༢. ཝ་ཙྪཱ

ཝ་ཙྪ་ཀ་ཙྩཱ་དི་ནཱ ཀ་ཙྩཱ་དི་ག་ཎཾ ད་སྶེ་ཏྭཱ ཏ་སྶ ཝི་བྷཱ་གེ་ན ནི་པྥ་ཏྟིཾ ད་སྶེ་ཏུཾ ‘ཝ་ཙྪཱ་དཱི་ཧཱི’ཏི་ཨཱ་དི་མཱ་ཧ. ‘‘ཀ་ཎྷོ བྲཱ་ཧྨ་ཎེ’’ཏི ག་ཎ་སུ་ཏྟཾ. ཏ་ཏྠ ཀ་ཎྷ་ས་དྡོ བྲཱ་ཧྨ་ཎེ ཝ་ཏྟ་མཱ་ནོ ཎཱ་ན་ཎཱ་ཡ ན་པྤ་ཙྩ་ཡེ ཨུ་པྤཱ་ད་ཡ་ཏཱི་ཏི ཨ་ཏྠོ. ཨེ་ཝ་མཱ་དཱི་ཧི་ཙྩཱ་དི་ནཱ ཨཱ་ཀ་ཏི་ག་ཎ་ཏྟ་མ་སྶ ད་སྶེ་ཏི. ‘‘ཀ་ཏཱ་ཎི་ཡོ་ཝེ’’ཏི ག་ཎ་སུ་ཏྟཾ, དི་ཙྩཱ་དཱི་སཱུ་ཏི ཡ་ཏོ་ཎྱོ དི་སྶ་ཏི ‘‘ཎྱ དི་ཙྩཱ་དཱི་ཧཱི’’ཏི (༤-༤), ཏེ དི་ཙྩཱ་ད་ཡོ, ཏེ་སུ པཱ་ཋཱ་ཏི ཏཾ་སུ་ཏྟ་པྤ་དེ་སེ ‘‘ཀ་ཏཱ ཎི་ཡོ་ཝེ’’ཏི པཱ་ཋཱ་བྷཱ་ཝེ་པི དི་ཙྩཱ དཱི་ན་མཱ་ཀ་ཏི་ག་ཎ་ཏྟཱ པ་ཋི་ཏ་མེ་ཝ ནཱ་མ ཏ་ནྟི ཝུ་ཏྟཾ.

ཎྱེ་ཏི ཎྱ་པྤ་ཙྩ་ཡེ ཀ་ཏེ. གོ་ཏྟཱ་དི་ས་དྡཱ་ཏི གོ་ཏྟེ ཝཾ་སེ ཨཱ་དི་བྷཱུ་ཏཱ ས་དྡཱ. ཝཾ་སོ་ཏི ཨ་ནྭ་ཡོ. སོ་ཡེ་ཝ གཱ་ཝཾ ས་ཛཱ་ཏི སཱ་དྷཱ་ར་ཎཾ ཝི་ཛཱ་ཏི་ཝི་ནི་ཝ་ཏྟ་ནཾ ས་ཀ་ཊཱ་དི་ཝ་ཙ་ནཾ ཏཱ་ཡ་ཏཱི་ཏི གོ་ཏྟ་ནྟི ཝུ་ཏྟཾ, ཏེ་ནཱ་ཧ-‘གོ་ཏྟཾ ཝཾ་སོ’ཏི. ཏ་སྶཱ་ཏི གོ་ཏྟ་སྶ, ཏ་སྶཱ་ད་ཡོ གོ་ཏྟཱ་ད་ཡོ་ཏི སེ་སོ. ཀེ་ཏེ གོ་ཏྟཱ་ད་ཡོ་ཙྩཱ་ཧ- ‘ས་ཉྙཱ་ཀཱ་རི་ནོ’ཙྩཱ་དི. ཝ་ཙྪཱ་ད་ཡོ ན་ཏྟཱ་དི་ནོ ཨ་པ་ཙྩ་སྶ ཨ་པ་ཙྩཾ ཏ་ད་པ་ཙྩཱ་དི ཙཱ་ཏི ད་སྶེ་ཏུ་མཱ་ཧ-‘ན་ཏྟཱ་དི་ནོ’ཙྩཱ་དི.