༡༠. ཨཱ་གྷཱ་ཏ་པ་ཊི་ཝི་ན་ཡ་སུ་ཏྟཾ

༣༠. [དཱི. ནི. ༣.༣༤༠, ༣༥༩] ‘‘ན་ཝ་ཡི་མེ, བྷི་ཀྑ་ཝེ, ཨཱ་གྷཱ་ཏ་པ་ཊི་ཝི་ན་ཡཱ. ཀ་ཏ་མེ ན་ཝ? ‘ཨ་ན་ཏྠཾ མེ ཨ་ཙ་རི [ཨ་ཙ་རཱི་ཏི (སྱཱ.), ཨེ་ཝཾ ‘‘ཙ་ར་ཏི, ཙ་རི་སྶ་ཏི’’ པ་དེ་སུ་པི], ཏཾ ཀུ་ཏེ་ཏྠ ལ་བྦྷཱ’ཏི ཨཱ་གྷཱ་ཏཾ པ་ཊི་ཝི་ནེ་ཏི; ‘ཨ་ན་ཏྠཾ མེ ཙ་ར་ཏི, ཏཾ ཀུ་ཏེ་ཏྠ ལ་བྦྷཱ’ཏི ཨཱ་གྷཱ་ཏཾ པ་ཊི་ཝི་ནེ་ཏི; ‘ཨ་ན་ཏྠཾ མེ ཙ་རི་སྶ་ཏི, ཏཾ ཀུ་ཏེ་ཏྠ ལ་བྦྷཱ’ཏི ཨཱ་གྷཱ་ཏཾ པ་ཊི་ཝི་ནེ་ཏི; པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རི…པེ… ཨ་ན་ཏྠཾ ཙ་ར་ཏི…པེ… ‘ཨ་ན་ཏྠཾ ཙ་རི་སྶ་ཏི, ཏཾ ཀུ་ཏེ་ཏྠ ལ་བྦྷཱ’ཏི ཨཱ་གྷཱ་ཏཾ པ་ཊི་ཝི་ནེ་ཏི; ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རི…པེ… ཨ་ཏྠཾ ཙ་ར་ཏི…པེ… ‘ཨ་ཏྠཾ ཙ་རི་སྶ་ཏི, ཏཾ ཀུ་ཏེ་ཏྠ ལ་བྦྷཱ’ཏི ཨཱ་གྷཱ་ཏཾ པ་ཊི་ཝི་ནེ་ཏི. ཨི་མེ ཁོ, བྷི་ཀྑ་ཝེ, ན་ཝ ཨཱ་གྷཱ་ཏ་པ་ཊི་ཝི་ན་ཡཱ’’ཏི. ད་ས་མཾ.