༧. ས་ཀྑི་བྷ་བྦ་སུ་ཏྟཾ

༧༡. ‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་བྷ་བྦོ ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎི་ཏུཾ ས་ཏི ས་ཏི ཨཱ་ཡ་ཏ་ནེ. ཀ་ཏ་མེ་ཧི ཚ་ཧི? ཨི་དྷ, བྷི་ཀྑ་ཝེ, བྷི་ཀྑུ ‘ཨི་མེ ཧཱ་ན་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི, ‘ཨི་མེ ཋི་ཏི་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི, ‘ཨི་མེ ཝི་སེ་ས་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི, ‘ཨི་མེ ནི་བྦེ་དྷ་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི, ཨ་ས་ཀྐ་ཙྩ་ཀཱ་རཱི ཙ ཧོ་ཏི, ཨ་ས་པྤཱ་ཡ་ཀཱ་རཱི ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་བྷ་བྦོ ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎི་ཏུཾ ས་ཏི ས་ཏི ཨཱ་ཡ་ཏ་ནེ.

‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་བྦོ ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎི་ཏུཾ ས་ཏི ས་ཏི ཨཱ་ཡ་ཏ་ནེ. ཀ་ཏ་མེ་ཧི ཚ་ཧི? ཨི་དྷ, བྷི་ཀྑ་ཝེ, བྷི་ཀྑུ ‘ཨི་མེ ཧཱ་ན་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘ཨི་མེ ཋི་ཏི་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘ཨི་མེ ཝི་སེ་ས་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘ཨི་མེ ནི་བྦེ་དྷ་བྷཱ་གི་ཡཱ དྷ་མྨཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ས་ཀྐ་ཙྩ་ཀཱ་རཱི ཙ ཧོ་ཏི, ས་པྤཱ་ཡ་ཀཱ་རཱི ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་བྦོ ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎི་ཏུཾ ས་ཏི ས་ཏི ཨཱ་ཡ་ཏ་ནེ’’ཏི. ས་ཏྟ་མཾ.