༣. ཝོ་རོ་པི་ཏ་སུ་ཏྟཾ

༨༧. ‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ་པི ས་དྡྷ་མྨཾ ཨ་བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ. ཀ་ཏ་མེ་ཧི ཚ་ཧི? མཱ་ཏཱ ཛཱི་ཝི་ཏཱ ཝོ་རོ་པི་ཏཱ ཧོ་ཏི, པི་ཏཱ ཛཱི་ཝི་ཏཱ ཝོ་རོ་པི་ཏོ ཧོ་ཏི, ཨ་ར་ཧཾ [ཨ་ར་ཧཱ (སྱཱ. ཀཾ.), ཨ་ར་ཧ་ནྟོ (ཀ.)] ཛཱི་ཝི་ཏཱ ཝོ་རོ་པི་ཏོ ཧོ་ཏི, ཏ་ཐཱ་ག་ཏ་སྶ དུ་ཊྛེ་ན ཙི་ཏྟེ་ན ལོ་ཧི་ཏཾ ཨུ་པྤཱ་དི་ཏཾ ཧོ་ཏི, ས་ངྒྷོ བྷི་ནྣོ ཧོ་ཏི, དུ་པྤ་ཉྙོ ཧོ་ཏི ཛ་ལོ༹ ཨེ་ལ༹་མཱུ་གོ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ་པི ས་དྡྷ་མྨཾ ཨ་བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ.

‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ ས་དྡྷ་མྨཾ བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟཾ. ཀ་ཏ་མེ་ཧི ཚ་ཧི? ན མཱ་ཏཱ ཛཱི་ཝི་ཏཱ ཝོ་རོ་པི་ཏཱ ཧོ་ཏི, ན པི་ཏཱ ཛཱི་ཝི་ཏཱ ཝོ་རོ་པི་ཏོ ཧོ་ཏི, ན ཨ་ར་ཧཾ ཛཱི་ཝི་ཏཱ ཝོ་རོ་པི་ཏོ ཧོ་ཏི, ན ཏ་ཐཱ་ག་ཏ་སྶ དུ་ཊྛེ་ན ཙི་ཏྟེ་ན ལོ་ཧི་ཏཾ ཨུ་པྤཱ་དི་ཏཾ ཧོ་ཏི, ན ས་ངྒྷོ བྷི་ནྣོ ཧོ་ཏི, པ་ཉྙ་ཝཱ ཧོ་ཏི ཨ་ཛ་ལོ༹ ཨ་ནེ་ལ༹་མཱུ་གོ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ སུ་ཎ་ནྟོ ས་དྡྷ་མྨཾ བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟ’’ནྟི. ཏ་ཏི་ཡཾ.