༦. བོ་ཛ྄ཛྷ་ངྒ་སུ་ཏྟཾ

༢༦. ‘‘ས་ཏྟ ཝོ, བྷི་ཀྑ་ཝེ, ཨ་པ་རི་ཧཱ་ནི་ཡེ དྷ་མྨེ དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ…པེ… ཀ་ཏ་མེ ཙ, བྷི་ཀྑ་ཝེ, ས་ཏྟ ཨ་པ་རི་ཧཱ་ནི་ཡཱ དྷ་མྨཱ? ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི.

‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི…པེ… ཝཱི་རི་ཡ་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི… པཱི་ཏི་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི… པ་སྶ་དྡྷི་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི… ས་མཱ་དྷི་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི. ‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, ཨི་མེ ས་ཏྟ ཨ་པ་རི་ཧཱ་ནི་ཡཱ དྷ་མྨཱ བྷི་ཀྑཱུ་སུ ཋ་སྶ་ནྟི, ཨི་མེ་སུ ཙ ས་ཏྟ་སུ ཨ་པ་རི་ཧཱ་ནི་ཡེ་སུ དྷ་མྨེ་སུ བྷི་ཀྑཱུ ས་ནྡི་སྶི་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནཱི’’ཏི. ཚ་ཊྛཾ.