༡༠. པུ་གྒ་ལ་པྤ་སཱ་ད་སུ་ཏྟཾ

༢༥༠. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ པུ་གྒ་ལ་པྤ་སཱ་དེ. ཀ་ཏ་མེ པ་ཉྩ? ཡ་སྨིཾ, བྷི་ཀྑ་ཝེ, པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ ཏ་ཐཱ་རཱུ་པཾ ཨཱ་པ་ཏྟིཾ ཨཱ་པ་ནྣོ ཧོ་ཏི ཡ་ཐཱ་རཱུ་པཱ་ཡ ཨཱ་པ་ཏྟི་ཡཱ ས་ངྒྷོ ཨུ་ཀྑི་པ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ས་ངྒྷེ་ན ཨུ་ཀྑི་ཏྟོ’ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ཧོ་ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ས་མཱ་ནོ ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, པ་ཋ་མོ ཨཱ་དཱི་ན་ཝོ པུ་གྒ་ལ་པྤ་སཱ་དེ.

‘‘པུ་ན ཙ་པ་རཾ, བྷི་ཀྑ་ཝེ, ཡ་སྨིཾ པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ ཏ་ཐཱ་རཱུ་པཾ ཨཱ་པ་ཏྟིཾ ཨཱ་པ་ནྣོ ཧོ་ཏི ཡ་ཐཱ་རཱུ་པཱ་ཡ ཨཱ་པ་ཏྟི་ཡཱ ས་ངྒྷོ ཨ་ནྟེ ནི་སཱི་དཱ་པེ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ས་ངྒྷེ་ན ཨ་ནྟེ ནི་སཱི་དཱ་པི་ཏོ’ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ཧོ་ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ས་མཱ་ནོ ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, དུ་ཏི་ཡོ ཨཱ་དཱི་ན་ཝོ པུ་གྒ་ལ་པྤ་སཱ་དེ.

‘‘པུ་ན ཙ་པ་རཾ, བྷི་ཀྑ་ཝེ, ཡ་སྨིཾ པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ དི་སཱ་པ་ཀྐ་ནྟོ ཧོ་ཏི…པེ… སོ ཝི་བྦྷ་ནྟོ ཧོ་ཏི…པེ… སོ ཀཱ་ལ་ངྐ་ཏོ ཧོ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ཀཱ་ལ་ངྐ་ཏོ’ཏི. ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, པ་ཉྩ་མོ ཨཱ་དཱི་ན་ཝོ པུ་གྒ་ལ་པྤ་སཱ་དེ. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ པུ་གྒ་ལ་པྤ་སཱ་དེ’’ཏི. ད་ས་མཾ.

དུ་ཙྩ་རི་ཏ་ཝ་གྒོ པ་ཉྩ་མོ.