༩༤. ཀྭི་མྷི

ན་ནུ ཀི་མ་ཏྠ་མ་ནྟ་གྒ་ཧ་ཎཾ ཡ་ཏོ ‘‘ཀྭི་མྷི ལོ་པོ-ནྟ་བྱ་ཉྫ་ན་སྶཱ’’ཏི ཝུ་ཏྟཾ, ‘‘ཚ་ཊྛི་ཡ་ནྟ་སྶཱ’’ཏི (༡-༡༧) ཨ་ནྟ་སྶེ་ཝ ལོ་པོ སི་ཡཱ་ཏི ཙོ་ད་ནཾ མ་ན་སི ནི་དྷཱ་ཡ ཏ་གྒ་ཧ་ཎེ པ་ཡོ་ཛ་ནཾ ད་སྶེ་ནྟོ ཨཱ་ཧ- ‘ཨ་ནྟ་གྒ་ཧ་ཎ’མི་ཙྩཱ་དི. ལོ་པ་ཝི་དྷཱི་སཱུ་ཏི (ཝཱི་ཨཱ་དི་ལོ་པ་ཝི་དྷཱི་སུ, ཚ་ཊྛཱི ནི་དྡི་ཊྛ་ནྟི) ‘‘ཝཱི་མ་ནྟུ ཝ་ནྟཱུ’’ནྟི (༤-༡༣༨) ཚ་ཊྛཱི་ནི་དྡི་ཊྛཾ. བྷ་ད་ནྟ་ཝི་དྷི་ཙ་རི་ཏ་ཏྟ་བྱཱ་པཱ་རཾ [ཏ་ད་ནྟ་ཝི་དྷི་ཙི་ར་བྷེ་ད་ནཱ་ཙྩ་ན་བྱཱ་པཱ་རཾ (པོ་ཏྠ་ཀེ)] ནི་སྶཱ་ཡཱ་ཧ- ‘ཚ་ཊྛི་ཡ་ནྟ་སྶཱ’’ཏཱི བྱཱ་པཱ་རཱ’ཏི. ཨ་ནྟ་སྶཱ་ཏི ཝཱི་ཨཱ་དཱི་ན་མཱི་ཀཱ་རཱ་དི་ནོ. ཨ་ཉྙ་ཐཱ་ཏི ས་བྦཱ་པ་ཧཱ་རི་ལོ་པ་ཉྙཱ་པ་ནཱ་བྷཱ་ཝེ. ཨ་ན་ཏྠ་ཀཾ སི་ཡཱ ‘‘ཚ་ཊྛི་ཡ་ནྟ་སྶཱ’’ཏི་མ་སྶ བྱཱ་པཱ་ར་ས་མྦྷཱ་ཝཱ. ཨི་དཱ་ནི ཚ་ཊྛཱི་ནི་དྡི་ཊྛཱ་ནཾ ཝི་སེ་སེ་ན ཝ་ཏྟུ་མི་ཙྪི་ཏྟཾ ཨ་ནྟ་སྶེ་ཝ ལོ་པ་པ་ཏྟི་དོ་སཾ ད་སྶེ་ཏུ་མཱ་ཧ- ‘ཏ་ད་ནྟེ’ཙྩཱ་དི.