༥. དཱ་ནཱ་ནི་སཾ་ས་སུ་ཏྟཾ

༣༥. ‘‘པ་ཉྩི་མེ, བྷི་ཀྑ་ཝེ, དཱ་ནེ ཨཱ་ནི་སཾ་སཱ. ཀ་ཏ་མེ པ་ཉྩ? བ་ཧུ་ནོ ཛ་ན་སྶ པི་ཡོ ཧོ་ཏི མ་ནཱ་པོ; ས་ནྟོ ས་པྤུ་རི་སཱ བྷ་ཛ་ནྟི; ཀ་ལྱཱ་ཎོ ཀི་ཏྟི་ས་དྡོ ཨ་བྦྷུ་གྒ་ཙྪ་ཏི; གི་ཧི་དྷ་མྨཱ ཨ་ན་པ་ག་ཏོ [གི་ཧི་དྷ་མྨཱ ཨ་ན་པེ་ཏོ (སཱི. པཱི.), གི་ཧི་དྷ་མྨ་མ་ནུ་པ་ག་ཏོ (ཀ.)] ཧོ་ཏི; ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ དཱ་ནེ ཨཱ་ནི་སཾ་སཱ’’ཏི.

‘‘ད་ད་མཱ་ནོ པི་ཡོ ཧོ་ཏི, ས་ཏཾ དྷ་མྨཾ ཨ་ནུ་ཀྐ་མཾ;

ས་ནྟོ ནཾ ས་དཱ བྷ་ཛ་ནྟི [ས་ནྟོ བྷ་ཛ་ནྟི ས་པྤུ་རི་སཱ (སཱི.)], ས་ཉྙ་ཏཱ བྲ་ཧྨ་ཙཱ་ར་ཡོ.

‘‘ཏེ ཏ་སྶ དྷ་མྨཾ དེ་སེ་ནྟི, ས་བྦ་དུ་ཀྑཱ་པ་ནཱུ་ད་ནཾ;

ཡཾ སོ དྷ་མྨཾ ཨི་དྷ་ཉྙཱ་ཡ, པ་རི་ནི་བྦཱ་ཏི ཨ་ནཱ་ས་ཝོ’’ཏི. པ་ཉྩ་མཾ;