༥. བྲ་ཧྨ་ཙ་རི་ཡ་སུ་ཏྟཾ

༢༥. ‘‘ན་ཡི་དཾ, བྷི་ཀྑ་ཝེ, བྲ་ཧྨ་ཙ་རི་ཡཾ ཝུ་སྶ་ཏི ཛ་ན་ཀུ་ཧ་ན་ཏྠཾ, ན ཛ་ན་ལ་པ་ན་ཏྠཾ, ན ལཱ་བྷ་ས་ཀྐཱ་ར་སི་ལོ་ཀཱ་ནི་སཾ་ས་ཏྠཾ, ན ཨི་ཏི་ཝཱ་ད་པྤ་མོ་ཀྑཱ་ནི་སཾ་ས་ཏྠཾ, ན ‘ཨི་ཏི མཾ ཛ་ནོ ཛཱ་ནཱ་ཏཱུ’ཏི. ཨ་ཐ ཁོ ཨི་དཾ, བྷི་ཀྑ་ཝེ, བྲ་ཧྨ་ཙ་རི་ཡཾ ཝུ་སྶ་ཏི སཾ་ཝ་ར་ཏྠཾ པ་ཧཱ་ན་ཏྠཾ ཝི་རཱ་ག་ཏྠཾ ནི་རོ་དྷ་ཏྠ’’ནྟི.

‘‘སཾ་ཝ་ར་ཏྠཾ པ་ཧཱ་ན་ཏྠཾ, བྲ་ཧྨ་ཙ་རི་ཡཾ ཨ་ནཱི་ཏི་ཧཾ;

ཨ་དེ་ས་ཡི སོ བྷ་ག་ཝཱ, ནི་བྦཱ་ནོ་ག་དྷ་གཱ་མི་ནཾ;

ཨེ་ས མ་གྒོ མ་ཧ་ནྟེ་ཧི [མ་ཧ་ཏྟེ་བྷི (ཀ.) ཨི་ཏི་ཝུ. ༣༥], ཨ་ནུ་ཡཱ་ཏོ མ་ཧེ་སི་བྷི.

‘‘ཡེ ཙ ཏཾ པ་ཊི་པ་ཛྫ་ནྟི, ཡ་ཐཱ བུ་དྡྷེ་ན དེ་སི་ཏཾ;

དུ་ཀྑ་སྶ་ནྟཾ ཀ་རི་སྶ་ནྟི, ས་ཏྠུ་སཱ་ས་ན་ཀཱ་རི་ནོ’’ཏི. པ་ཉྩ་མཾ;