༦. བྷེ་ས་ཛྫ་ཀྑ་ནྡྷ་ཀ
པུ་ཙྪཱ – པ་ཉྩ ཨཱ་ཝུ་སོ བྷེ་ས་ཛྫཱ་ནི པ་ཊི་གྒ་ཧེ་ཏྭཱ ཀཱ་ལེ་པི ཝི་ཀཱ་ལེ་པི པ་རི་བྷུ་ཉྫི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ་ནཾ བྷ་ནྟེ བྷི་ཀྑཱུ་ནཾ སཱ་ར་དི་ཀེ་ན ཨཱ་བཱ་དྷེ་ན པུ་ཊྛཱ་ནཾ ཡཱ་གུ་པི ན ས་མྨཱ པ་རི་ཎཱ་མཾ ག་ཙྪི, བྷ་ཏྟ་མྤི བྷུ་ཏྟཾ ན ས་མྨཱ པ་རི་ཎཱ་མཾ ག་ཙྪི, ཏེ ཏེ་ན ཀི་སཱ ཨ་ཧེ་སུཾ ལཱུ་ཁཱ དུ་བྦ་ཎྞཱ ཨུ་པྤ་ཎྜུ་པྤ་ཎྜུ་ཀ་ཛཱ་ཏཱ དྷ་མ་ནི་ས་ནྠ་ཏ་ག་ཏྟཱ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – མཱུ་ལཱ་དི་བྷེ་ས་ཛྫཱ་ནི ཨཱ་ཝུ་སོ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ གི་ལཱ་ནེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ་ནི, ས་མྦ་ཧུ་ལཱ་ནཾ གི་ལཱ་ནཱ་ནཾ བྷི་ཀྑཱུ་ནཾ མཱུ་ལེ་ཧི བྷེ་ས་ཛྫེ་ཧི ཨ་ཏྠོ ཨ་ཧོ་སི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
པུ་ཙྪཱ – ཨ་ནྟོ་ཝུ་ཊྛཾ་ཝཱ ཨཱ་ཝུ་སོ ཨ་ནྟོ་པ་ཀྐཾ ཝཱ སཱ་མཾ་པ་ཀྐཾ ཝཱ པ་རི་བྷུ་ཉྫ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ཨཱ་ཡ་སྨ་ནྟཾ ཨཱ་ན་ནྡཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཨཱ་ན་ནྡོ སཱ་མཾ ཏི་ལ་མྤི ཏ་ཎྜུ་ལ་མྤི མུ་གྒ་མྤི ཝི་ཉྙཱ་པེ་ཏྭཱ ཨ་ནྟོ ཝཱ་སེ་ཏྭཱ ཨ་ནྟོ སཱ་མཾ པ་ཙི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
སུ་པྤི་ཡཱ ཝ་ཏྠུ
པུ་ཙྪཱ – མ་ནུ་སྶ་མཾ་སཾ ཨཱ་ཝུ་སོ པ་རི་བྷུ་ཉྫ་ནྟ་སྶ ཐུ་ལླ་ཙྩ་ཡ་ཉྩ ཨ་པྤ་ཊི་ཝེ་ཀྑི་ཏྭཱ མཾ་སཾ པ་རི་བྷུ་ཉྫ་ནྟ་སྶ དུ་ཀྐ་ཊ་ཉྩ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – བཱ་རཱ་ཎ་སི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ བྷི་ཀྑུ ཨ་པྤ་ཊི་ཝེ་ཀྑི་ཏྭཱ མ་ནུ་སྶ་མཾ་སཾ བྷུ་ཉྫི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
ན བྷི་ཀྑ་ཝེ མ་ནུ་སྶ་མཾ་སཾ པ་རི་བྷུ་ཉྫི་ཏ་བྦཾ, ཡོ པ་རི་བྷུ་ཉྫེ་ཡྻ, ཨཱ་པ་ཏྟི ཐུ་ལླ་ཙྩ་ཡ་སྶ, ན ཙ བྷི་ཀྑ་ཝེ ཨ་པྤ་ཊི་ཝེ་ཀྑི་ཏྭཱ མཾ་སཾ པ་རི་བྷུ་ཉྫི་ཏ་བྦཾ, ཡོ པ་རི་བྷུ་ཉྫེ་ཡྻ ཨཱ་པ་ཏྟི དུ་ཀྐ་ཊ་སྶ.
པུ་ཙྪཱ – ཧ་ཏྠི་མཾ་སཾ ཝཱ ཨཱ་ཝུ་སོ ཨ་སྶ་མཾ་སཾ ཝཱ པ་རི་བྷུ་ཉྫ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – བཱ་རཱ་ཎ་སི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཧ་ཏྠི་མཾ་ས་མྤི ཨ་སྶ་མཾ་ས་མྤི པ་རི་བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – སུ་ན་ཀྑ་མཾ་སཾ ཝཱ ཨཱ་ཝུ་སོ ཨ་ཧི་མཾ་སཾ ཝཱ བྷུ་ཉྫ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – བཱ་རཱ་ཎ་སི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ སུ་ན་ཀྑ་མཾ་ས་མྤི ཨ་ཧི་མཾ་ས་མྤི པ་རི་བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – སཱི་ཧ་མཾ་སཾ ཝཱ ཨཱ་ཝུ་སོ བྱ་གྒྷ་མཾ་སཾ ཝཱ དཱི་པི་མཾ་སཾ ཝཱ ཨ་ཙྪ་མཾ་སཾ ཝཱ ཏ་ར་ཙྪ་མཾ་སཾ ཝཱ བྷུ་ཉྫ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – བཱ་རཱ་ཎ་སི་ཡཾ་ཡེ་ཝ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ སཱི་ཧ་མཾ་ས་མྤི བྱ་གྒྷ་མཾ་ས་མྤི དཱི་པི་མཾ་ས་མྤི ཨ་ཙྪ་མཾ་ས་མྤི ཏ་ར་ཙྪ་མཾ་ས་མྤི པ་རི་བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – གི་ལཱ་ན་སྶ ཨཱ་ཝུ་སོ གུ་ལ༹ཾ ཝཱ ཨ་གི་ལཱ་ན་སྶ གུ་ལོ༹་ད་ཀཾ ཝཱ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ གི་ལཱ་ན་སྶེ་ཝ བྷ་ག་ཝ་ཏཱ གུ་ལོ༹ ཨ་ནུ་ཉྙཱ་ཏོ ནོ ཨ་གི་ལཱ་ན་སྶཱ་ཏི ཀུ་ཀྐུ་ཙྩཱ་ཡ་ནྟཱ གུ་ལ༹ཾ ན བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཛཱ་ནཾ ཨཱ་ཝུ་སོ ཨུ་དྡི་སྶ ཀ་ཏཾ མཾ་སཾ པ་རི་བྷུ་ཉྫ་ནྟ་སྶ དུ་ཀྐ་ཊཾ པ་ཉྙ་པེ་ཏྭཱ ཏི་ཀོ་ཊི་པ་རི་སུ་དྡྷཾ མཾ་སཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ སཱི་ཧ་སྶ སེ་ཊཱ་པ་ཏི་ནོ ཝ་ཏྠུ་སྨིཾ ཨ་ནུ་ཉྙཱ་ཏཾ.
མེ་ཎྜ་ཀ ཝ་ཏྠུ
པུ་ཙྪཱ – པཱ་ཐེ་ཡྻཾ ཨཱ་ཝུ་སོ པ་རི་ཡེ་སི་ཏུ་ཉྩ ཀ་པྤི་ཡ་ཀཱ་ར་ཀཱ་ནཾ ཧ་ཏྠེ ཨུ་པ་ནི་ཀྑི་ཏྟ་ཧི་ར་ཉྙ་ཏོ ནི་བྦ་ཏྟཾ ཀ་པྤི་ཡ་པ་ཙྩ་ཡཾ སཱ་དི་ཏུ་ཉྩ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཨ་ནྟ་རཱ ཙ བྷ་ནྟེ བྷ་དྡི་ཡཾ ཨ་ནྟ་རཱ ཙ ཨ་ངྒུ་ཏྟ་རཱ་པཾ མེ་ཎྜ་ཀཾ ག་ཧ་པ་ཏིཾ ཨཱ་ར་བྦྷ ཨ་ནུ་ཉྙཱ་ཏཾ, མེ་ཎྜ་ཀོ བྷ་ནྟེ ག་ཧ་པ་ཏི བྷ་ག་ཝ་ནྟཾ ཡཱ་ཙི ‘‘ས་ནྟི བྷ་ནྟེ མ་གྒཱ ཀ་ནྟཱ་རཱ ཨ་པྤོ་ད་ཀཱ ཨ་པྤ་བྷ་ཀྑཱ ན སུ་ཀ་རཱ ཨ་པཱ་ཐེ་ཡྻེ་ན ག་ནྟུཾ, སཱ་དྷུ བྷ་ནྟེ བྷ་ག་ཝཱ བྷི་ཀྑཱུ་ནཾ པཱ་ཐེ་ཡྻཾ ཨ་ནུ་ཛཱ་ནཱ་ཏཱུ’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཀེ་ཎི་ཡ ཝ་ཏྠུ
པུ་ཙྪཱ – ཨ་ཊྛ ཨཱ་ཝུ་སོ པཱ་ནཱ་ནི བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
ཝི་སྶ་ཛྫ་ནཱ – ཨཱ་པ་ཎེ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཱ་ནི, ས་མྦ་ཧུ་ལཱ བྷ་ནྟེ བྷི་ཀྑཱུ ཀུ་ཀྐུ་ཙྩཱ་ཡ་ནྟཱ པཱ་ནཱ་ནི ན པ་ཊི་གྒ་ཎྷིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ་ནི.
རོ་ཛ་མ་ལླཱ ཝ་ཏྠུ
པུ་ཙྪཱ – ས་བྦ་ཉྩ ཨཱ་ཝུ་སོ ཌཱ་ཀཾ ས་བྦ་ཉྩ པི་ཊྛ་ཁཱ་ད་ནཱི་ཡཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – ཀུ་སི་ནཱ་རཱ་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཀུ་ཀྐུ་ཙྩཱ་ཡ་ནྟཱ ཌཱ་ཀ་ཉྩ པི་ཊྛ་ཁཱ་ད་ནཱི་ཡ་ཉྩ ན པ་ཊི་གྒ་ཧེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཨ་ཀ་པྤི་ཡཾ ཨཱ་ཝུ་སོ ས་མཱ་ད་པེ་ནྟ་སྶ དུ་ཀྐ་ཊཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨཱ་ཏུ་མཱ་ཡཾ བྷ་ནྟེ ཨ་ཉྙ་ཏ་རཾ ཝུ་ཌྜྷ་པ་བྦ་ཛི་ཏཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ ཝུ་ཌྜྷ་པ་བྦ་ཛི་ཏོ ཨ་ཀ་པྤི་ཡེ ས་མཱ་ད་པེ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ས་ངྒྷི་ཀཱ་ནི ཝཱ ཨཱ་ཝུ་སོ པུ་གྒ་ལི་ཀཱ་ནི ཝཱ བཱི་ཛཱ་ནི པུ་གྒ་ལི་ཀཱ་ཡ ཝཱ ས་ངྒྷི་ཀཱ་ཡ ཝཱ བྷཱུ་མི་ཡཱ རོ་པི་ཏཱ་ནི བྷཱ་གཾ ད་ཏྭཱ པ་རི་བྷུ་ཉྫི་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ནུ་ཉྙཱ་ཏཾ, སཱ་ཝ་ཏྠི་ཡཾ བྷ་ནྟེ བྷ་ག་ཝ་ཏི ཝི་ཧ་ར་ཏི ས་ངྒྷི་ཀཱ་ནི་པི བཱི་ཛཱ་ནི པུ་གྒ་ལི་ཀཱ་ཡ བྷཱུ་མི་ཡཱ རོ་པི་ཡིཾ་སུ, པུ་གྒ་ལི་ཀཱ་ནི་པི བཱི་ཛཱ་ནི ས་ངྒྷི་ཀཱ་ཡ བྷཱུ་མི་ཡཱ རོ་པི་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.
པུ་ཙྪཱ – ཝི་ན་ཡ་མ་ཧཱ་པ་དེ་ས་ས་ངྑཱ་ཏཱ་ནི ཨཱ་ཝུ་སོ ཙ་ཏྟཱ་རི ཀ་པྤི་ཡཱ་ཀ་པྤི་ཡ་ཨ་ནུ་ལོ་མཱ་ནི བྷ་ག་ཝ་ཏཱ ཀ་ཏྠ པ་ཉྙ་ཏྟཱ་ནི, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཱ་ནི.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཱ་ནི, ས་མྦ་ཧུ་ལཱ་ནཾ བྷ་ནྟེ བྷི་ཀྑཱུ་ནཾ ཀི་སྨི་ཉྩི ཀི་སྨི་ཉྩི་ཋཱ་ནེ ཀུ་ཀྐུ་ཙྩཾ ཨུ་པྤ་ཛྫི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཱ་ནི.
པུ་ཙྪཱ – ཡཱ་ཝ་ཀཱ་ལི་ཀཱ་དཱི་ཧི སཾ་ས་ཊྛཱ་ནཾ ཨཱ་ཝུ་སོ ཡཱ་མ་ཀཱ་ལི་ཀཱ་དཱི་ནཾ པ་རི་བྷོ་ག་ཀཱ་ལ་མ་རི་ཡཱ་དཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ་ནཾ བྷ་ནྟེ བྷི་ཀྑཱུ་ནཾ ཨེ་ཏ་ད་ཧོ་སི ‘‘ཀ་པྤ་ཏི ནུ་ཁོ ཡཱ་ཝ་ཀཱ་ལི་ཀེ་ན ཡཱ་མ་ཀཱ་ལི་ཀཾ ས་ཏྟཱ་ཧ་ཀཱ་ལི་ཀཾ ཡཱ་ཝ་ཛཱི་ཝི་ཀཾ, ན ནུ་ཁོ ཀ་པྤ་ཏི. ཀ་པྤ་ཏི་ནུ་ཁོ ཡཱ་མ་ཀཱ་ལི་ཀེ་ན ས་ཏྟཱ་ཧ་ཀཱ་ལི་ཀཾ ཡཱ་ཝ་ཛཱི་ཝི་ཀཾ, ན ནུ་ཁོ ཀ་པྤ་ཏི. ཀ་པྤ་ཏི ནུ་ཁོ ས་ཏྟཱ་ཧ་ཀཱ་ལི་ཀེ་ན ཡཱ་ཝ་ཛཱི་ཝི་ཀཾ, ན ནུ་ཁོ ཀ་པྤ་ཏཱི’’ཏི. ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བྷེ་ས་ཛྫ་ཀཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.
ཝི་སྶ་ཛྫ་ནཱ – བྷེ་ས་ཛྫ་ཀཾ ཝི་སྶ་ཛྫི་སྶཾ ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཏི་སྶོ ཨཱ་པ་ཏྟི་ཡོ.