༡. པཱ་ཏུ་བྷཱ་ཝ་སུ་ཏྟཾ

༩༦. ‘‘ཚ་ནྣཾ, བྷི་ཀྑ་ཝེ, པཱ་ཏུ་བྷཱ་ཝོ དུ་ལླ་བྷོ ལོ་ཀ་སྨིཾ. ཀ་ཏ་མེ་སཾ ཚ་ནྣཾ? ཏ་ཐཱ་ག་ཏ་སྶ ཨ་ར་ཧ་ཏོ ས་མྨཱ་ས་མྦུ་དྡྷ་སྶ པཱ་ཏུ་བྷཱ་ཝོ དུ་ལླ་བྷོ ལོ་ཀ་སྨིཾ, ཏ་ཐཱ་ག་ཏ་པྤ་ཝེ་དི་ཏ་སྶ དྷ་མྨ་ཝི་ན་ཡ་སྶ དེ་སེ་ཏཱ པུ་གྒ་ལོ དུ་ལླ་བྷོ ལོ་ཀ་སྨིཾ, ཨ་རི་ཡཱ་ཡ་ཏ་ནེ པ་ཙྩཱ་ཛཱ་ཏི དུ་ལླ་བྷཱ [པ་ཙྩཱ་ཛཱ་ཏོ དུ་ལླ་བྷོ (སྱཱ.)] ལོ་ཀ་སྨིཾ, ཨི་ནྡྲི་ཡཱ་ནཾ ཨ་ཝེ་ཀ་ལླ་ཏཱ དུ་ལླ་བྷཱ ལོ་ཀ་སྨིཾ, ཨ་ཛ་ལ༹་ཏཱ ཨ་ནེ་ལ༹་མཱུ་ག་ཏཱ དུ་ལླ་བྷཱ ལོ་ཀ་སྨིཾ, ཀུ་ས་ལེ དྷ་མྨེ ཚ་ནྡོ [ཀུ་ས་ལ་དྷ་མྨ་ཙྪ་ནྡོ (སཱི. སྱཱ. པཱི.)] དུ་ལླ་བྷོ ལོ་ཀ་སྨིཾ. ཨི་མེ་སཾ ཁོ, བྷི་ཀྑ་ཝེ, ཚ་ནྣཾ པཱ་ཏུ་བྷཱ་ཝོ དུ་ལླ་བྷོ ལོ་ཀ་སྨི’’ནྟི. པ་ཋ་མཾ.