༨. བ་ལ་སུ་ཏྟཾ

༧༢. ‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་བྷ་བྦོ ས་མཱ་དྷི་སྨིཾ [ས་མཱ་དྷི་མྷི (ཀ.)] བ་ལ་ཏཾ པཱ་པུ་ཎི་ཏུཾ. ཀ་ཏ་མེ་ཧི ཚ་ཧི? ཨི་དྷ, བྷི་ཀྑ་ཝེ, བྷི་ཀྑུ ན ས་མཱ་དྷི་སྶ ས་མཱ་པ་ཏྟི་ཀུ་ས་ལོ ཧོ་ཏི, ན ས་མཱ་དྷི་སྶ ཋི་ཏི་ཀུ་ས་ལོ ཧོ་ཏི, ན ས་མཱ་དྷི་སྶ [ན ས་མཱ་དྷི་མྷཱ (ཀ.) ཨུ་པ་རི་ས་ཏྟ་ཀ་ནི་པཱ་ཏེ དེ་ཝ་ཏཱ་ཝ་གྒེ པ་ན ས་བྦ་ཏྠ་པི ‘‘ས་མཱ་དྷི་སྶ’’ཨི་ཏྭེ་ཝ དི་སྶ་ཏི] ཝུ་ཊྛཱ་ན་ཀུ་ས་ལོ ཧོ་ཏི, ཨ་ས་ཀྐ་ཙྩ་ཀཱ་རཱི ཙ ཧོ་ཏི, ཨ་སཱ་ཏ་ཙྩ་ཀཱ་རཱི ཙ, ཨ་ས་པྤཱ་ཡ་ཀཱ་རཱི ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་བྷ་བྦོ ས་མཱ་དྷི་སྨིཾ བ་ལ་ཏཾ པཱ་པུ་ཎི་ཏུཾ.

‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་བྦོ ས་མཱ་དྷི་སྨིཾ བ་ལ་ཏཾ པཱ་པུ་ཎི་ཏུཾ. ཀ་ཏ་མེ་ཧི ཚ་ཧི? ཨི་དྷ, བྷི་ཀྑ་ཝེ, བྷི་ཀྑུ ས་མཱ་དྷི་སྶ ས་མཱ་པ་ཏྟི་ཀུ་ས་ལོ ཧོ་ཏི, ས་མཱ་དྷི་སྶ ཋི་ཏི་ཀུ་ས་ལོ ཧོ་ཏི, ས་མཱ་དྷི་སྶ ཝུ་ཊྛཱ་ན་ཀུ་ས་ལོ ཧོ་ཏི, ས་ཀྐ་ཙྩ་ཀཱ་རཱི ཙ ཧོ་ཏི, སཱ་ཏ་ཙྩ་ཀཱ་རཱི ཙ, ས་པྤཱ་ཡ་ཀཱ་རཱི ཙ. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་བྦོ ས་མཱ་དྷི་སྨིཾ བ་ལ་ཏཾ པཱ་པུ་ཎི་ཏུ’’ནྟི. ཨ་ཊྛ་མཾ.