༡༡. ཨ་ནུ་པུ་བྦ་ནི་རོ་དྷ་སུ་ཏྟཾ

༣༡. ‘‘ན་ཝ་ཡི་མེ, བྷི་ཀྑ་ཝེ, ཨ་ནུ་པུ་བྦ་ནི་རོ་དྷཱ. ཀ་ཏ་མེ ན་ཝ? པ་ཋ་མཾ ཛྷཱ་ནཾ ས་མཱ་པ་ནྣ་སྶ ཀཱ་མ་ས་ཉྙཱ [ཨཱ་མི་སྶ་ས་ཉྙཱ (སྱཱ.)] ནི་རུ་དྡྷཱ ཧོ་ཏི; དུ་ཏི་ཡཾ ཛྷཱ་ནཾ ས་མཱ་པ་ནྣ་སྶ ཝི་ཏ་ཀྐ་ཝི་ཙཱ་རཱ ནི་རུ་དྡྷཱ ཧོ་ནྟི; ཏ་ཏི་ཡཾ ཛྷཱ་ནཾ ས་མཱ་པ་ནྣ་སྶ པཱི་ཏི ནི་རུ་དྡྷཱ ཧོ་ཏི; ཙ་ཏུ་ཏྠཾ ཛྷཱ་ནཾ ས་མཱ་པ་ནྣ་སྶ ཨ་སྶཱ་ས་པ་སྶཱ་སཱ ནི་རུ་དྡྷཱ ཧོ་ནྟི; ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ ནི་རུ་དྡྷཱ ཧོ་ཏི; ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ ནི་རུ་དྡྷཱ ཧོ་ཏི; ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ ནི་རུ་དྡྷཱ ཧོ་ཏི; ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ ནི་རུ་དྡྷཱ ཧོ་ཏི; ས་ཉྙཱ་ཝེ་ད་ཡི་ཏ་ནི་རོ་དྷཾ ས་མཱ་པ་ནྣ་སྶ ས་ཉྙཱ ཙ ཝེ་ད་ནཱ ཙ ནི་རུ་དྡྷཱ ཧོ་ནྟི. ཨི་མེ ཁོ, བྷི་ཀྑ་ཝེ, ན་ཝ ཨ་ནུ་པུ་བྦ་ནི་རོ་དྷཱ’’ཏི [དཱི. ནི. ༣.༣༤༤, ༣༤༩]. ཨེ་ཀཱ་ད་ས་མཾ.

ས་ཏྟཱ་ཝཱ་ས་ཝ་གྒོ ཏ་ཏི་ཡོ.