༣. སཾ་ཁི་ཏྟ་བ་ལ་སུ་ཏྟཾ

༣. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ…པེ… ས་ཏྟི་མཱ་ནི, བྷི་ཀྑ་ཝེ, བ་ལཱ་ནི. ཀ་ཏ་མཱ་ནི ས་ཏྟ? ས་དྡྷཱ་བ་ལཾ, ཝཱི་རི་ཡ་བ་ལཾ, ཧི་རཱི་བ་ལཾ, ཨོ་ཏྟ་པྤ་བ་ལཾ, ས་ཏི་བ་ལཾ, ས་མཱ་དྷི་བ་ལཾ, པ་ཉྙཱ་བ་ལཾ. ཨི་མཱ་ནི ཁོ, བྷི་ཀྑ་ཝེ, ས་ཏྟ བ་ལཱ་ནཱི་ཏི.

‘‘ས་དྡྷཱ་བ་ལཾ ཝཱི་རི་ཡ་ཉྩ, ཧི་རཱི [ཧི་རི (སཱི. པཱི. ཀ.)] ཨོ་ཏྟ་པྤི་ཡཾ བ་ལཾ;

ས་ཏི་བ་ལཾ ས་མཱ་དྷི ཙ, པ་ཉྙཱ ཝེ ས་ཏྟ་མཾ བ་ལཾ;

ཨེ་ཏེ་ཧི བ་ལ་ཝཱ བྷི་ཀྑུ, སུ་ཁཾ ཛཱི་ཝ་ཏི པ་ཎྜི་ཏོ;

‘‘ཡོ་ནི་སོ ཝི་ཙི་ནེ དྷ་མྨཾ, པ་ཉྙཱ་ཡ་ཏྠཾ ཝི་པ་སྶ་ཏི;

པ་ཛྫོ་ཏ་སྶེ་ཝ ནི་བྦཱ་ནཾ, ཝི་མོ་ཀྑོ ཧོ་ཏི ཙེ་ཏ་སོ’’ཏི. ཏ་ཏི་ཡཾ;