༥. ཙ་མྨ་ཀྑ་ནྡྷ་ཀ
སོ་ཎ་མ་ཐེ་ར ཝ་ཏྠུ
པུ་ཙྪཱ – ཨུ་པཱ་ཧ་ནཾ ཨཱ་ཝུ་སོ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨཱ་ཡ་སྨ་ནྟཾ སོ་ཎཾ ཨཱ་ར་བྦྷ ཨ་ནུ་ཉྙཱ་ཏཾ, ཨཱ་ཡ་སྨ་ཏོ བྷ་ནྟེ སོ་ཎ་སྶ ཨ་ཙྩཱ་ར་དྡྷ་ཝཱི་རི་ཡ་སྶ ཙ་ངྐ་མ་ཏོ པཱ་དཱ བྷི་ཛྫིཾ་སུ, ཙ་ངྐ་མོ ལོ་ཧི་ཏེ་ན ཕུ་ཊོ ཨ་ཧོ་སི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ས་བྦ་ནཱི་ལི་ཀཱ ཝཱ ཨཱ་ཝུ་སོ ས་བྦ་པཱི་ཏི་ཀཱ ཝཱ ས་བྦ་ལོ་ཧི་ཏི་ཀཱ ཝཱ ས་བྦ་མ་ཉྫི་ཊྛི་ཀཱ ཝཱ ས་བྦ་ཀ་ཎྷཱ ཝཱ ས་བྦ་མ་ཧཱ་ར་ངྒ་ར་ཏྟཱ ཝཱ ས་བྦ་མ་ཧཱ་ནཱ་མ་ར་ཏྟཱ ཝཱ ཨུ་པཱ་ཧ་ནཱ་ཡོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ས་བྦ་ནཱི་ལི་ཀཱ་ཡོ ཨུ་པཱ་ཧ་ནཱ་ཡོ དྷཱ་རེ་སུཾ, ས་བྦ་པཱི་ཏི་ཀཱ་ཡོ ས་བྦ་ལོ་ཧི་ཏི་ཀཱ་ཡོ ས་བྦ་མ་ཉྫི་ཊྛི་ཀཱ་ཡོ ས་བྦ་ཀ་ཎྷཱ་ཡོ ས་བྦ་མ་ཧཱ་ར་ངྒ་ར་ཏྟཱ ས་བྦ་མ་ཧཱ་ནཱ་མ་ར་ཏྟཱ་ཡོ་པི ཨུ་པཱ་ཧ་ནཱ་ཡོ དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཁ་ལླ་ཀ་བ་ནྡྷཱ ཝཱ ཨཱ་ཝུ་སོ པུ་ཊ་བ་ནྡྷཱ ཝཱ པཱ་ལི་གུ་ཎྛི་མཱ ཝཱ ཏཱུ་ལ་པུ་ཎྞི་ཀཱ ཝཱ ཏི་ཏྟི་ར་པ་ཏྟི་ཀཱ ཝཱ མེ་ཎྜ་ཝི་སཱ་ཎ་ཝ་དྡྷི་ཀཱ ཝཱ ཨ་ཛ་ཝི་སཱ་ཎ་ཝ་དྡྷི་ཀཱ ཝཱ ཝི་ཙྪི་ཀཱ་ལི༹་ཀཱ ཝཱ མོ་ར་པི་ཉྪ པ་རི་སི་བྦི་ཀཱ ཝཱ ཙི་ཏྲཱ ཝཱ ཨུ་པཱ་ཧ་ནཱ་ཡོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཁ་ལླ་ཀ་བ་ནྡྷཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, པུ་ཊ་བ་ནྡྷཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, པཱ་ལི་གུ་ཎྛི་མཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, ཏཱུ་ལ་པུ་ཎྞི་ཀཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, ཏི་ཏྟི་ར་པ་ཏྟི་ཀཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, མེ་ཎྜ་ཝི་སཱ་ཎ་ཝ་དྡྷི་ཀཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, ཨ་ཛ་ཝི་སཱ་ཎ་ཝ་དྡྷི་ཀཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, ཝི་ཙྪི་ཀཱ་ལི༹་ཀཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, མོ་ར་པི་ཉྪ པ་རི་སི་བྦི་ཏཱ ཨུ་པཱ་ཧ་ནཱ་ཡོ དྷཱ་རེ་སུཾ, ཙི་ཏྲཱ ཨུ་པཱ་ཧ་ནཱ་ཡོ་པི དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཊྛ་པཱ་དུ་ཀཱ་ཡོ ཨཱ་ཝུ་སོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཚ་བྦ་གྒཱི་ཡེ་ཝ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ར་ཏྟི་ཡཱ པ་ཙྩཱུ་ས་ས་མ་ཡཾ པ་ཙྩུ་ཊྛཱ་ཡ ཀ་ཊྛ་པཱ་དུ་ཀཱ་ཡོ ཨ་བྷི་རུ་ཧི་ཏྭཱ ཨ་ཛ྄ཛྷོ་ཀཱ་སེ ཙ་ངྐ་མ་ནྟི ཨུ་ཙྩཱ་ས་དྡཱ མ་ཧཱ་ས་དྡཱ ཁ་ཊ་ཁ་ཊ་ས་དྡཱ ཨ་ནེ་ཀ་ཝི་ཧི་ཏཾ ཏི་ར་ཙྪཱ་ན་ཀ་ཐཾ ཀ་ཐེ་ནྟཱ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཡཱ་ནེ་ན ཨཱ་ཝུ་སོ ཡཱ་ཡ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཡཱ་ནེ་ན ཡཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – གི་ལཱ་ན་སྶ ཨཱ་ཝུ་སོ ཡཱ་ནཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ གི་ལཱ་ནཾ བྷི་ཀྑུཾ ཨཱ་ར་བྦྷ ཨ་ནུ་ཉྙཱ་ཏཾ, ཨ་ཉྙ་ཏ་རོ བྷ་ནྟེ བྷི་ཀྑུ ཀོ་ས་ལེ་སུ ཛ་ན་པ་དེ སཱ་ཝ་ཏྠིཾ ག་ཙྪ་ནྟོ བྷ་ག་ཝ་ནྟཾ ད་སྶ་ནཱ་ཡ ཨ་ནྟ་རཱ་མ་གྒེ གི་ལཱ་ནོ ཀུ་ཀྐུ་ཙྩཱ་ཡ་ནྟོ ཡཱ་ནཾ ནཱ་བྷི་རུ་ཧི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཨུ་ཙྩཱ་ས་ཡ་ན་མ་ཧཱ་ས་ཡ་ནཱ་ནི ཨཱ་ཝུ་སོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ཨུ་ཙྩཱ་ས་ཡ་ན་མ་ཧཱ་ས་ཡ་ནཱ་ནི དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – གོ་ཙ་མྨཱ་ནི ཨཱ་ཝུ་སོ དྷཱ་རེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ པཱ་པ་བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ པཱ་ཎཱ་ཏི་པཱ་ཏེ ས་མཱ་ད་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – པ་ཙྩ་ནྟི་མེ་སུ ཨཱ་ཝུ་སོ ཛ་ན་པ་དེ་སུ ཝི་ན་ཡ་དྷ་ར་པ་ཉྩ་མེ་ན ག་ཎེ་ན ཨུ་པ་ས་མྤ་དཱ ཙ གུ་ཎ་ངྒུ་ཎཱུ་པ་ཧ་ན་ཉྩ དྷུ་ཝ་ན་ཧཱ་ན་ཉྩ ཙ་མྨཱ་ནི ཨ་ཏྠ་ར་ཎཱ་ནི ཙ ནི་སྶཱི་མ་ག་ཏཱ་ནཾ ཙཱི་ཝ་ར་དཱ་ན་ཉྩཱ་ཏི ཨི་མཱ་ནི པ་ཉྩ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨཱ་ཡ་སྨ་ནྟཾ སོ་ཎཾ ཀུ་ཊི་ཀ་ཎྞཾ ཨཱ་ར་བྦྷ ཨ་ནུ་ཉྙཱ་ཏཱ, ཨཱ་ཡ་སྨཱ བྷ་ནྟེ སོ་ཎོ ཀུ་ཊི་ཀ་ཎྞོ ཨེ་ཏཱ་ནི པ་ཉྩ་ཝ་ཏྠཱུ་ནི ཨཱ་ཡ་སྨ་ཏོ མ་ཧཱ་ཀ་ཙྩཱ་ན་སྶ ཝ་ཙ་ནེ་ན བྷ་ག་ཝ་ནྟཾ ཡཱ་ཙི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.
པུ་ཙྪཱ – ཙ་མྨ་ས་ཉྙུ་ཏྟཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – ཙ་མྨ་ས་ཉྙུ་ཏྟཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཏི་སྶོ ཨཱ་པ་ཏྟི་ཡོ.