༡. ཝ་ཏྟ

ཏ་ད་ཏྠ་སྶེ་ཝཱ་ཏི ཏ་སྶ ཀྲི་ཡ་ཏྠ་སྶ. ཡོ ཀི་རི་ཡཱ་ས་ངྑཱ་ཏོ ཨ་ཏྟོ ཏ་སྶེ་ཝ. ཨེ་ཏེ་ན ཨཱ་དྷཱ་ར་མེ་ཏཾ ཀྲི་ཡ་ཏྠ་སྶཱ་ཏི ཉཱ་པེ་ཏི. ན་ཧི་ཙྩཱ་དི་ནཱ ཏ་ད་ཏྠ་སྶེ་ཝ ཝི་སེ་ས་ནེ ཀཱ་ར་ཎ་མཱ་ཧ. སུ་ཏྟཾ་ཝི་ནཱ་ཏི་པ་རེ་སཾ་ཝི་ཡ སུ་ཏྟཾ ཝི་ནཱ. ཏཱ་པི ཝ་ཏྟ་མཱ་ནེ་ཡེ་ཝ བྷ་ཝི་སྶ་ནྟཱི་ཏི ཨི་མི་ནཱ ཝ་ཏྟུ་མི་ཊྛ་ཏྟཱ་ཏི ཨེ་ཏྠ སེ་ས་ཝ་ཙ་ན་མ་ཝ་བོ་དྷེ་ཏི. ཨེ་ཝ་ཀཱ་རེ་ནཱ (ཏི ཝ་ཏྟ་མཱ་ན་སྶེ་ཝཱ་ཏི ཨེ་ཏྠ ཨེ་ཝ་ས་དྡེ་ན.) ཏ་བྦི་ཝ་ཙྪཱ་ཏི ཝ་ཏྟ་མཱ་ན་ཝ་ཙ་ནི་ཙྪཱ.

ཏཾ་ས་མཱི་པ་སྶཱ་ཏི ཨེ་ཏྠ ཏ་ས་དྡེ་ན མ་ཧཱ་ཀ་སྶ་པ་སྶ སུ་བྷ་དྡ་ཝ་ཙ་ནཱ་ནུ་སྶ་ར་ཎ་ས་ངྑཱ་ཏོ མ་ར་ཎ་པྤ་ཏྟི་ཧེ་ཏུ དུ་ཀྑཱ་ནུ་བྷ་ཝ་ས་ངྑཱ་ཏོ ཙ ཀི་རི་ཡཱ་ཝི་སེ་སོ པ་རི་གྒ་ཧི་ཏོ, ཏེ ཝཱ ཝ་ཏྟ་མཱ་ན་ཀི་རི་ཡཱ་ཝི་སེ་སཱ་ཏི ཏེ་ས་མུ་བྷི་ནྣ་མཱ་ས་ནྣཱ་ནི ཀ་མེ་ན ཨ་དྷ་མྨ་དཱི་པ་ན་མ་ར་ཎཱ་ནི, ཏེ་ནཱ་ཧ-དཱི་པ་ན མ་ར་ཎཱ་ན་མཱ་ས་ནྣ་ཏྟཱ’ཏི. ཨེ་ཝཾ མ་ཉྙ་ཏེ ‘‘ཏ་ཀྐཱ་ལ་ཝ་ཏྟ་མཱ་ན་ཀི་རི་ཡཱ་ཝི་སེ་ས་སྶ དཱི་པ་ན་མ་ར་ཎ་ས་ངྑཱ་ཏཾ ཏཾ་ས་མཱི་པ་ཏཱ་ཝི་པི ཀི་རི་ཡ་ནྟ་རཾ ཝ་ཏྟ་མཱ་ན་གྒ་ཧ་ཎེ་ན ཏཾ་སཱ་མཱི་པྱཾ ག་ཡ྄ཧ་ཏི, ཡ་ཐཱ (ག་ངྒཱ་ས་མཱི་པོ) དེ་སོ ག་ངྒཱ་ཏི ཝུ་ཙྩ་ཏི ཏ་ཏོ ‘ག་ངྒཱ་ཡཾ གཱ་ཝོ’ཏི སི་ཡཱ’’ཏི. པུ་རེ ཨི་ཙྩཱ་དི་ནཱ པ་ཀྑ་ནྟ་རཾ ཝི་ར་ཙི་ཏཾ ཝུ་ཏྟི་ཀཱ་རེ་ན, ཏ་དུ་པ་ད་སྶེ་ཏུཾ མུ་ཁ་ཡ་ཏི ‘ས་བྷཱ་ཝ་ཏོ’ ཨི་ཙྩཱ་དི.

ཀི་རི་ཡཱ་ཀཱ་ལོ་ཏི ཝ་ཏྟ་མཱ་ན་ཀི་རི་ཡཱ་ཀཱ་ལོ. ཨ་ཝ་སི་སྶ་ཏཱི་ཏི པུ་རེ་པུ་རཱ་ས་དྡེ་ཧི དཱི་པི་ཏ་ཨ་ནཱ་ག་ཏ་ཀཱ་ལ་ཏོ ཨ་ཝ་སི་སྶ་ཏི. ཀི་རི་ཡཱ ཀཱ་ལེ་ཏི དཱི་པ་ན་མ་ར་ཎ་ཀི་རི་ཡཱ་ཀཱ་ལེ. ཏ་སྶཱ་ཏི དཱི་པ་ན་མ་ར་ཎ་སྶ. ཝ་ཏྟ་མཱ་ན་ཏྟཱ་ཏི ཨེ་ཏྠ ཝ་ཏྟ་མཱ་ནེ་ཡེ་ཝ བྷ་ཝི་སྶ་ནྟཱི་ཏི སེ་སོ. ཨ་ནེ་ནཱ་ཏི པུ་རེ་ཙྩཱ་དི་ཝུ་ཏྟི་ཝ་ཙ་ནེ་ན. པུ་རེ་པུ་རཱ་ས་དྡེ་ཧི ཨ་ནཱ་ག་ཏ་ཀཱ་ལཱ་ཝ་ག་མེ ས་ཏི དི་པྤ་ཏི མ་ར་ཏཱི་ཏི ཨེ་ཏྠ དཱི་པ་ན་མ་ར་ཎ་ཀི་རི་ཡཱ་ཀཱ་ལོ མུ་ཁྱེ ཏ་དཱ ཝ་ཏྟ་ཏཱི་ཏི་ཨཱ་ཧ- ‘མུ་ཁྱཾ ཝ་ཏྟ་མཱ་ན་ཏྟ་མཱ་ཧེ’ཏི. པུ་ན པ་ཀྑ་ནྟ་ར་མུ་པ་ནཱི་ཏཾ ཀཱ་ལེ་ཙྩཱ་དི་ནཱ ཝུ་ཏྟི་ཀཱ་རེ་ན, ཏ་མུ་པ་ད་སྶེ་ཏུཾ མུ་ཁ་མཱ་ཝ་ཏྟ་ཡ་ཏི ‘ཨ་ནཱ་ག་ཏེ’ཙྩཱ་དི.

ཝུ་ཏྟི་ཡཾ ཀཱ་ལ་བྱ་ཏྟ་ཡོ་ཏི ཀཱ་ལཱ་ཏི་ཝ་ཏྟ་ནཾ, ཝ་ཏྟ་མཱ་ན་ཀཱ་ལཱ་ཏི་ཀྐ་མེ་ན ཨ་ནཱ་ག་ཏ་ཀཱ་ལེ་པི བཱ་ཧུ་ལ་ཀཱ་ཏྱཱ་ད་ཡོ ཧོ་ནྟཱི་ཏི ཨ་དྷི་པྤཱ་ཡོ. ཏ་དེ་ཝ ས་མ་ཏྠེ་ཏི ‘བྷ་ཝ་ནྟེ་ཝ’ཨི་ཙྩཱ་དི་ནཱ. ཏྱཱ་ད་ཡོ་ཏཱི་མི་ནཱ ས་བྦེ་སཾ ཨཱ་ཁྱཱ་ཏི་ཀཱ་ནཾ ག་ཧ་ཎཾ. ལ་སྶ དཱི་གྷོ་ཏི ས་མྦ་ནྡྷོ. ག་ཙྪ་ཏཱི་ཏི ས་ཀྐ་སྶ ས་ཧ་བྷཱ་ཝཾ ག་མི་སྶ་ཏཱི་ཏི ཨ་ཏྠོ.