(༢༥) ༥. དུ་ཙྩ་རི་ཏ་ཝ་གྒོ
༡. པ་ཋ་མ་དུ་ཙྩ་རི་ཏ་སུ་ཏྟཾ
༢༤༡. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ དུ་ཙྩ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ ག་ར་ཧ་ནྟི; པཱ་པ་ཀོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ས་མྨཱུ་ལ༹ྷོ ཀཱ་ལཾ ཀ་རོ་ཏི; ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ དུ་ཙྩ་རི་ཏེ.
‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ སུ་ཙ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ན ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ པ་སཾ་ས་ནྟི; ཀ་ལྱཱ་ཎོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ཨ་ས་མྨཱུ་ལ༹ྷོ ཀཱ་ལཾ ཀ་རོ་ཏི; ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ སུ་ཙ་རི་ཏེ’’ཏི. པ་ཋ་མཾ.
༢. པ་ཋ་མ་ཀཱ་ཡ་དུ་ཙྩ་རི་ཏ་སུ་ཏྟཾ
༢༤༢. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཀཱ་ཡ་དུ་ཙྩ་རི་ཏེ…པེ… ཨཱ་ནི་སཾ་སཱ ཀཱ་ཡ་སུ་ཙ་རི་ཏེ…པེ…. དུ་ཏི་ཡཾ.
༣. པ་ཋ་མ་ཝ་ཙཱི་དུ་ཙྩ་རི་ཏ་སུ་ཏྟཾ
༢༤༣. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཝ་ཙཱི་དུ་ཙྩ་རི་ཏེ…པེ… ཨཱ་ནི་སཾ་སཱ ཝ་ཙཱི་སུ་ཙ་རི་ཏེ…པེ…. ཏ་ཏི་ཡཾ.
༤. པ་ཋ་མ་མ་ནོ་དུ་ཙྩ་རི་ཏ་སུ་ཏྟཾ
༢༤༤. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ མ་ནོ་དུ་ཙྩ་རི་ཏེ…པེ… ཨཱ་ནི་སཾ་སཱ མ་ནོ་སུ་ཙ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ན ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ པ་སཾ་ས་ནྟི; ཀ་ལྱཱ་ཎོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ཨ་ས་མྨཱུ་ལ༹ྷོ ཀཱ་ལཾ ཀ་རོ་ཏི; ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ མ་ནོ་སུ་ཙ་རི་ཏེ’’ཏི. ཙ་ཏུ་ཏྠཾ.
༥. དུ་ཏི་ཡ་དུ་ཙྩ་རི་ཏ་སུ་ཏྟཾ
༢༤༥. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ དུ་ཙྩ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ ག་ར་ཧ་ནྟི; པཱ་པ་ཀོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ས་དྡྷ་མྨཱ ཝུ་ཊྛཱ་ཏི; ཨ་ས་དྡྷ་མྨེ པ་ཏི་ཊྛཱ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ དུ་ཙྩ་རི་ཏེ.
‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ སུ་ཙ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ན ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ པ་སཾ་ས་ནྟི; ཀ་ལྱཱ་ཎོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ཨ་ས་དྡྷ་མྨཱ ཝུ་ཊྛཱ་ཏི; ས་དྡྷ་མྨེ པ་ཏི་ཊྛཱ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ སུ་ཙ་རི་ཏེ’’ཏི. པ་ཉྩ་མཾ.
༦. དུ་ཏི་ཡ་ཀཱ་ཡ་དུ་ཙྩ་རི་ཏ་སུ་ཏྟཾ
༢༤༦. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཀཱ་ཡ་དུ་ཙྩ་རི་ཏེ…པེ… ཨཱ་ནི་སཾ་སཱ ཀཱ་ཡ་སུ་ཙ་རི་ཏེ…པེ…. ཚ་ཊྛཾ.
༧. དུ་ཏི་ཡ་ཝ་ཙཱི་དུ་ཙྩ་རི་ཏ་སུ་ཏྟཾ
༢༤༧. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཝ་ཙཱི་དུ་ཙྩ་རི་ཏེ…པེ… ཨཱ་ནི་སཾ་སཱ ཝ་ཙཱི་སུ་ཙ་རི་ཏེ…པེ…. ས་ཏྟ་མཾ.
༨. དུ་ཏི་ཡ་མ་ནོ་དུ་ཙྩ་རི་ཏ་སུ་ཏྟཾ
༢༤༨. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ མ་ནོ་དུ་ཙྩ་རི་ཏེ…པེ… ཨཱ་ནི་སཾ་སཱ མ་ནོ་སུ་ཙ་རི་ཏེ. ཀ་ཏ་མེ པ་ཉྩ? ཨ་ཏྟཱ་པི ཨ་ཏྟཱ་ནཾ ན ཨུ་པ་ཝ་ད་ཏི; ཨ་ནུ་ཝི་ཙྩ ཝི་ཉྙཱུ པ་སཾ་ས་ནྟི; ཀ་ལྱཱ་ཎོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; ཨ་ས་དྡྷ་མྨཱ ཝུ་ཊྛཱ་ཏི; ས་དྡྷ་མྨེ པ་ཏི་ཊྛཱ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ མ་ནོ་སུ་ཙ་རི་ཏེ’’ཏི. ཨ་ཊྛ་མཾ.
༩. སི་ཝ་ཐི་ཀ་སུ་ཏྟཾ
༢༤༩. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ སི་ཝ་ཐི་ཀཱ་ཡ [སཱི་ཝ་ཐི་ཀཱ་ཡ (སཱི. སྱཱ. ཀཾ. པཱི.)]. ཀ་ཏ་མེ པ་ཉྩ? ཨ་སུ་ཙི, དུ་གྒ་ནྡྷཱ, ས་པྤ་ཊི་བྷ་ཡཱ, ཝཱ་ལཱ༹་ནཾ ཨ་མ་ནུ་སྶཱ་ནཾ ཨཱ་ཝཱ་སོ, བ་ཧུ་ནོ ཛ་ན་སྶ ཨཱ་རོ་ད་ནཱ – ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ སི་ཝ་ཐི་ཀཱ་ཡ.
‘‘ཨེ་ཝ་མེ་ཝཾ ཁོ, བྷི་ཀྑ་ཝེ, པ་ཉྩི་མེ ཨཱ་དཱི་ན་ཝཱ སི་ཝ་ཐི་ཀཱུ་པ་མེ པུ་གྒ་ལེ. ཀ་ཏ་མེ པ་ཉྩ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨ་སུ་ཙི་ནཱ ཀཱ་ཡ་ཀ་མྨེ་ན ས་མ་ནྣཱ་ག་ཏོ ཧོ་ཏི; ཨ་སུ་ཙི་ནཱ ཝ་ཙཱི་ཀ་མྨེ་ན ས་མ་ནྣཱ་ག་ཏོ ཧོ་ཏི; ཨ་སུ་ཙི་ནཱ མ་ནོ་ཀ་མྨེ་ན ས་མ་ནྣཱ་ག་ཏོ ཧོ་ཏི. ཨི་ད་མ་སྶ ཨ་སུ་ཙི་ཏཱ་ཡ ཝ་དཱ་མི. སེ་ཡྻ་ཐཱ་པི སཱ, བྷི་ཀྑ་ཝེ, སི་ཝ་ཐི་ཀཱ ཨ་སུ་ཙི; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.
‘‘ཏ་སྶ ཨ་སུ་ཙི་ནཱ ཀཱ་ཡ་ཀ་མྨེ་ན ས་མ་ནྣཱ་ག་ཏ་སྶ, ཨ་སུ་ཙི་ནཱ ཝ་ཙཱི་ཀ་མྨེ་ན ས་མ་ནྣཱ་ག་ཏ་སྶ, ཨ་སུ་ཙི་ནཱ མ་ནོ་ཀ་མྨེ་ན ས་མ་ནྣཱ་ག་ཏ་སྶ པཱ་པ་ཀོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི. ཨི་ད་མ་སྶ དུ་གྒ་ནྡྷ་ཏཱ་ཡ ཝ་དཱ་མི. སེ་ཡྻ་ཐཱ་པི སཱ, བྷི་ཀྑ་ཝེ, སི་ཝ་ཐི་ཀཱ དུ་གྒ་ནྡྷཱ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.
‘‘ཏ་མེ་ནཾ ཨ་སུ་ཙི་ནཱ ཀཱ་ཡ་ཀ་མྨེ་ན ས་མ་ནྣཱ་ག་ཏཾ, ཨ་སུ་ཙི་ནཱ ཝ་ཙཱི་ཀ་མྨེ་ན ས་མ་ནྣཱ་ག་ཏཾ, ཨ་སུ་ཙི་ནཱ མ་ནོ་ཀ་མྨེ་ན ས་མ་ནྣཱ་ག་ཏཾ པེ་ས་ལཱ ས་བྲ་ཧྨ་ཙཱ་རཱི ཨཱ་ར་ཀཱ པ་རི་ཝ་ཛྫ་ནྟི. ཨི་ད་མ་སྶ ས་པྤ་ཊི་བྷ་ཡ་སྨིཾ ཝ་དཱ་མི. སེ་ཡྻ་ཐཱ་པི སཱ, བྷི་ཀྑ་ཝེ, སི་ཝ་ཐི་ཀཱ ས་པྤ་ཊི་བྷ་ཡཱ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.
‘‘སོ ཨ་སུ་ཙི་ནཱ ཀཱ་ཡ་ཀ་མྨེ་ན ས་མ་ནྣཱ་ག་ཏོ, ཨ་སུ་ཙི་ནཱ ཝ་ཙཱི་ཀ་མྨེ་ན ས་མ་ནྣཱ་ག་ཏོ, ཨ་སུ་ཙི་ནཱ མ་ནོ་ཀ་མྨེ་ན ས་མ་ནྣཱ་ག་ཏོ ས་བྷཱ་གེ་ཧི པུ་གྒ་ལེ་ཧི ས་དྡྷིཾ སཾ་ཝ་ས་ཏི. ཨི་ད་མ་སྶ ཝཱ་ལཱ༹་ཝཱ་ས་སྨིཾ ཝ་དཱ་མི. སེ་ཡྻ་ཐཱ་པི སཱ, བྷི་ཀྑ་ཝེ, སི་ཝ་ཐི་ཀཱ ཝཱ་ལཱ༹་ནཾ ཨ་མ་ནུ་སྶཱ་ནཾ ཨཱ་ཝཱ་སོ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.
‘‘ཏ་མེ་ནཾ ཨ་སུ་ཙི་ནཱ ཀཱ་ཡ་ཀ་མྨེ་ན ས་མ་ནྣཱ་ག་ཏཾ, ཨ་སུ་ཙི་ནཱ ཝ་ཙཱི་ཀ་མྨེ་ན ས་མ་ནྣཱ་ག་ཏཾ, ཨ་སུ་ཙི་ནཱ མ་ནོ་ཀ་མྨེ་ན ས་མ་ནྣཱ་ག་ཏཾ པེ་ས་ལཱ ས་བྲ་ཧྨ་ཙཱ་རཱི དི་སྭཱ ཁཱི་ཡ་དྷ་མྨཾ [ཁཱི་ཡ་ན་དྷ་མྨཾ (སཱི.)] ཨཱ་པ་ཛྫ་ནྟི – ‘ཨ་ཧོ ཝ་ཏ ནོ དུ་ཀྑཾ ཡེ མ་ཡཾ ཨེ་ཝ་རཱུ་པེ་ཧི པུ་གྒ་ལེ་ཧི ས་དྡྷིཾ སཾ་ཝ་སཱ་མཱ’ཏི! ཨི་ད་མ་སྶ ཨཱ་རོ་ད་ནཱ་ཡ ཝ་དཱ་མི. སེ་ཡྻ་ཐཱ་པི སཱ, བྷི་ཀྑ་ཝེ, སི་ཝ་ཐི་ཀཱ བ་ཧུ་ནོ ཛ་ན་སྶ ཨཱ་རོ་ད་ནཱ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ སི་ཝ་ཐི་ཀཱུ་པ་མེ པུ་གྒ་ལེ’’ཏི. ན་ཝ་མཾ.
༡༠. པུ་གྒ་ལ་པྤ་སཱ་ད་སུ་ཏྟཾ
༢༥༠. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ པུ་གྒ་ལ་པྤ་སཱ་དེ. ཀ་ཏ་མེ པ་ཉྩ? ཡ་སྨིཾ, བྷི་ཀྑ་ཝེ, པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ ཏ་ཐཱ་རཱུ་པཾ ཨཱ་པ་ཏྟིཾ ཨཱ་པ་ནྣོ ཧོ་ཏི ཡ་ཐཱ་རཱུ་པཱ་ཡ ཨཱ་པ་ཏྟི་ཡཱ ས་ངྒྷོ ཨུ་ཀྑི་པ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ས་ངྒྷེ་ན ཨུ་ཀྑི་ཏྟོ’ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ཧོ་ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ས་མཱ་ནོ ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, པ་ཋ་མོ ཨཱ་དཱི་ན་ཝོ པུ་གྒ་ལ་པྤ་སཱ་དེ.
‘‘པུ་ན ཙ་པ་རཾ, བྷི་ཀྑ་ཝེ, ཡ་སྨིཾ པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ ཏ་ཐཱ་རཱུ་པཾ ཨཱ་པ་ཏྟིཾ ཨཱ་པ་ནྣོ ཧོ་ཏི ཡ་ཐཱ་རཱུ་པཱ་ཡ ཨཱ་པ་ཏྟི་ཡཱ ས་ངྒྷོ ཨ་ནྟེ ནི་སཱི་དཱ་པེ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ས་ངྒྷེ་ན ཨ་ནྟེ ནི་སཱི་དཱ་པི་ཏོ’ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ཧོ་ཏི. བྷི་ཀྑཱུ་སུ ཨ་པྤ་སཱ་ད་བ་ཧུ་ལོ ས་མཱ་ནོ ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, དུ་ཏི་ཡོ ཨཱ་དཱི་ན་ཝོ པུ་གྒ་ལ་པྤ་སཱ་དེ.
‘‘པུ་ན ཙ་པ་རཾ, བྷི་ཀྑ་ཝེ, ཡ་སྨིཾ པུ་གྒ་ལེ པུ་གྒ་ལོ ཨ་བྷི་པྤ་ས་ནྣོ ཧོ་ཏི, སོ དི་སཱ་པ་ཀྐ་ནྟོ ཧོ་ཏི…པེ… སོ ཝི་བྦྷ་ནྟོ ཧོ་ཏི…པེ… སོ ཀཱ་ལ་ངྐ་ཏོ ཧོ་ཏི. ཏ་སྶ ཨེ་ཝཾ ཧོ་ཏི – ‘ཡོ ཁོ མྱཱ་ཡཾ པུ་གྒ་ལོ པི་ཡོ མ་ནཱ་པོ སོ ཀཱ་ལ་ངྐ་ཏོ’ཏི. ཨ་ཉྙེ བྷི་ཀྑཱུ ན བྷ་ཛ་ཏི. ཨ་ཉྙེ བྷི་ཀྑཱུ ཨ་བྷ་ཛ་ནྟོ ས་དྡྷ་མྨཾ ན སུ་ཎཱ་ཏི. ས་དྡྷ་མྨཾ ཨ་སུ་ཎ་ནྟོ ས་དྡྷ་མྨཱ པ་རི་ཧཱ་ཡ་ཏི. ཨ་ཡཾ, བྷི་ཀྑ་ཝེ, པ་ཉྩ་མོ ཨཱ་དཱི་ན་ཝོ པུ་གྒ་ལ་པྤ་སཱ་དེ. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ པུ་གྒ་ལ་པྤ་སཱ་དེ’’ཏི. ད་ས་མཾ.
དུ་ཙྩ་རི་ཏ་ཝ་གྒོ པ་ཉྩ་མོ.