༡༢༨. ཨ་ཏྱཱ

ཝུ་ཏྟི་ཡཾ ཨེ་ཏ་སྨིཾ ཝི་ས་ཡེ་ཏི ཨེ་ཏྠ ཨེ་ཏ་སྨི་ནྟི ཏྱཱ་དི་ནྟ་ཝ་ཛྫི་ཏ་པ་ཙྩ་ཡ ཝི་ས་ཡེ་ཏི ཨ་ཏྠོ. ཝི་ཉྙཱ་ཡ་མཱ་ན་ཏྟཱ ཉཱ་པི་ཏོ ཧོ་ཏཱི་ཏི ག་མྱ་ཏེ. ན ཉཱ་པ་ཀ་ཏོ་ཏི ཨི་མི་ནཱ ཨི་དཾ ད་སྶེ་ཏི ‘‘ཀི་ཉྩི ཝ་ཙ་ནཱ་ནུ་སཱ་ར་ཏོ ཝི་ཉྙཱ་ཡ་མཱ་ན་ཏཱ་མ་ཏྟེ་ན ཉཱ་པཱི་ཡ་ཏེ ཀི་ཉྩི ཉཱ་པ་ཀེ་ན, ཨ་སྨི་མྤ་ཀྑེ ཝུ་ཏྟཱ་ནུ་སཱ་ར་ཏོ ཀ་ཏྠ་ཙི ཀ་སྶ་ཙི དྷཱ་ཏུ་ནོ ཨ་པྤ་ཡོ་གོ ཝི་ཉྙཱ་པཱི་ཡ་ཏཱི’’ཏི. པ་ཀྑ་ནྟ་ར་མཱ་ཧ- ‘ཉཱ་པ་ཀ་ཏྟཱ་ཡེ་ཝ ཝཱ’ཏི་ཨཱ་དི. ས་མ་ཏྠེ་ཏི ཏ་ཐཱ་ཧི་ཙྩཱ་དི་ནཱ. ཨ་ས་སྶཱ་པྤ་ཡོ་གོ་ཏི ཨ་ས་དྷཱ་ཏུ་སྶ ཀི་སྨི་ཉྩི ཏ་བྦཱ་དི་ཀེ པ་ཙྩ་ཡེ པ་རེ བྷ་ཝི་ཏ་བྦ་ནྟི་ཨཱ་དཱི་ན་མ་པྤ་ཡོ་གོ་ཏི ཨ་ཏྠོ.

ཝི་ནཱ་པི སུ་ཏྟ་ནྟི ‘‘ཨ་ཏྱཱ་དཱི’’ཏི་ཨཱ་དི་ཀཾ སུ་ཏྟཾ ཝི་ནཱ་པི. ཨེ་ཝཾ མ་ཉྙ་ཏེ ‘‘ཨ་ས་སྶ བྷཱུ་ཨཱ་དེ་སེ་ན སཱ་དྷཱི་ཡ་མཱ་ནཾ ས་བྦ་མི་ཊྛཾ བ་ཧུ་ལཱ་དྷི་ཀཱ་ར་ཏོ བྷཱུ་དྷཱ་ཏུ་ནཱ་ཝ སི་ཛ྄ཛྷ་ཏི ཝི་ནཱ་པི བྷཱུ་ཨཱ་དེ་ས་སུ་ཏྟ་ནྟ་ར་ནྟི ཀ་ཏྠ་ཙི ཀ་སྶ་ཙི ཨ་པྤ་ཡོ་ག་སྶ ཉཱ་པ་ཀ་ཏྟ་མྤི་སྶ ཡུ་ཛྫ་ཏི ཨ་ཉྙ་ཏྠ ཀ་རཱི་ཡ་མཱ་ན་མི་ཧཱ་པི ཨ་ཏྠ་ཝ་ནྟཾ སི་ཡཱ’’ཏི.

ཡེ་ཏི དྷཱ་ཏུ་པྤ་ཡོ་གཱ ཡ་སྨི་ནྟི ཝི་ས་ཡེ, པཱ་ཏི་སྶཱ་ཏི ‘པཱ-ར་ཀྑ་ཎེ’ཏཱི་མ་སྶ, ན་པྤ་ཡོ་གོ པཱ་ཡ་ཡ་ཏི པཱ་ཡ་ཡི་ཏ་བྦ་ནྟི་ཨཱ་དི་པྤ་ཡོ་གོ ན ཧོ་ཏཱི་ཏི. ཨེ་ཝ་མུ་པ་རི་པི ཡ་ཐཱ་ཡོ་གཾ ཉེ་ཡྻཾ. བྲཱུ་སྶཱ་ཏི ‘བྲཱུ=ཝ་ཙ་ནེ’ཨི་ཙྩ་སྶ. ཨ་དི་སྶཱ་ཏི ‘ཨ་ད-བྷ་ཀྑ་ཎེ’ཨི་ཙྩ་སྶ. ཨཱི་ཨཱ་དཱི་ཏི བྷཱུ་ཏེ ཨཱི་ཨཱ་དི. ཨེ་ཏི་སྶ ཙ ཨཱི་ཨཱ་དཱི་སཱུ་ཏི ས་མྦ་ནྡྷོ.

ཨ་ཝ་བོ་དྷེ ཨེ་ཏི་སྶ ཎི་སེ་སུ ཙ ཨཱི་ཨཱ་དཱི་སུ ཙ, ཨ་ཛ྄ཛྷེ་ནེ ཨེ་ཏི་སྶ པ་རོ་ཀྑཱ་སུ ཙ ཎི་སེ་སུ ཙ ཨཱི་ཨཱ་དཱི་སུ་ཙཱ་ཏི ཡོ་ཛེ་ཏ་བྦཾ. ས་བྦ་ཏྠ ན་པྤ་ཡོ་གོ་ཏི ཡོ་ཛེ་ཏྭཱ ཨ་ཏྠོ ཝེ་དི་ཏ་བྦོ. བ་ཧུ་ལཾ་ཝི་དྷཱ་ན་ཏོ ཉཱ་ཏ་བྦཱ་ཏི ཡོ་ཛ་ནཱ. ཡ་ཀྭི་ཀ་ར་ཎེ་ན ནི་དྡེ་སཱ ‘ཨ་ས-ཀྑེ་པ་ནེ་ཏཱི མ་སྶཱ’ཏི ཝུ་ཏྟཾ, ཏ་དཱ་ཧ- ‘ཨ་ས་སྶཱ’ཏི་ཨཱ་དི.