༡༧. ཚ་ཊྛཱི

ཀོ་ཏྠོ་ནྟ ས་དྡ་སྶེ་ཙྩཱ་ཧ-‘ཨ་ནྟོ་ཝ་སཱ་ན’མི་ཙྩཱ་དི, ‘‘ཝ་ཎྞ་སྶ་ནྟ་སྶ’’ཏི (༡-༡-༥༢) སུ་ཏྟེ ཝ་ཎྞ་གྒ་ཧ་ཎ་མ་ནྟ་ཝི་སེ་ས་ནཱ་ཡོ་པ་དི་ཊྛཾ པཱ་ཎི་ནི་ནཱ-ཨ་ནྟ་སྶ པ་ད་སྶ ཝཱ་ཀྱ་སྶ ཝཱ མཱ་བྷ་ཝཱི’ཏི, ཨི་ཧ ཏྭ་ན་ཏྠ་ཀཾ ཝ་ཎྞ་གྒ་ཧ་ཎཾ བྱ་ཝ་ཙྪེ་ཛྫཱ་བྷཱ་ཝཱ་ཏི ད་སྶེ་ཏུ་མཱ་ཧ-‘སོ ཙེ’ ཏྱཱ་དི, ན་ནུ བྲ་ཧྨ་སྶཱ་ཏི ཝི་སེ་ས་ན་ཏྠེ་ན ཝ་ཏྟུ་མི་ཙྪི་ཏོ མ་ཧཱ་བྲ་ཧྨ་ས་དྡོ ཚ་ཊྛཱི་ནི་དྡི་ཊྛོ ནཱ་མཱ་ཏི ‘‘བྲ་ཧྨ་སྶུ ཝཱ’’ཏི (༢-༡༩༤) ཨུ་ཨཱ་དེ་སོ ‘‘ཚ་ཊྛི་ཡ་ནྟ་སྶཱ’’ཏི ཨ་ནྟ་བྲ་ཧྨ་ས་དྡ་སྶ པ་པྤོ་ཏི, ཏ་ཐཱ ས་ཏི ‘ན ཧི ཚ་ཊྛཱི ནི་དྡི་ཊྛ་སྶ ཨ་ནྟཾ པ་དཾ ཝཱ་ཀྱཾ ཝཱ ས་མྦྷ་ཝ་ཏཱི’ཏི ཀ་སྨཱ ཝུ་ཏྟ་ནྟི, ཝུ་ཙྩ་ཏེ- ན ཝི་སེ་ས་ན་ཏྠེ་ནཱ་ཀྑེ་པ་མ་ཏྟེ་ན མ་ཧཱ་བྲ་ཧྨ་ས་དྡོ ཚ་ཊྛཱི ནི་དྡི་ཊྛོ ནཱ་མ བྷ་ཝ་ཏཱི་ཏི ན བྲ་ཧྨ་ས་དྡ་སྶ ས་བྦ་སྶཱ་དེ་ས་པྤ་ས་ངྒོ, མ་ཧཱ་བྲ་ཧྨ་ས་དྡེ ཝཱ བྲ་ཧྨ་ས་དྡོ ཨ་ཏྠཱི་ཏི ཏ་སྶཱ་ནྟ་སྶ ཨུ་ཏྟཾ ཝི་དྷཱི་ཡ་ཏེ.