༧. པ་ཋ་མ་པ་ཊི་ས་མྦྷི་དཱ་སུ་ཏྟཾ

༣༨. ‘‘ས་ཏྟ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ན་ཙི་ར་སྶེ་ཝ ཙ་ཏ་སྶོ པ་ཊི་ས་མྦྷི་དཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་རེ་ཡྻ. ཀ་ཏ་མེ་ཧི ས་ཏྟ་ཧི? ཨི་དྷ, བྷི་ཀྑ་ཝེ, བྷི་ཀྑུ ‘ཨི་དཾ མེ ཙེ་ཏ་སོ ལཱི་ན་ཏྟ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཨ་ཛ྄ཛྷ་ཏྟཾ སཾ་ཁི་ཏྟཾ ཝཱ ཙི་ཏྟཾ ‘ཨ་ཛ྄ཛྷ་ཏྟཾ མེ སཾ་ཁི་ཏྟཾ ཙི་ཏྟ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; བ་ཧི་དྡྷཱ ཝི་ཀྑི་ཏྟཾ ཝཱ ཙི་ཏྟཾ ‘བ་ཧི་དྡྷཱ མེ ཝི་ཀྑི་ཏྟཾ ཙི་ཏྟ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི; ཏ་སྶ ཝི་དི་ཏཱ ཝེ་ད་ནཱ ཨུ་པྤ་ཛྫ་ནྟི, ཝི་དི་ཏཱ ཨུ་པ་ཊྛ་ཧ་ནྟི, ཝི་དི་ཏཱ ཨ་བྦྷ་ཏྠཾ ག་ཙྪ་ནྟི; ཝི་དི་ཏཱ ས་ཉྙཱ ཨུ་པྤ་ཛྫ་ནྟི, ཝི་དི་ཏཱ ཨུ་པ་ཊྛ་ཧ་ནྟི, ཝི་དི་ཏཱ ཨ་བྦྷ་ཏྠཾ ག་ཙྪ་ནྟི; ཝི་དི་ཏཱ ཝི་ཏ་ཀྐཱ ཨུ་པྤ་ཛྫ་ནྟི, ཝི་དི་ཏཱ ཨུ་པ་ཊྛ་ཧ་ནྟི, ཝི་དི་ཏཱ ཨ་བྦྷ་ཏྠཾ ག་ཙྪ་ནྟི; ས་པྤཱ་ཡཱ་ས་པྤཱ་ཡེ་སུ ཁོ པ་ན་སྶ དྷ་མྨེ་སུ ཧཱི་ན་པྤ་ཎཱི་ཏེ་སུ ཀ་ཎྷ་སུ་ཀྐ་ས་པྤ་ཏི་བྷཱ་གེ་སུ ནི་མི་ཏྟཾ སུ་གྒ་ཧི་ཏཾ ཧོ་ཏི སུ་མ་ན་སི་ཀ་ཏཾ སཱུ་པ་དྷཱ་རི་ཏཾ སུ་པྤ་ཊི་ཝི་དྡྷཾ པ་ཉྙཱ་ཡ. ཨི་མེ་ཧི ཁོ, བྷི་ཀྑ་ཝེ, ས་ཏྟ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ན་ཙི་ར་སྶེ་ཝ ཙ་ཏ་སྶོ པ་ཊི་ས་མྦྷི་དཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་རེ་ཡྻཱ’’ཏི. ས་ཏྟ་མཾ.