀོ་ནུ ཁོ བྷི་ཀྑ་ཝེ ཏ་སྶ བྲཱ་ཧྨ་ཎ་སྶ ཨ་དྷི་ཀཱ་རཾ ས་ར་ཏི.
ཨ་ཧཾ ཁོ བྷ་ནྟེ ཏ་སྶ བྲཱ་ཧྨ་ཎ་སྶ ཨ་དྷི་ཀཱ་རཾ ས་རཱ་མི.
སཱ་དྷུ སཱ་དྷུ སཱ་རི་པུ་ཏྟ, ཀ་ཏ་ཉྙུ་ནོ ཧི སཱ་རི་པུ་ཏྟ ས་པྤུ་རི་སཱ ཀ་ཏ་ཝེ་དི་ནོ.
ཀ་ཐཱ་ཧཾ བྷ་ནྟེ ཏཾ བྲཱ་ཧྨ་ཎཾ ཨུ་པ་ས་མྤཱ་དེ་མི.
ཡཱ་སཱ བྷི་ཀྑ་ཝེ མ་ཡཱ ཏཱི་ཧི ས་ར་ཎ་ག་མ་ནེ་ཧི ཨུ་པ་ས་མྤ་དཱ་ཨ་ནུ་ཉྙཱ་ཏཱ, ཏཾ ཨ་ཛྫ་ཏ་གྒེ པ་ཊི་ཀྑི་པཱ་མི.
ཨ་ནུ་ཛཱ་ནཱ་མི བྷི་ཀྑ་ཝེ ཉཱ་ཏྟི་ཙ་ཏུ་ཏྠེ་ན ཀ་མྨེ་ན ཨུ་པ་ས་མྤཱ་དེ་ཏུཾ.
པུ་ཙྪཱ – ཨ་ཡཱ་ཙི་ཏ་ཀཾ ཨཱ་ཝུ་སོ ཨུ་པ་ས་མྤ་དཱ་པེ་ཀྑཾ ཨུ་པ་ས་མྤཱ་དེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ ཨུ་པ་ས་མྤ་ནྣ་ས་མ་ན་ནྟ་རཾ ཨ་ནཱ་ཙཱ་རཾ ཨ་ཙ་རི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ནི་སྶ་ཡཱ་ནཾ ཨཱ་ཙི་ཀྑ་ཎཱ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ ཨ་ནུ་ཉྙཱ་ཏཱ, ཨ་ཉྙ་ཏ་རོ བྷ་ནྟེ བྷི་ཀྑུ ཨུ་ད་ར་སྶ ཀཱ་ར་ཎཱ པ་བྦ་ཛི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཨེ་ཧི དཱ་ནི ཨཱ་ཝུ་སོ པི་ཎྜཱ་ཡ ཙ་རི་སྶཱ་མ.
ཀ་ཐ་ཉྷི ནཱ་མ བྷི་ཀྑུ ཨེ་ཝཾ སྭཱ་ཀྑཱ་ཏེ དྷ་མྨ་ཝི་ན་ཡེ ཨུ་ད་ར་སྶ ཀཱ་ར་ཎཱ པ་བྦ་ཛི་སྶ་ཏི.
པུ་ཙྪཱ – ཨཱུ་ན་ད་ས་ཝ་སྶེ་ན ཨཱ་ཝུ་སོ ཨུ་པ་ས་མྤཱ་དེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨཱ་ཡ་སྨ་ནྟཾ ཨུ་པ་སེ་ནཾ ཝ་ངྒ་ནྟ་པུ་ཏྟཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཨུ་པ་སེ་ནོ ཝ་ངྒ་ནྟ་པུ་ཏྟོ ཨེ་ཀ་ཝ་སྶོ ས་དྡྷི་ཝི་ཧཱ་རི་ཀཾ ཨུ་པ་ས་མྤཱ་དེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བཱ་ལེ་ན ཨཱ་ཝུ་སོ ཨ་བྱ་ཏྟེ་ན ཨུ་པ་ས་མྤཱ་དེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ‘‘ད་ས་ཝ་སྶ་མྷཱ ད་ས་ཝ་སྶ་མྷཱ’’ཏི བཱ་ལཱ ཨ་བྱ་ཏྟཱ ཨུ་པ་ས་མྤཱ་དེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨཱ་ཙ་རི་ཡོ ཨཱ་ཝུ་སོ ག་ཎྷི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏོ, ས་མྦ་ཧུ་ལཱ བྷ་ནྟེ བྷི་ཀྑཱུ ཨུ་པ་ཛ྄ཛྷཱ་ཡེ་སུ པ་ཀྐ་ནྟེ་སུ་པི ཝི་བྦྷ་ནྟེ་སུ་པི ཀཱ་ལ་ངྐ་ཏེ་སུ་པི པ་ཀྑ་ས་ངྐ་ནྟེ་སུ་པི ཨ་ནཱ་ཙ་རི་ཡ་ཀཱ ཨ་ནོ་ཝ་དི་ཡ་མཱ་ནཱ ཨ་ན་ནུ་སཱ་སི་ཡ་མཱ་ནཱ དུ་ནྣི་ཝ་ཏྠཱ དུ་པྤཱ་རུ་ཏཱ ཨ་ནཱ་ཀ་པྤ་ས་མྤ་ནྣཱ པི་ཎྜཱ་ཡ ཙ་རིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏོ.
པུ་ཙྪཱ – པ་ཉྩ་ཧི ཨཱ་ཝུ་སོ ཨཱ་བཱ་དྷེ་ཧི ཕུ་ཊྛཾ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ པ་ཉྩ་ཧི ཨཱ་བཱ་དྷེ་ཧི ཕུ་ཊྛཾ པ་བྦཱ་ཛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
སཱ་དྷུ བྷ་ནྟེ ཨ་ཡྻཱ པ་ཉྩ་ཧི ཨཱ་བཱ་དྷེ་ཧི ཕུ་ཊྛཾ ན པ་བྦཱ་ཛེ་ཡྻུཾ…
པུ་ཙྪཱ – རཱ་ཛ་བྷ་ཊཾ ཨཱ་ཝུ་སོ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ རཱ་ཛ་བྷ་ཊེ པ་བྦཱ་ཛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – དྷ་ཛ་བ་ནྡྷཾ ཨཱ་ཝུ་སོ ཙོ་རཾ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ་ཡེ་ཝ བྷ་ནྟེ ཨ་ངྒུ་ལི་མཱ་ལཾ ཙོ་རཾ ཨཱ་ར་བྦྷ པ་ཉྙ་ཏྟཾ, ཨ་ངྒུ་ལི་མཱ་ལོ བྷ་ནྟེ ཙོ་རོ བྷི་ཀྑཱུ་སུ པ་བྦ་ཛི་ཏོ ཧོ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀཱ་ར་བྷེ་ད་ཀཾ ཨཱ་ཝུ་སོ ཙོ་རཾ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ་ཡེ་ཝ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཀཱ་ར་བྷེ་ད་ཀ་ཙོ་རཾ པ་བྦཱ་ཛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨི་ཎཱ་ཡི་ཀཾ ཨཱ་ཝུ་སོ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ་ཡེ་ཝ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨི་ཎཱ་ཡི་ཀཾ པ་བྦཱ་ཛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – དཱ་སཾ ཨཱ་ཝུ་སོ པ་བྦ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ་ཡེ་ཝ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ དཱ་སཾ པ་བྦཱ་ཛེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བྷ་ཎྜུ་ཀ་མྨཱ་ཡ ཨཱ་ཝུ་སོ ཨ་པ་ལོ་ཀ་ནཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ་ཡེ་ཝ བྷ་ནྟེ ཨ་ཉྙ་ཏ་རཾ ཀ་མྨཱ་ར་བྷ་ཎྜུ་པུ་ཏྟཾ ཨཱ་ར་བྦྷ ཨ་ནུ་ཉྙཱ་ཏཾ ཨ་ཉྙ་ཏ་རོ བྷ་ནྟེ ཀ་མྨཱ་ར་བྷ་ཎྜུ་པུ་ཏྟོ མཱ་ཏཱ་པི་ཏཱུ་ཧི ས་དྡྷིཾ བྷ་ཎྜི་ཏྭཱ བྷི་ཀྑཱུ་སུ པ་བྦ་ཛི་ཏོ ཧོ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཨཱུ་ན་ཝཱི་ས་ཏི་ཝ་སྶ་སྶ ཨཱ་ཝུ་སོ པུ་གྒ་ལ་སྶ ཨུ་པ་ས་མྤ་དཱ བྷ་ག་ཝ་ཏཱ ཀ་ཏྠ པ་ཊི་ཀྑི་ཏྟཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཊི་ཀྑི་ཏྟཱ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཊི་ཀྑི་ཏྟཱ, ས་མྦ་ཧུ་ལཱ བྷ་ནྟེ བྷི་ཀྑཱུ ཨཱུ་ན་ཝཱི་ས་ཏི་ཝ་སྶཾ པུ་གྒ་ལཾ ཨུ་པ་ས་མྤཱ་དེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཊི་ཀྑི་ཏྟཱ.
ན བྷི་ཀྑ་ཝེ ཛཱ་ནཾ ཨཱུ་ན་ཝཱི་ས་ཏི་ཝ་སྶོ པུ་གྒ་ལོ ཨུ་པ་ས་མྤཱ་དེ་ཏ་བྦོ, ཡོ་ཨུ་པ་ས་མྤཱ་དེ་ཡྻ, ཡ་ཐཱ་དྷ་མྨོ ཀཱ་རེ་ཏ་བྦོ.
པུ་ཙྪཱ – མཱ་ཏཱ་པི་ཏཱུ་ཧི ཨཱ་ཝུ་སོ ཨ་ན་ནུ་ཉྙཱ་ཏཾ པུ་ཏྟཾ པ་བྦཱ་ཛེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ས་ཀྐེ་སུ བྷ་ནྟེ པ་ཉྙ་ཏྟཾ, རཱ་ཛཱ བྷ་ནྟེ སུ་དྡྷོ་ད་ནོ བྷ་ག་ཝ་ནྟཾ ཨུ་པ་ས་ངྐ་མི་ཏྭཱ ཝ་རཾ ཡཱ་ཙི, སཱ་དྷུ བྷ་ནྟེ ཨ་ཡྻཱ་ཨ་ན་ནུ་ཉྙཱ་ཏཾ མཱ་ཏཱ་པི་ཏཱུ་ཧི པུ་ཏྟཾ པ་བྦཱ་ཛེ་ཡྻུ་ནྟི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
ན བྷི་ཀྑ་ཝེ ཨ་ན་ནུ་ཉྙཱ་ཏོ མཱ་ཏཱ་པི་ཏཱུ་ཧི པུ་ཏྟོ པ་བྦཱ་ཛེ་ཏ་བྦོ, ཡོ པ་བྦཱ་ཛེ་ཡྻ, ཨཱ་པ་ཏྟི་དུ་ཀྐ་ཊ་སྶ.
པུ་ཙྪཱ – ཐེ་ཡྻ་སཾ་ཝཱ་ས་ཀ་སྶ ཨཱ་ཝུ་སོ ཨུ་པ་ས་མྤ་དཱ བྷ་ག་ཝ་ཏཱ ཀ་ཏྠ པ་ཊི་ཀྑི་ཏྟཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཊི་ཀྑི་ཏྟཱ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ པུ་རཱ་ཎ་ཀུ་ལ་པུ་ཏྟཾ ཨཱ་ར་བྦྷ པ་ཊི་ཀྑི་ཏྟཱ, ཨ་ཉྙ་ཏ་རོ བྷ་ནྟེ པུ་རཱ་ཎ་ཀུ་ལ་པུ་ཏྟོ ཁཱི་ཎ ཀོ་ལ་ཉྙོ སཱ་མཾ པ་ཏྟ་ཙཱི་ཝ་རཾ པ་ཊི་ཡཱ་དེ་ཏྭཱ ཀེ་ས་མ་སྶུཾ ཨོ་ཧཱ་རེ་ཏྭཱ ཀཱ་སཱ་ཡཱ་ནི ཝ་ཏྠཱ་ནི ཨ་ཙྪཱ་དེ་ཏྭཱ ཨཱ་རཱ་མཾ ག་ནྟྭཱ བྷི་ཀྑཱུ་ཧི ས་དྡྷིཾ སཾ་ཝ་སི, བྷ་ནྟེ ཝ་ཏྠུ་སྨིཾ པ་ཊི་ཀྑི་ཏྟཱ.
པུ་ཙྪཱ – ཏི་ར་ཙྪཱ་ན་ག་ཏ་སྶ ཨཱ་ཝུ་སོ ཨུ་པ་ས་མྤ་དཱ བྷ་ག་ཝ་ཏཱ ཀ་ཏྠ པ་ཊི་ཀྑི་ཏྟཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཊི་ཀྑི་ཏྟཱ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ ནཱ་གཾ ཨཱ་ར་བྦྷ པ་ཊི་ཀྑི་ཏྟཱ, ཨ་ཉྙ་ཏ་རོ བྷ་ནྟེ ནཱ་གོ མཱ་ཎ་ཝ་ཀ་ཝ་ཎྞེ་ན བྷི་ཀྑཱུ ཨུ་པ་ས་ངྐ་མི་ཏྭཱ པ་བྦ་ཛྫཾ ཡཱ་ཙི, ཏཾ བྷི་ཀྑཱུ པ་བྦཱ་ཛེ་སུཾ ཨུ་པ་ས་མྤཱ་དེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཊི་ཀྑི་ཏྟཱ.
པུ་ཙྪཱ – མཱ་ཏུ་གྷཱ་ཏ་ཀ་སྶ ཙ ཨཱ་ཝུ་སོ པི་ཏུ་གྷཱ་ཏ་ཀ་སྶ ཙ ཨུ་པ་ས་མྤ་དཱ བྷ་ག་ཝ་ཏཱ ཀ་ཏྠ པ་ཊི་ཀྑི་ཏྟཱ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཊི་ཀྑི་ཏྟཱ.
ཝི་སྶ་ཛྫ་ནཱ – སཱ་ཝ་ཏྠི་ཡཾ་ཡེ་ཝ བྷ་ནྟེ ཨ་ཉྙ་ཏ་རཾ མཱ་ཎ་ཝ་ཀཾ ཨཱ་ར་བྦྷ པ་ཊི་ཀྑི་ཏྟཱ, ཨ་ཉྙ་ཏ་རོ ཙ བྷ་ནྟེ མཱ་ཎ་ཝ་ཀོ ཨ་ཉྙ་ཏ་རོ ཙ མཱ་ཎ་ཝ་ཀོ མཱ་ཏ་རཾ ཛཱི་ཝི་ཏཱ ཝོ་རོ་པེ་སི པི་ཏ་རཾ ཛཱི་ཝི་ཏཱ ཝོ་རོ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཊི་ཀྑི་ཏྟཱ.
མཱ་ཏུ་གྷཱ་ཏ་ཀོ བྷི་ཀྑ་ཝེ ཨ་ནུ་པ་ས་མྤ་ནྣོ ན་ཨུ་པ་ས་མྤཱ་དེ་ཏ་བྦོ, ཨུ་པ་ས་མྤ་ནྣོ ནཱ་སེ་ཏ་བྦོ, པི་ཏུ་གྷཱ་ཏ་ཀོ བྷི་ཀྑ་ཝེ ཨ་ནུ་པ་ས་མྤ་ནྣོ ན་ཨུ་པ་ས་མྤཱ་དེ་ཏ་བྦོ, ཨུ་པ་ས་མྤ་ནྣོ ནཱ་སེ་ཏ་བྦོ.
པུ་ཙྪཱ – ཨ་པ་ཏྟ་ཙཱི་ཝ་ར་ཀཾ ཝཱ ཨཱ་ཝུ་སོ ཡཱ་ཙི་ཏ་པ་ཏྟ་ཙཱི་ཝ་ར་ཀཾ ཝཱ ཨུ་པ་ས་མྤཱ་དེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་པ་ཏྟ་ཙཱི་ཝ་ར་ཀཾ ཨུ་པ་ས་མྤཱ་དེ་སུཾ, ཡཱ་ཙི་ཏ་ཀེ་ན པ་ཏྟ་ཙཱི་ཝ་རེ་ན ཨུ་པ་ས་མྤཱ་དེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨུ་པ་ས་མྤ་དཾ པུ་ཙྪི་སྶཾ, ས་ནི་དཱ་ནཾ ས་ཨུ་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ཨུ་པ་ས་མྤ་དཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ དྭེ ཨཱ་པ་ཏྟི་ཡོ.
༢. ཨུ་པོ་ས་ཐ་ཀྑ་ནྡྷ་ཀ
པུ་ཙྪཱ – ཙཱ་ཏུ་དྡ་སེ ཙ ཨཱ་ཝུ་སོ པ་ནྣ་ར་སེ ཙ པ་ཀྑ་སྶ ཙ ཨ་ཊྛ་མི་ཡཱ ས་ནྣི་པ་ཏི་ཏྭཱ དྷ་མྨཾ བྷཱ་སི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ, ས་མྦ་ཧུ་ལཱ བྷ་ནྟེ བྷི་ཀྑཱུ ཙཱ་ཏུ་དྡེ་ས པ་ནྣ་ར་སེ ཨ་ཊྛ་མི་ཡཱ ཙ པ་ཀྑ་སྶ ས་ནྣི་པ་ཏི་ཏྭཱ ཏུ་ཎྷཱི ནི་སཱི་དིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
ཨ་ནུ་ཛཱ་ནཱ་མི བྷི་ཀྑ་ཝེ ཙཱ་ཏུ་དྡ་སེ པ་ནྣ་ར་སེ ཨ་ཊྛ་མི་ཡཱ ཙ པ་ཀྑ་སྶ ས་ནྣི་པ་ཏི་ཏུཾ.
ན་ནུ ནཱ་མ ས་ནྣི་པ་ཏི་ཏེ་ཧི དྷ་མྨོ བྷཱ་སི་ཏ་བྦོ.
པུ་ཙྪཱ – ཀ་དཱ ཨཱ་ཝུ་སོ བྷི་ཀྑཱུ་ནཾ པཱ་ཏི་མོ་ཀྑུ་དྡེ་སོ བྷ་ག་ཝ་ཏཱ ཨ་ནུ་ཉྙཱ་ཏོ.
ཝི་སྶ་ཛྫ་ནཱ – ཡ་དཱ བྷ་ནྟེ བྷ་ག་ཝ་ཏོ ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི ‘‘ཡཾ་ནཱུ་ནཱ་ཧཾ ཡཱ་ནི མ་ཡཱ བྷི་ཀྑཱུ་ནཾ པ་ཉྙ་ཏྟཱ་ནི སི་ཀྑཱ་པ་དཱ་ནི, ཏཱ་ནི ནེ་སཾ པཱ་ཏི་མོ་ཀྑུ་དྡེ་སཾ ཨ་ནུ་ཛཱ་ནེ་ཡྻཾ, སོ ནེ་སཾ བྷ་ཝི་སྶ་ཏི ཨུ་པོ་ས་ཐ་ཀ་མྨ’’ནྟི ཏ་དཱ བྷ་ནྟེ བྷ་ག་ཝ་ཏཱ བྷི་ཀྑཱུ་ནཾ པཱ་ཏི་མོ་ཀྑུ་དྡེ་སོ ཨ་ནུ་ཉྙཱ་ཏོ.
པུ་ཙྪཱ – སཱི་མཾ ཨཱ་ཝུ་སོ ས་མྨ་ནི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀི་སྨི་ཉྩ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨ་ནུ་ཉྙཱ་ཏཾ, རཱ་ཛ་ག་ཧེ བྷ་ནྟེ བྷ་ག་ཝ་ཏི ཝི་ཧ་ར་ཏི བྷི་ཀྑཱུ་ནཾ ཨེ་ཏ་ད་ཧོ་སི ‘‘བྷ་ག་ཝ་ཏཱ པ་ཉྙ་ཏྟཾ ཨེ་ཏྟཱ་ཝ་ཏཱ སཱ་མ་གྒཱི, ཡཱ་ཝ་ཏཱ ཨེ་ཀཱ་ཝཱ་སོ་ཏི ཀི་ཏྟཱ་ཝ་ཏཱ་ནུ་ཁོ ཨེ་ཀཱ་ཝཱ་སོ ཧོ་ཏཱི’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཀ་ཏི ཨཱ་ཝུ་སོ ཨུ་པོ་ས་ཐཱ དི་ཝ་ས་ཝ་སེ་ན ཙ ཀཱ་ར་ཀ་པུ་གྒ་ལ་ཝ་སེ་ན ཙ ཀཱ་ཏ་བྦཱ་ཀཱ་ར་ཝ་སེ་ན ཙ.
ཝི་སྶ་ཛྫ་ནཱ – དི་ཝ་ས་ཝ་སེ་ན བྷ་ནྟེ ཏ་ཡོ ཨུ་པོ་ས་ཐཱ, པུ་གྒ་ལ་ཝ་སེ་ན ཙ བྷ་ནྟེ ཏ་ཡོ ཨུ་པོ་ས་ཐཱ, ཀཱ་ཏ་བྦཱ་ཀཱ་ར་ཝ་སེ་ན ཙ བྷ་ནྟེ ཏ་ཡོ ཨུ་པོ་ས་ཐཱ.
པུ་ཙྪཱ – ཀ་ཏི ཨཱ་ཝུ་སོ ཨུ་པོ་ས་ཐ་ཀ་མྨཱ་ནི ཏེ་སུ ཙ ཀཱི་དི་སཾ ཨུ་པོ་ས་ཐ་ཀ་མྨཾ བྷ་ག་ཝ་ཏཱ ཨ་ནུ་ཉྙཱ་ཏཾ, ཀཱི་དི་སཾ ཨ་ན་ནུ་ཉྙཱ་ཏཾ.
ཝི་སྶ་ཛྫ་ནཱ – ཙ་ཏྟཱ་རི་མཱ་ནི བྷ་ནྟེ ཨུ་པོ་ས་ཐ་ཀ་མྨཱ་ནི, ཨ་དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ཨ་དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ, དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ. ཏ་ཏྲ བྷ་ནྟེ ཡ་དི་དཾ ཨ་དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ཨ་དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ཨེ་ཝ་རཱུ་པཾ བྷ་ནྟེ ཨུ་པོ་ས་ཐ་ཀ་མྨཾ ཨ་ན་ནུ་ཉྙཱ་ཏཾ, ཏ་ཏྲ བྷ་ནྟེ ཡ་དི་དཾ དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ, ཨེ་ཝ་རཱུ་པཾ བྷ་ནྟེ ཨུ་པོ་ས་ཐ་ཀ་མྨཾ ཨ་ནུ་ཉྙཱ་ཏཾ.
པུ་ཙྪཱ – ཨུ་པོ་ས་ཐཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ཨུ་པོ་ས་ཐཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཏི་སྶོ ཨཱ་པ་ཏྟི་ཡོ.