༦. དུ་ཏི་ཡ་མི་ཏྟ་སུ་ཏྟཾ

༣༧. ‘‘ས་ཏྟ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ སེ་ཝི་ཏ་བྦོ བྷ་ཛི་ཏ་བྦོ པ་ཡི་རུ་པཱ་སི་ཏ་བྦོ ཨ་པི པ་ནུ་ཛྫ་མཱ་ནེ་ན་པི [པ་ཎུ་ཛྫ་མཱ་ནེ་ན་པི (སཱི.)]. ཀ་ཏ་མེ་ཧི ས་ཏྟ་ཧི? པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙ ཝ་ཏྟཱ ཙ ཝ་ཙ་ན་ཀྑ་མོ ཙ ག་མྦྷཱི་ར་ཉྩ ཀ་ཐཾ ཀ་ཏྟཱ ཧོ་ཏི, ནོ ཙ ཨ་ཊྛཱ་ནེ ནི་ཡོ་ཛེ་ཏི. ཨི་མེ་ཧི ཁོ, བྷི་ཀྑ་ཝེ, ས་ཏྟ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ སེ་ཝི་ཏ་བྦོ བྷ་ཛི་ཏ་བྦོ པ་ཡི་རུ་པཱ་སི་ཏ་བྦོ ཨ་པི པ་ནུ་ཛྫ་མཱ་ནེ་ན་པཱི’’ཏི.

‘‘པི་ཡོ ག་རུ བྷཱ་ཝ་ནཱི་ཡོ, ཝ་ཏྟཱ ཙ ཝ་ཙ་ན་ཀྑ་མོ;

ག་མྦྷཱི་ར་ཉྩ ཀ་ཐཾ ཀ་ཏྟཱ, ནོ ཙ་ཊྛཱ་ནེ ནི་ཡོ་ཛ་ཀོ [ནི་ཡོ་ཛ་ཡེ (སཱི. སྱཱ.)].

‘‘ཡ་མྷི ཨེ་ཏཱ་ནི ཋཱ་ནཱ་ནི, སཾ་ཝི་ཛྫ་ནྟཱི་དྷ པུ་གྒ་ལེ;

སོ མི་ཏྟོ མི་ཏྟ་ཀཱ་མེ་ན, ཨ་ཏྠ་ཀཱ་མཱ་ནུ་ཀ་མྤ་ཏོ;

ཨ་པི ནཱ་སི་ཡ་མཱ་ནེ་ན, བྷ་ཛི་ཏ་བྦོ ཏ་ཐཱ་ཝི་དྷོ’’ཏི. ཚ་ཊྛཾ;