༦. ཀུ་ཧ་སུ་ཏྟཾ

༢༦. [ཨི་ཏི་ཝུ. ༡༠༨ ཨི་ཏི་ཝུ་ཏྟ་ཀེ་པི] ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཀུ་ཧཱ ཐ་དྡྷཱ ལ་པཱ སི་ངྒཱི ཨུ་ནྣ་ལཱ༹ ཨ་ས་མཱ་ཧི་ཏཱ, ན མེ ཏེ, བྷི་ཀྑ་ཝེ, བྷི་ཀྑཱུ མཱ་མ་ཀཱ. ཨ་པ་ག་ཏཱ ཙ ཏེ, བྷི་ཀྑ་ཝེ, བྷི་ཀྑཱུ ཨི་མ་སྨཱ དྷ་མྨ་ཝི་ན་ཡཱ, ན ཙ ཏེ ཨི་མ་སྨིཾ དྷ་མྨ་ཝི་ན་ཡེ ཝུ་དྡྷིཾ ཝི་རུ་ལ༹ྷིཾ ཝེ་པུ་ལླཾ ཨཱ་པ་ཛྫ་ནྟི. ཡེ ཙ ཁོ ཏེ, བྷི་ཀྑ་ཝེ, བྷི་ཀྑཱུ ནི་ཀྐུ་ཧཱ ནི་ལླ་པཱ དྷཱི་རཱ ཨ་ཏྠ་དྡྷཱ སུ་ས་མཱ་ཧི་ཏཱ, ཏེ ཁོ མེ, བྷི་ཀྑ་ཝེ, བྷི་ཀྑཱུ མཱ་མ་ཀཱ. ཨ་ན་པ་ག་ཏཱ ཙ ཏེ, བྷི་ཀྑ་ཝེ, བྷི་ཀྑཱུ ཨི་མ་སྨཱ དྷ་མྨ་ཝི་ན་ཡཱ. ཏེ ཙ ཨི་མ་སྨིཾ དྷ་མྨ་ཝི་ན་ཡེ ཝུ་དྡྷིཾ ཝི་རུ་ལ༹ྷིཾ ཝེ་པུ་ལླཾ ཨཱ་པ་ཛྫ་ནྟཱི’’ཏི.

[ཨི་ཏི་ཝུ. ༡༠༨ ཨི་ཏི་ཝུ་ཏྟ་ཀེ་པི] ‘‘ཀུ་ཧཱ ཐ་དྡྷཱ ལ་པཱ སི་ངྒཱི, ཨུ་ནྣ་ལཱ༹ ཨ་ས་མཱ་ཧི་ཏཱ;

ན ཏེ དྷ་མྨེ ཝི་རཱུ་ཧ་ནྟི, ས་མྨཱ་ས་མྦུ་དྡྷ་དེ་སི་ཏེ.

‘‘ནི་ཀྐུ་ཧཱ ནི་ལླ་པཱ དྷཱི་རཱ, ཨ་ཏྠ་དྡྷཱ སུ་ས་མཱ་ཧི་ཏཱ;

ཏེ ཝེ དྷ་མྨེ ཝི་རཱུ་ཧ་ནྟི, ས་མྨཱ་ས་མྦུ་དྡྷ་དེ་སི་ཏེ’’ཏི. ཚ་ཊྛཾ;