༡༡. ཙ་ཏུ་ཏྠ་ཨ་བྷ་བྦ་ཊྛཱ་ན་སུ་ཏྟཾ

༩༥. ‘‘ཚ་ཡི་མཱ་ནི, བྷི་ཀྑ་ཝེ, ཨ་བྷ་བྦ་ཊྛཱ་ནཱ་ནི. ཀ་ཏ་མཱ་ནི ཚ? ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ ས་ཡཾ་ཀ་ཏཾ སུ་ཁ་དུ་ཀྑཾ པ་ཙྩཱ་ག་ནྟུཾ, ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ པ་རཾ་ཀ་ཏཾ [པ་ར་ཀ་ཏཾ (སཱི. སྱཱ.)] སུ་ཁ་དུ་ཀྑཾ པ་ཙྩཱ་ག་ནྟུཾ, ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ ས་ཡཾ་ཀ་ཏ་ཉྩ པ་རཾ་ཀ་ཏ་ཉྩ སུ་ཁ་དུ་ཀྑཾ པ་ཙྩཱ་ག་ནྟུཾ, ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ ཨ་ས་ཡཾ་ཀཱ་རཾ ཨ་དྷི་ཙྩ་ས་མུ་པྤ་ནྣཾ སུ་ཁ་དུ་ཀྑཾ པ་ཙྩཱ་ག་ནྟུཾ, ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ ཨ་པ་རཾ་ཀཱ་རཾ ཨ་དྷི་ཙྩ་ས་མུ་པྤ་ནྣཾ སུ་ཁ་དུ་ཀྑཾ པ་ཙྩཱ་ག་ནྟུཾ, ཨ་བྷ་བྦོ དི་ཊྛི་ས་མྤ་ནྣོ པུ་གྒ་ལོ ཨ་ས་ཡཾ་ཀཱ་ར་ཉྩ ཨ་པ་རཾ་ཀཱ་ར་ཉྩ ཨ་དྷི་ཙྩ་ས་མུ་པྤ་ནྣཾ སུ་ཁ་དུ་ཀྑཾ པ་ཙྩཱ་ག་ནྟུཾ. ཏཾ ཀི་སྶ ཧེ་ཏུ? ཏ་ཐཱ ཧི་སྶ, བྷི་ཀྑ་ཝེ, དི་ཊྛི་ས་མྤ་ནྣ་སྶ པུ་གྒ་ལ་སྶ ཧེ་ཏུ ཙ སུ་དི་ཊྛོ ཧེ་ཏུ་ས་མུ་པྤ་ནྣཱ ཙ དྷ་མྨཱ. ཨི་མཱ་ནི ཁོ, བྷི་ཀྑ་ཝེ, ཚ ཨ་བྷ་བྦ་ཊྛཱ་ནཱ་ནཱི’’ཏི. ཨེ་ཀཱ་ད་ས་མཾ.

སཱི་ཏི་ཝ་གྒོ ན་ཝ་མོ. [ཙ་ཏུ་ཏྠོ (སྱཱ. ཀ.)]