༡༠. ཨཱ་སཱི་ཝི་ས་སུ་ཏྟཾ

༡༡༠. ‘‘ཙ་ཏྟཱ་རོ་མེ, བྷི་ཀྑ་ཝེ, ཨཱ་སཱི་ཝི་སཱ [ཨཱ་སི་ཝི་སཱ (ཀ.) པུ. པ. ༡༦༣]. ཀ་ཏ་མེ ཙ་ཏྟཱ་རོ? ཨཱ་ག་ཏ་ཝི་སོ ན གྷོ་ར་ཝི་སོ, གྷོ་ར་ཝི་སོ ན ཨཱ་ག་ཏ་ཝི་སོ, ཨཱ་ག་ཏ་ཝི་སོ ཙ གྷོ་ར་ཝི་སོ ཙ, ནེ་ཝཱ་ག་ཏ་ཝི་སོ ན གྷོ་ར་ཝི་སོ – ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཨཱ་སཱི་ཝི་སཱ. ཨེ་ཝ་མེ་ཝཾ ཁོ, བྷི་ཀྑ་ཝེ, ཙ་ཏྟཱ་རོ ཨཱ་སཱི་ཝི་སཱུ་པ་མཱ པུ་གྒ་ལཱ ས་ནྟོ སཾ་ཝི་ཛྫ་མཱ་ནཱ ལོ་ཀ་སྨིཾ. ཀ་ཏ་མེ ཙ་ཏྟཱ་རོ? ཨཱ་ག་ཏ་ཝི་སོ ན གྷོ་ར་ཝི་སོ, གྷོ་ར་ཝི་སོ ན ཨཱ་ག་ཏ་ཝི་སོ, ཨཱ་ག་ཏ་ཝི་སོ ཙ གྷོ་ར་ཝི་སོ ཙ, ནེ་ཝཱ་ག་ཏ་ཝི་སོ ན གྷོ་ར་ཝི་སོ.

‘‘ཀ་ཐ་ཉྩ, བྷི་ཀྑ་ཝེ, པུ་གྒ་ལོ ཨཱ་ག་ཏ་ཝི་སོ ཧོ་ཏི, ན གྷོ་ར་ཝི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨ་བྷི་ཎྷཾ ཀུ་ཛ྄ཛྷ་ཏི. སོ ཙ ཁྭ་སྶ ཀོ་དྷོ [ཀོ་པོ (ཀ.) པུ. པ. ༡༦༣] ན དཱི་གྷ་ར་ཏྟཾ ཨ་ནུ་སེ་ཏི. ཨེ་ཝཾ ཁོ, བྷི་ཀྑ་ཝེ, པུ་གྒ་ལོ ཨཱ་ག་ཏ་ཝི་སོ ཧོ་ཏི, ན གྷོ་ར་ཝི་སོ. སེ་ཡྻ་ཐཱ་པི སོ, བྷི་ཀྑ་ཝེ, ཨཱ་སཱི་ཝི་སོ ཨཱ་ག་ཏ་ཝི་སོ, ན གྷོ་ར་ཝི་སོ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.

‘‘ཀ་ཐ་ཉྩ, བྷི་ཀྑ་ཝེ, པུ་གྒ་ལོ གྷོ་ར་ཝི་སོ ཧོ་ཏི, ན ཨཱ་ག་ཏ་ཝི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ན ཧེ་ཝ ཁོ ཨ་བྷི་ཎྷཾ ཀུ་ཛ྄ཛྷ་ཏི. སོ ཙ ཁྭ་སྶ ཀོ་དྷོ དཱི་གྷ་ར་ཏྟཾ ཨ་ནུ་སེ་ཏི. ཨེ་ཝཾ ཁོ, བྷི་ཀྑ་ཝེ, པུ་གྒ་ལོ གྷོ་ར་ཝི་སོ ཧོ་ཏི, ན ཨཱ་ག་ཏ་ཝི་སོ. སེ་ཡྻ་ཐཱ་པི སོ, བྷི་ཀྑ་ཝེ, ཨཱ་སཱི་ཝི་སོ གྷོ་ར་ཝི་སོ, ན ཨཱ་ག་ཏ་ཝི་སོ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.

‘‘ཀ་ཐ་ཉྩ, བྷི་ཀྑ་ཝེ, པུ་གྒ་ལོ ཨཱ་ག་ཏ་ཝི་སོ ཙ ཧོ་ཏི གྷོ་ར་ཝི་སོ ཙ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ཨ་བྷི་ཎྷཾ ཀུ་ཛ྄ཛྷ་ཏི. སོ ཙ ཁྭ་སྶ ཀོ་དྷོ དཱི་གྷ་ར་ཏྟཾ ཨ་ནུ་སེ་ཏི. ཨེ་ཝཾ ཁོ, བྷི་ཀྑ་ཝེ, པུ་གྒ་ལོ ཨཱ་ག་ཏ་ཝི་སོ ཙ ཧོ་ཏི གྷོ་ར་ཝི་སོ ཙ. སེ་ཡྻ་ཐཱ་པི སོ, བྷི་ཀྑ་ཝེ, ཨཱ་སཱི་ཝི་སོ ཨཱ་ག་ཏ་ཝི་སོ ཙ གྷོ་ར་ཝི་སོ ཙ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི.

‘‘ཀ་ཐ་ཉྩ, བྷི་ཀྑ་ཝེ, པུ་གྒ་ལོ ནེ་ཝཱ་ག་ཏ་ཝི་སོ ཧོ་ཏི ན གྷོ་ར་ཝི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པུ་གྒ་ལོ ན ཧེ་ཝ ཁོ ཨ་བྷི་ཎྷཾ ཀུ་ཛ྄ཛྷ་ཏི. སོ ཙ ཁྭ་སྶ ཀོ་དྷོ ན དཱི་གྷ་ར་ཏྟཾ ཨ་ནུ་སེ་ཏི. ཨེ་ཝཾ ཁོ, བྷི་ཀྑ་ཝེ, པུ་གྒ་ལོ ནེ་ཝཱ་ག་ཏ་ཝི་སོ ཧོ་ཏི, ན གྷོ་ར་ཝི་སོ. སེ་ཡྻ་ཐཱ་པི སོ, བྷི་ཀྑ་ཝེ, ཨཱ་སཱི་ཝི་སོ ནེ་ཝཱ་ག་ཏ་ཝི་སོ ན གྷོ་ར་ཝི་སོ; ཏ་ཐཱུ་པ་མཱ་ཧཾ, བྷི་ཀྑ་ཝེ, ཨི་མཾ པུ་གྒ་ལཾ ཝ་དཱ་མི. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཨཱ་སཱི་ཝི་སཱུ་པ་མཱ པུ་གྒ་ལཱ ས་ནྟོ སཾ་ཝི་ཛྫ་མཱ་ནཱ ལོ་ཀ་སྨི’’ནྟི. ད་ས་མཾ.

ཝ་ལཱ་ཧ་ཀ་ཝ་གྒོ པ་ཋ་མོ.