༤. པ་ཝཱ་ར་ཎཱ་ཀྑ་ནྡྷ་ཀ

པུ་ཙྪཱ – ཝ་སྶཾ ཝུ་ཊྛཱ་ནཾ ཨཱ་ཝུ་སོ བྷི་ཀྑཱུ་ནཾ ཏཱི་ཧི ཋཱ་ནེ་ཧི པ་ཝཱ་རི་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ ས་ནྡི་ཊྛཱ ས་མྦྷ་ཏྟཱ ཨ་ནྟོ་ཝ་སྶཾ ནེ་ཝ ཨཱ་ལ་པིཾ་སུ ན ས་ལླ་པིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.

ཨ་ནུ་ཛཱ་ནཱ་མི བྷི་ཀྑ་ཝེ ཝ་སྶཾ ཝུ་ཊྛཱ་ནཾ བྷི་ཀྑཱུ་ནཾ ཏཱི་ཧི ཋཱ་ནེ་ཧི པ་ཝཱ་རེ་ཏུཾ, དི་ཊྛེ་ཝ ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ.

པུ་ཙྪཱ – ཀ་ཏི ཨཱ་ཝུ་སོ པ་ཝཱ་ར་ཎཱ དི་ཝ་ས་ཝ་སེ་ན ཙ པུ་གྒ་ལ་ཝ་སེ་ན ཙ ཀཱ་ཏ་བྦཱ་ཀཱ་ར་ཝ་སེ་ན ཙ.

ཝི་སྶ་ཛྫ་ནཱ – དི་ཝ་ས་ཝ་སེ་ན བྷ་ནྟེ ཏི་སྶོ པ་ཝཱ་ར་ཎཱ, ཏ་ཐཱ པུ་གྒ་ལ་ཝ་སེ་ན ཀཱ་ཏ་བྦཱ་ཀཱ་ར་ཝ་སེ་ན་ཙ.

པུ་ཙྪཱ – ཀ་ཏཱི་ནཾ ཨཱ་ཝུ་སོ ས་ངྒྷེ པ་ཝཱ་རེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ, ཀ་ཏཱི་ནཾ པ་ནཱ་ཝུ་སོ ཨ་ཉྙ་མ་ཉྙཾ པ་ཝཱ་རེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ.

ཝི་སྶ་ཛྫ་ནཱ – པ་ཉྩ་ནྣཾ བྷ་ནྟེ བྷི་ཀྑཱུ་ནཾ ས་ངྒྷེ པ་ཝཱ་རེ་ཏུཾ བྷ་ག་ཝ་ཏཱ ཨ་ནུ་ཉྙཱ་ཏཾ, ཙ་ཏུ་ནྣཾ ཝཱ བྷ་ནྟེ ཏི་ཎྞཾ ཝཱ དྭི་ནྣཾ ཝཱ ཨ་ཉྙ་མ་ཉྙཾ པ་ཝཱ་རེ་ཏུཾ ཨ་ནུ་ཉྙཱ་ཏཾ.

པུ་ཙྪཱ – ཨེ་ཀེ་ན པ་ནཱ་ཝུ་སོ ཝ་སྶཾ་ཝུ་ཊྛེ་ན བྷི་ཀྑུ་ནཱ ཀ་ཐཾ པ་ཊི་པ་ཛྫི་ཏ་བྦ་ནྟི བྷ་ག་ཝ་ཏཱ ཨ་ནུ་ཉྙཱ་ཏཾ.

ཝི་སྶ་ཛྫ་ནཱ – ཨེ་ཀེ་ན པ་ན བྷ་ནྟེ བྷི་ཀྑུ་ནཱ ‘‘ཨ་ཛྫ མེ པ་ཝཱ་ར་ཎཱ’’ཏི ཨ་དྷི་ཊྛཱ་ཏ་བྦ་ནྟི བྷ་ག་ཝ་ཏཱ ཨ་ནུ་ཉྙཱ་ཏཾ.

པུ་ཙྪཱ – པ་ཝཱ་ར་ཎཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.

ཝི་སྶ་ཛྫ་ནཱ – པ་ཝཱ་ར་ཎཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཏི་སྶོ ཨཱ་པ་ཏྟི་ཡོ.