༦༩. ཛ་ནཱ

‘‘ཏ་ད་སྶ་ཊྛཱ་ན་མཱི་ཡོ ཙཱ’’ཏི (༢-༨-༡༣) ཀ་ཙྩཱ་ཡ་ན་སུ་ཏྟ་སྶཱ་ཡ མ་ཏྠོ ‘‘ཏ་ད་སྶ་ཊྛཱ་ན་མི་ཙྩེ་ཏ་སྨིཾ ཨ་ཏྠེ ཚ་ཊྛི་ཡ་ནྟ་ཏོ ཨཱི་ཡ་པྤ་ཙྩ་ཡོ ཧོ་ཏཱི’ཏི. ཏེ་ན མ་ད་ན་སྶ ཋཱ་ནཾ མ་ད་ནཱི་ཡཾ བ་ནྡྷ་ན་སྶ ཋཱ་ནཾ བ་ནྡྷ་ནཱི་ཡཾ་ཏྱཱ་དི་ཀཾ སཱ་དྷེ་ནྟི. ཨི་དྷ པ་ན ཏ་ཐཱ་ཝི་དྷ་སྶཱ་བྷཱ་ཝཱ ཀ་ཐཾ ཏཾ སི་ཛ྄ཛྷ་ཏཱི་ཏྱཱ་ས་ངྐི་ཡ ‘མ་ད་ནཱི་ཡ’ནྟི་ཨཱ་དི་ཀཾ ཝུ་ཏྟཾ, ཏཾ ད་སྶེ་ཏུ་མཱ་ཧ- ‘མ་ད་ནཱི་ཡཱ་དི་པྤ་སི་དྡྷི་ཡཱ’ཙྩཱ་དི. སཱ་དྷ་ན་ཀྐ་མཾ ད་སྶེ་ཏུ་མཱ་ཧ- ‘ཨེ་ཝ་མ་ཉྙ་ཏེ’ཙྩཱ་དི.

ཋཱ་ན་ནྟི ཀཱ་ར་ཎཾ. ‘‘ཨུ་པ་མ་ཏྠཱ་ཡི་ཏ་ཏྟ’’ནྟི (༢-༨-༡༤) ཀ་ཙྩཱ་ཡ་ན་སུ་ཏྟ་སྶཱ་ཡ་མ་ཏྠོ ‘‘ཨུ་པ་མ་ཏྠེ ཨཱ་ཡི་ཏ་ཏྟ་པྤ་ཙྩ་ཡོ ཧོ་ཏཱི’’ཏི ཏེ་ན དྷཱུ་མོ ཝི་ཡ དི་སྶ་ཏཱི་ཏི དྷཱུ་མཱ་ཡི་ཏ་ཏྟཾ ཏི་མི་ར་མི་ཝ དི་སྶ་ཏཱི་ཏི ཏི་མི་རཱ་ཡི་ཏ་ཏྟཾ་ཏྱཱ་དི་ཀཾ སཱ་དྷེ་ནྟཱི་ཏི ཝུ་ཏྟ་ན་ཡ་མེ་ཝ. ཏ་མྤི་ཧ་ཙྩཱ་དི་ཀཾ དྭཱི་སུ སཱ་དྷ་ན་ཀྐ་མ་ད་སྶ་ནཾ, དྷཱུ་མོ ཝི་ཡ དི་སྶ་ཏཱི་ཏི ད་སྶི་ཏོ ཡོ ཀ་མྨ་ཏྠོ སོ་པི དྷཱུ་མཱ་ཡཱི་ཏི ཀ་ཏྟུ་ཝ་སེ་ན ས་ཀྐཱ པ་རི་ཀ་པྤེ་ཏུ་ནྟི ཀ་ཏྟུ་སཱ་དྷ་ན་ཏོ དྷཱུ་མཱ་ཡི་ཏ་ས་དྡཱ ས་ཀ་ཏྠེ་ཏྟ་པྤ་ཙྩ་ཡེ་པི དྷཱུ་མོ ཝི་ཡ དི་སྶ་ཏཱི་ཏི ཨ་ཏྠེ ཨཱ་ཡི་ཏ་ཏྠ་པྤ་ཙྩ་ཡེ་པི ནཱ་ཏྠ་བྷེ་དོ-ཉྙ་ཏྲ་ཝ་ཙ་ནི་ཙྪཱ་བྷེ་དཱ་ཏི ད་ཊྛ་བྦཾ, བྷཱ་ཝ་ཏྠོ པ་ན ཏེ་སཾ བྷཱ་ཝ་པྤ་དྷཱ་ན་ཝ་སེ་ན ལ་བྦྷ་ཏི, དྷཱུ་མ་སྶེ་ཝ ད་སྶ་ན་ནྟི ཝི་གྒ་ཧེ ཨཱ་ཡི་ཏ་ཏྟེ་ན ཝཱ.