༢. དུ་ཏི་ཡ་པི་ཡ་སུ་ཏྟཾ

༢. ‘‘ས་ཏྟ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ ཨ་པྤི་ཡོ ཙ ཧོ་ཏི ཨ་མ་ནཱ་པོ ཙ ཨ་ག་རུ ཙ ཨ་བྷཱ་ཝ་ནཱི་ཡོ ཙ. ཀ་ཏ་མེ་ཧི ས་ཏྟ་ཧི? ཨི་དྷ, བྷི་ཀྑ་ཝེ, བྷི་ཀྑུ ལཱ་བྷ་ཀཱ་མོ ཙ ཧོ་ཏི, ས་ཀྐཱ་ར་ཀཱ་མོ ཙ ཧོ་ཏི, ཨ་ན་ཝ་ཉྙ་ཏྟི་ཀཱ་མོ ཙ ཧོ་ཏི, ཨ་ཧི་རི་ཀོ ཙ ཧོ་ཏི, ཨ་ནོ་ཏྟ་པྤཱི ཙ, ཨི་སྶུ་ཀཱི ཙ, མ་ཙྪ་རཱི ཙ. ཨི་མེ་ཧི ཁོ, བྷི་ཀྑ་ཝེ, ས་ཏྟ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ ཨ་པྤི་ཡོ ཙ ཧོ་ཏི ཨ་མ་ནཱ་པོ ཙ ཨ་ག་རུ ཙ ཨ་བྷཱ་ཝ་ནཱི་ཡོ ཙ.

‘‘ས་ཏྟ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ+? ས་བྲ་ཧྨ་ཙཱ་རཱི་ནཾ པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙ. ཀ་ཏ་མེ་ཧི ས་ཏྟ་ཧི? ཨི་དྷ, བྷི་ཀྑ་ཝེ, བྷི་ཀྑུ ན ལཱ་བྷ་ཀཱ་མོ ཙ ཧོ་ཏི, ན ས་ཀྐཱ་ར་ཀཱ་མོ ཙ ཧོ་ཏི, ན ཨ་ན་ཝ་ཉྙ་ཏྟི་ཀཱ་མོ ཙ ཧོ་ཏི, ཧི་རི་མཱ ཙ ཧོ་ཏི, ཨོ་ཏྟ་པྤཱི ཙ, ཨ་ནི་སྶུ་ཀཱི ཙ, ཨ་མ་ཙྪ་རཱི ཙ. ཨི་མེ་ཧི ཁོ, བྷི་ཀྑ་ཝེ, ས་ཏྟ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ས་བྲ་ཧྨ་ཙཱ་རཱི་ནཾ པི་ཡོ ཙ ཧོ་ཏི མ་ནཱ་པོ ཙ ག་རུ ཙ བྷཱ་ཝ་ནཱི་ཡོ ཙཱ’’ཏི. དུ་ཏི་ཡཾ.