༡༡. པ་རཱ་བྷ་ཝ་སུ་ཏྟཾ

༣༡. ‘‘ས་ཏྟི་མེ, བྷི་ཀྑ་ཝེ, ཨུ་པཱ་ས་ཀ་སྶ པ་རཱ་བྷ་ཝཱ…པེ… ས་ཏྟི་མེ, བྷི་ཀྑ་ཝེ, ཨུ་པཱ་ས་ཀ་སྶ ས་མྦྷ་ཝཱ. ཀ་ཏ་མེ ས་ཏྟ? བྷི་ཀྑུ་ད་སྶ་ནཾ ན ཧཱ་པེ་ཏི, ས་དྡྷ་མྨ་སྶ་ཝ་ནཾ ན་པྤ་མ་ཛྫ་ཏི, ཨ་དྷི་སཱི་ལེ སི་ཀྑ་ཏི, པ་སཱ་ད་བ་ཧུ་ལོ ཧོ་ཏི, བྷི་ཀྑཱུ་སུ ཐེ་རེ་སུ ཙེ་ཝ ན་ཝེ་སུ ཙ མ་ཛ྄ཛྷི་མེ་སུ ཙ ཨ་ནུ་པཱ་ར་མྦྷ་ཙི་ཏྟོ དྷ་མྨཾ སུ་ཎཱ་ཏི ན ར་ནྡྷ་ག་ཝེ་སཱི, ན ཨི་ཏོ བ་ཧི་དྡྷཱ ད་ཀྑི་ཎེ་ཡྻཾ ག་ཝེ་ས་ཏི, ཨི་དྷ ཙ པུ་བྦ་ཀཱ་རཾ ཀ་རོ་ཏི. ཨི་མེ ཁོ, བྷི་ཀྑ་ཝེ, ས་ཏྟ ཨུ་པཱ་ས་ཀ་སྶ ས་མྦྷ་ཝཱ་ཏི.

‘‘ད་སྶ་ནཾ བྷཱ་ཝི་ཏ་ཏྟཱ་ནཾ, ཡོ ཧཱ་པེ་ཏི ཨུ་པཱ་ས་ཀོ;

ས་ཝ་ན་ཉྩ ཨ་རི་ཡ་དྷ་མྨཱ་ནཾ, ཨ་དྷི་སཱི་ལེ ན སི་ཀྑ་ཏི.

‘‘ཨ་པྤ་སཱ་དོ ཙ བྷི་ཀྑཱུ་སུ, བྷི་ཡྻོ བྷི་ཡྻོ པ་ཝ་ཌྜྷ་ཏི;

ཨུ་པཱ་ར་མྦྷ་ཀ་ཙི་ཏྟོ ཙ, ས་དྡྷ་མྨཾ སོ་ཏུ་མི་ཙྪ་ཏི.

‘‘ཨི་ཏོ ཙ བ་ཧི་དྡྷཱ ཨ་ཉྙཾ, ད་ཀྑི་ཎེ་ཡྻཾ ག་ཝེ་ས་ཏི;

ཏ་ཏྠེ་ཝ ཙ པུ་བྦ་ཀཱ་རཾ, ཡོ ཀ་རོ་ཏི ཨུ་པཱ་ས་ཀོ.

‘‘ཨེ་ཏེ ཁོ པ་རི་ཧཱ་ནི་ཡེ, ས་ཏྟ དྷ་མྨེ སུ་དེ་སི་ཏེ;

ཨུ་པཱ་ས་ཀོ སེ་ཝ་མཱ་ནོ, ས་དྡྷ་མྨཱ པ་རི་ཧཱ་ཡ་ཏི.

‘‘ད་སྶ་ནཾ བྷཱ་ཝི་ཏ་ཏྟཱ་ནཾ, ཡོ ན ཧཱ་པེ་ཏི ཨུ་པཱ་ས་ཀོ;

ས་ཝ་ན་ཉྩ ཨ་རི་ཡ་དྷ་མྨཱ་ནཾ, ཨ་དྷི་སཱི་ལེ ཙ སི་ཀྑ་ཏི.

‘‘པ་སཱ་དོ ཙ་སྶ བྷི་ཀྑཱུ་སུ, བྷི་ཡྻོ བྷི་ཡྻོ པ་ཝ་ཌྜྷ་ཏི;

ཨ་ནུ་པཱ་ར་མྦྷ་ཙི་ཏྟོ ཙ, ས་དྡྷ་མྨཾ སོ་ཏུ་མི་ཙྪ་ཏི.

‘‘ན ཨི་ཏོ བ་ཧི་དྡྷཱ ཨ་ཉྙཾ, ད་ཀྑི་ཎེ་ཡྻཾ ག་ཝེ་ས་ཏི;

ཨི་དྷེ་ཝ ཙ པུ་བྦ་ཀཱ་རཾ, ཡོ ཀ་རོ་ཏི ཨུ་པཱ་ས་ཀོ.

‘‘ཨེ་ཏེ ཁོ ཨ་པ་རི་ཧཱ་ནི་ཡེ, ས་ཏྟ དྷ་མྨེ སུ་དེ་སི་ཏེ;

ཨུ་པཱ་ས་ཀོ སེ་ཝ་མཱ་ནོ, ས་དྡྷ་མྨཱ ན པ་རི་ཧཱ་ཡ་ཏཱི’’ཏི. ཨེ་ཀཱ་ད་ས་མཾ;

ཝ་ཛྫི་ས་ཏྟ་ཀ་ཝ་གྒོ [ཝ་ཛྫི་ཝ་གྒོ (སྱཱ.)] ཏ་ཏི་ཡོ.