༢༠. ཉ་ཀཱ

ཨཱ་དྱ་ནྟཱ་ཏི ཝུ་ཏྟེ ཀ་ཐ་མ་ཝ་ཡ་ཝཱ་ཏྱ་ཡ་མ་ཏྠོ ལ་བྦྷ་ཏཱི ཏྱཱ་ཧ-‘ཨཱ་དྱ་ནྟ་ས་དྡཱ་ན་མི’ཙྩཱ་དི, ཨཱ་དྱ་ནྟ་ས་དྡཱ་ནཾ ནི་ཡ་ཏ་ཝ་ཡ་ཝ་ཝཱ་ཙི་ཏྟཱ ཨ་ཝ་ཡ་ཝ་སྶ ཙཱ་ཝ་ཡ་ཝི་ནཱ་མ་ནྟ་རེ་ནཱ ས་མྦྷ་ཝ་ཏོ སཱ་མ་ཏྠི་ཡཱ་ཝ་ཡ་ཝཱི ལ་ཀྑཱི་ཡ་ཏི, ཚ་ཊྛི་ཡཱ་ཏྱ་ནུ་ཝུ་ཏྟི་ཏོ ཝཱ་ཝ་ཡ་ཝཱ་ཝ་ཡ་ཝི་ས་མྦ་ནྡྷེ་སཱ ཚ་ཊྛཱི, ཏཱ་ཡ ནི་དྡི་ཊྛ་སྶཱ་ཏྱ་ཡ་མ་ཏྠོ ཝི་ཉྙཱ་ཡ་ཏེ་ཏི ཝུ་ཏྟི་ཡཾ-‘ཚ་ཊྛཱི་ནི་དྡི་ཊྛ་སྶཱ’ཏི (ཝུ་ཏྟཾ), ཏེ་ནེ་ཝ པ་ཙྩ་ཡ་ཝི་དྷི་མྷི ཀཱུ་པྤ་ཙྩ་ཡཱ་ད་ཡོ ན དོ་སཱ བྷ་ཝ་ནྟཱི་ཏི, ཨ་ཏོ་ཡེ་ཝཱ་ཏི ཏ་ད་ཝ་ཡ་ཝཱ་ཙི་ཏྟ་ཏོ་ཡེ་ཝ, ཏ་གྒ་ཧ་ཎེ་ནེ་ཏི ཨ་ཝ་ཡ་ཝ་གྒ་ཧ་ཎེ་ན, ཀ་ཏཱ་ཀ་ཏ་པྤ་ས་ངྒི་ཏྟཱ་ཏི ཨོ་ཏྟེ ཀ་ཏེ་པི ཨ་ཀ་ཏེ་པི ཝུ་ཀཱ་ག་མ་སྶ པ་ས་ངྒ་ཏོ, བྷཱུ་ཡ་ཏྟ་ཏྟཱ ཧི ཨོ་ཏྟ་སྶ བྷཱུ་གྒ་ཧ་ཎེ ས་ཏི ཀ་ཏེ་པི ཨོ་ཏྟེ ཝུ་ཀཱ་ག་མེ་ན བྷ་ཝི་ཏ་བྦ་མ་ཀ་ཏེ་པི ཏ་ཏོ་ཝ ‘‘ཀ་ཏཱ་ཀ་ཏ་པྤ ས་ངྒཱི ཡོ ཝི་དྷི ས་ནི་ཙྩོ’’ཏི ནི་ཙྩ་ཏྟཱ ཨོ་ཏྟཾ བཱ་དྷི་ཏྭཱ ཝུ་ཀཱ་ག་མོ ཧོ་ཏི, ཨ་ཐ ཝུ་ཀཱ་ག་མེ པ་ཙྪཱ ཏེ་ན ན བྷ་ཝི་ཏ་བྦ་ནྟི ཨཱ་ཧ-‘ཨ་ནྟཱ་ཝ་ཡ་ཝེ’ཙྩཱ་དི.