༥. པ་ཉྷ་པུ་ཙྪཱ་སུ་ཏྟཾ

༡༦༥. ཏ་ཏྲ ཁོ ཨཱ་ཡ་སྨཱ སཱ་རི་པུ་ཏྟོ བྷི་ཀྑཱུ ཨཱ་མ་ནྟེ་སི…པེ… ‘‘ཡོ ཧི ཀོ་ཙི, ཨཱ་ཝུ་སོ, པ་རཾ པ་ཉྷཾ པུ་ཙྪ་ཏི, ས་བྦོ སོ པ་ཉྩ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ན. ཀ་ཏ་མེ་ཧི པ་ཉྩ་ཧི? མ་ནྡ་ཏྟཱ མོ་མཱུ་ཧ་ཏྟཱ [མོ་མུ་ཧ་ཏྟཱ (སཱི.)] པ་རཾ པ་ཉྷཾ པུ་ཙྪ་ཏི, པཱ་པི་ཙྪོ ཨི་ཙྪཱ་པ་ཀ་ཏོ པ་རཾ པ་ཉྷཾ པུ་ཙྪ་ཏི, པ་རི་བྷ་ཝཾ པ་རཾ པ་ཉྷཾ པུ་ཙྪ་ཏི, ཨ་ཉྙཱ་ཏུ་ཀཱ་མོ པ་རཾ པ་ཉྷཾ པུ་ཙྪ་ཏི, ཨ་ཐ ཝཱ པ་ནེ་ཝཾ་ཙི་ཏྟོ [ཨ་ཐ ཝཱ པ་ཀུ་པྤ་ནྟོ (སཱི. པཱི.)] པ་རཾ པ་ཉྷཾ པུ་ཙྪ་ཏི – ‘ས་ཙེ མེ པ་ཉྷཾ པུ་ཊྛོ ས་མྨ་དེ་ཝ བྱཱ་ཀ་རི་སྶ་ཏི ཨི་ཙྩེ་ཏཾ ཀུ་ས་ལཾ, ནོ ཙེ [ནོ ཙ (སྱཱ.)] མེ པ་ཉྷཾ པུ་ཊྛོ ས་མྨ་དེ་ཝ བྱཱ་ཀ་རི་སྶ་ཏི ཨ་ཧ་མ་སྶ ས་མྨ་དེ་ཝ བྱཱ་ཀ་རི་སྶཱ་མཱི’ཏི. ཡོ ཧི ཀོ་ཙི, ཨཱ་ཝུ་སོ, པ་རཾ པ་ཉྷཾ པུ་ཙྪ་ཏི, ས་བྦོ སོ ཨི་མེ་ཧི པ་ཉྩ་ཧི ཋཱ་ནེ་ཧི, ཨེ་ཏེ་སཾ ཝཱ ཨ་ཉྙ་ཏ་རེ་ན. ཨ་ཧཾ ཁོ པ་ནཱ་ཝུ་སོ, ཨེ་ཝཾ་ཙི་ཏྟོ པ་རཾ པ་ཉྷཾ པུ་ཙྪཱ་མི – ‘ས་ཙེ མེ པ་ཉྷཾ པུ་ཊྛོ ས་མྨ་དེ་ཝ བྱཱ་ཀ་རི་སྶ་ཏི ཨི་ཙྩེ་ཏཾ ཀུ་ས་ལཾ, ནོ ཙེ མེ པ་ཉྷཾ པུ་ཊྛོ ས་མྨ་དེ་ཝ བྱཱ་ཀ་རི་སྶ་ཏི, ཨ་ཧ་མ་སྶ ས་མྨ་དེ་ཝ བྱཱ་ཀ་རི་སྶཱ་མཱི’’ཏི. པ་ཉྩ་མཾ.