༩. ཨཱ་གྷཱ་ཏ་ཝ་ཏྠུ་སུ་ཏྟཾ

༢༩. [ཝི་བྷ. ༩༦༠; དཱི. ནི. ༣.༣༤༠; ཨ. ནི. ༡༠.༧༩] ‘‘ན་ཝ་ཡི་མཱ་ནི, བྷི་ཀྑ་ཝེ, ཨཱ་གྷཱ་ཏ་ཝ་ཏྠཱུ་ནི. ཀ་ཏ་མཱ་ནི ན་ཝ? ‘ཨ་ན་ཏྠཾ མེ ཨ་ཙ་རཱི’ཏི ཨཱ་གྷཱ་ཏཾ བ་ནྡྷ་ཏི; ‘ཨ་ན་ཏྠཾ མེ ཙ་ར་ཏཱི’ཏི ཨཱ་གྷཱ་ཏཾ བ་ནྡྷ་ཏི; ‘ཨ་ན་ཏྠཾ མེ ཙ་རི་སྶ་ཏཱི’ཏི ཨཱ་གྷཱ་ཏཾ བ་ནྡྷ་ཏི; ‘པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རཱི’ཏི…པེ… ‘ཨ་ན་ཏྠཾ ཙ་ར་ཏཱི’ཏི…པེ… ‘ཨ་ན་ཏྠཾ ཙ་རི་སྶ་ཏཱི’ཏི ཨཱ་གྷཱ་ཏཾ བ་ནྡྷ་ཏི; ‘ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རཱི’ཏི …པེ… ‘ཨ་ཏྠཾ ཙ་ར་ཏཱི’ཏི…པེ… ‘ཨ་ཏྠཾ ཙ་རི་སྶ་ཏཱི’ཏི ཨཱ་གྷཱ་ཏཾ བ་ནྡྷ་ཏི. ཨི་མཱ་ནི ཁོ, བྷི་ཀྑ་ཝེ, ན་ཝ ཨཱ་གྷཱ་ཏ་ཝ་ཏྠཱུ་ནཱི’’ཏི. ན་ཝ་མཾ.