༨. བྱཱ་པ་ནྣ་སུ་ཏྟཾ

༡༡༡. ཨེ་ཀ་མ་ནྟཾ ནི་སི་ནྣཾ ཁོ ཨ་ནཱ་ཐ་པི་ཎྜི་ཀཾ ག་ཧ་པ་ཏིཾ བྷ་ག་ཝཱ ཨེ་ཏ་ད་ཝོ་ཙ – ‘‘ཙི་ཏྟེ, ག་ཧ་པ་ཏི, བྱཱ་པ་ནྣེ ཀཱ་ཡ་ཀ་མྨ་མྤི བྱཱ་པ་ནྣཾ ཧོ་ཏི, ཝ་ཙཱི་ཀ་མྨ་མྤི བྱཱ་པ་ནྣཾ ཧོ་ཏི, མ་ནོ་ཀ་མྨ་མྤི བྱཱ་པ་ནྣཾ ཧོ་ཏི. ཏ་སྶ བྱཱ་པ་ནྣ་ཀཱ་ཡ་ཀ་མྨ་ནྟ་སྶ བྱཱ་པ་ནྣ་ཝ་ཙཱི་ཀ་མྨ་ནྟ་སྶ བྱཱ་པ་ནྣ་མ་ནོ་ཀ་མྨ་ནྟ་སྶ ན བྷ་དྡ་ཀཾ མ་ར་ཎཾ ཧོ་ཏི, ན བྷ་དྡི་ཀཱ ཀཱ་ལ་ངྐི་རི་ཡཱ. སེ་ཡྻ་ཐཱ་པི, ག་ཧ་པ་ཏི, ཀཱུ་ཊཱ་གཱ་རེ དུ་ཙྪ་ནྣེ ཀཱུ་ཊ་མྤི བྱཱ་པ་ནྣཾ ཧོ་ཏི, གོ་པཱ་ན་སི་ཡོ་པི བྱཱ་པ་ནྣཱ ཧོ་ནྟི, བྷི་ཏྟི་པི བྱཱ་པ་ནྣཱ ཧོ་ཏི; ཨེ་ཝ་མེ་ཝཾ ཁོ, ག་ཧ་པ་ཏི, ཙི་ཏྟེ བྱཱ་པ་ནྣེ ཀཱ་ཡ་ཀ་མྨ་མྤི བྱཱ་པ་ནྣཾ ཧོ་ཏི, ཝ་ཙཱི་ཀ་མྨ་མྤི བྱཱ་པ་ནྣཾ ཧོ་ཏི, མ་ནོ་ཀ་མྨ་མྤི བྱཱ་པ་ནྣཾ ཧོ་ཏི. ཏ་སྶ བྱཱ་པ་ནྣ་ཀཱ་ཡ་ཀ་མྨ་ནྟ་སྶ བྱཱ་པ་ནྣ་ཝ་ཙཱི་ཀ་མྨ་ནྟ་སྶ བྱཱ་པ་ནྣ་མ་ནོ་ཀ་མྨ་ནྟ་སྶ ན བྷ་དྡ་ཀཾ མ་ར་ཎཾ ཧོ་ཏི, ན བྷ་དྡི་ཀཱ ཀཱ་ལ་ངྐི་རི་ཡཱ.

‘‘ཙི་ཏྟེ, ག་ཧ་པ་ཏི, ཨ་བྱཱ་པ་ནྣེ ཀཱ་ཡ་ཀ་མྨ་མྤི ཨ་བྱཱ་པ་ནྣཾ ཧོ་ཏི, ཝ་ཙཱི་ཀ་མྨ་མྤི ཨ་བྱཱ་པ་ནྣཾ ཧོ་ཏི, མ་ནོ་ཀ་མྨ་མྤི ཨ་བྱཱ་པ་ནྣཾ ཧོ་ཏི. ཏ་སྶ ཨ་བྱཱ་པ་ནྣ་ཀཱ་ཡ་ཀ་མྨ་ནྟ་སྶ ཨ་བྱཱ་པ་ནྣ་ཝ་ཙཱི་ཀ་མྨ་ནྟ་སྶ ཨ་བྱཱ་པ་ནྣ་མ་ནོ་ཀ་མྨ་ནྟ་སྶ བྷ་དྡ་ཀཾ མ་ར་ཎཾ ཧོ་ཏི, བྷ་དྡི་ཀཱ ཀཱ་ལ་ངྐི་རི་ཡཱ. སེ་ཡྻ་ཐཱ་པི, ག་ཧ་པ་ཏི, ཀཱུ་ཊཱ་གཱ་རེ སུ་ཙྪ་ནྣེ ཀཱུ་ཊ་མྤི ཨ་བྱཱ་པ་ནྣཾ ཧོ་ཏི, གོ་པཱ་ན་སི་ཡོ་པི ཨ་བྱཱ་པ་ནྣཱ ཧོ་ནྟི, བྷི་ཏྟི་པི ཨ་བྱཱ་པ་ནྣཱ ཧོ་ཏི; ཨེ་ཝ་མེ་ཝཾ ཁོ, ག་ཧ་པ་ཏི, ཙི་ཏྟེ ཨ་བྱཱ་པ་ནྣེ ཀཱ་ཡ་ཀ་མྨ་མྤི ཨ་བྱཱ་པ་ནྣཾ ཧོ་ཏི, ཝ་ཙཱི་ཀ་མྨ་མྤི ཨ་བྱཱ་པ་ནྣཾ ཧོ་ཏི, མ་ནོ་ཀ་མྨ་མྤི ཨ་བྱཱ་པ་ནྣཾ ཧོ་ཏི. ཏ་སྶ ཨ་བྱཱ་པ་ནྣ་ཀཱ་ཡ་ཀ་མྨ་ནྟ་སྶ…པེ… ཨ་བྱཱ་པ་ནྣ་མ་ནོ་ཀ་མྨ་ནྟ་སྶ བྷ་དྡ་ཀཾ མ་ར་ཎཾ ཧོ་ཏི, བྷ་དྡི་ཀཱ ཀཱ་ལ་ངྐི་རི་ཡཱ’’ཏི. ཨ་ཊྛ་མཾ.