༧. ས་ཉྙཱ་སུ་ཏྟཾ

༢༧. ‘‘ས་ཏྟ ཝོ, བྷི་ཀྑ་ཝེ, ཨ་པ་རི་ཧཱ་ནི་ཡེ དྷ་མྨེ དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ…པེ…. ཀ་ཏ་མེ ཙ, བྷི་ཀྑ་ཝེ, ས་ཏྟ ཨ་པ་རི་ཧཱ་ནི་ཡཱ དྷ་མྨཱ? ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ ཨ་ནི་ཙྩ་ས་ཉྙཾ བྷཱ་ཝེ་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི.

‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ ཨ་ན་ཏྟ་ས་ཉྙཾ བྷཱ་ཝེ་སྶ་ནྟི…པེ… ཨ་སུ་བྷ་ས་ཉྙཾ བྷཱ་ཝེ་སྶ་ནྟི… ཨཱ་དཱི་ན་ཝ་ས་ཉྙཾ བྷཱ་ཝེ་སྶ་ནྟི… པ་ཧཱ་ན་ས་ཉྙཾ བྷཱ་ཝེ་སྶ་ནྟི… ཝི་རཱ་ག་ས་ཉྙཾ བྷཱ་ཝེ་སྶ་ནྟི… ནི་རོ་དྷ་ས་ཉྙཾ བྷཱ་ཝེ་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི. ‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, ཨི་མེ ས་ཏྟ ཨ་པ་རི་ཧཱ་ནི་ཡཱ དྷ་མྨཱ བྷི་ཀྑཱུ་སུ ཋ་སྶ་ནྟི, ཨི་མེ་སུ ཙ ས་ཏྟ་སུ ཨ་པ་རི་ཧཱ་ནི་ཡེ་སུ དྷ་མྨེ་སུ, བྷི་ཀྑཱུ ས་ནྡི་སྶི་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནཱི’’ཏི [དཱི. ནི. ༢.༡༣༨]. ས་ཏྟ་མཾ.