༢. ཨཱ་ཝ་ར་ཎ་སུ་ཏྟཾ

༨༦. ‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ་པི ས་དྡྷ་མྨཾ ཨ་བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ. ཀ་ཏ་མེ་ཧི ཚ་ཧི? ཀ་མྨཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ཀི་ལེ་སཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ཝི་པཱ་ཀཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ཨ་སྶ་དྡྷོ ཙ ཧོ་ཏི, ཨ་ཙྪ་ནྡི་ཀོ ཙ, དུ་པྤ་ཉྙོ ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ་པི ས་དྡྷ་མྨཾ ཨ་བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ.

‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ ས་དྡྷ་མྨཾ བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ. ཀ་ཏ་མེ་ཧི ཚ་ཧི? ན ཀ་མྨཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ན ཀི་ལེ་སཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ན ཝི་པཱ་ཀཱ་ཝ་ར་ཎ་ཏཱ་ཡ ས་མ་ནྣཱ་ག་ཏོ ཧོ་ཏི, ས་དྡྷོ ཙ ཧོ་ཏི, ཚ་ནྡི་ཀོ ཙ, པ་ཉྙ་ཝཱ ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ ས་དྡྷ་མྨཾ བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟ’’ནྟི. དུ་ཏི་ཡཾ.