༣. ཁེ་ཏྟ་སུ་ཏྟཾ

༨༤. ‘‘ཏཱི་ཎི་མཱ་ནི, བྷི་ཀྑ་ཝེ, ཀ་སྶ་ཀ་སྶ ག་ཧ་པ་ཏི་སྶ པུ་བྦེ ཀ་ར་ཎཱི་ཡཱ་ནི. ཀ་ཏ་མཱ་ནི ཏཱི་ཎི? ཨི་དྷ, བྷི་ཀྑ་ཝེ, ཀ་སྶ་ཀོ ག་ཧ་པ་ཏི པ་ཊི་ཀ་ཙྩེ་ཝ [པ་ཊི་ག་ཙྩེ་ཝ (སཱི. པཱི.)] ཁེ་ཏྟཾ སུ་ཀ་ཊྛཾ ཀ་རོ་ཏི སུ་མ་ཏི་ཀ་ཏཾ [སུ་མ་ཏྟི་ཀ་ཏཾ (ཀ.), ཨེ་ཏྠ མ་ཏི་ས་དྡོ ཀ་ཊྛ་ཁེ་ཏྟ་སྶ ས་མཱི་ཀ་ར་ཎ་སཱ་དྷ་ནེ དཱ་རུ་བྷ་ཎྜེ ཝ་ཏྟ་ཏཱི་ཏི ས་ཀྐ་ཏ་ཨ་བྷི་དྷཱ་ནེ་སུ ཨཱ་ག་ཏཾ. ཏཾ ‘‘མ་ཏི་ཡཱ སུ་ཊྛུ ས་མཱི་ཀ་ཏ’’ནྟི ཨ་ཊྛ་ཀ་ཐཱ་ཡ ས་མེ་ཏི]. པ་ཊི་ཀ་ཙྩེ་ཝ ཁེ་ཏྟཾ སུ་ཀ་ཊྛཾ ཀ་རི་ཏྭཱ སུ་མ་ཏི་ཀ་ཏཾ ཀཱ་ལེ་ན བཱི་ཛཱ་ནི པ་ཏི་ཊྛཱ་པེ་ཏི. ཀཱ་ལེ་ན བཱི་ཛཱ་ནི པ་ཏི་ཊྛཱ་པེ་ཏྭཱ ས་མ་ཡེ་ན ཨུ་ད་ཀཾ ཨ་བྷི་ནེ་ཏི་པི ཨ་པ་ནེ་ཏི་པི. ཨི་མཱ་ནི ཁོ, བྷི་ཀྑ་ཝེ, ཏཱི་ཎི ཀ་སྶ་ཀ་སྶ ག་ཧ་པ་ཏི་སྶ པུ་བྦེ ཀ་ར་ཎཱི་ཡཱ་ནི.

‘‘ཨེ་ཝ་མེ་ཝཾ ཁོ, བྷི་ཀྑ་ཝེ, ཏཱི་ཎི་མཱ་ནི བྷི་ཀྑུ་སྶ པུ་བྦེ ཀ་ར་ཎཱི་ཡཱ་ནི. ཀ་ཏ་མཱ་ནི ཏཱི་ཎི? ཨ་དྷི་སཱི་ལ་སི་ཀྑཱ་ས་མཱ་དཱ་ནཾ, ཨ་དྷི་ཙི་ཏྟ་སི་ཀྑཱ་ས་མཱ་དཱ་ནཾ, ཨ་དྷི་པ་ཉྙཱ་སི་ཀྑཱ་ས་མཱ་དཱ་ནཾ – ཨི་མཱ་ནི ཁོ, བྷི་ཀྑ་ཝེ, ཏཱི་ཎི བྷི་ཀྑུ་སྶ པུ་བྦེ ཀ་ར་ཎཱི་ཡཱ་ནི.

‘‘ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་སཱི་ལ་སི་ཀྑཱ་ས་མཱ་དཱ་ནེ, ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་ཙི་ཏྟ་སི་ཀྑཱ་ས་མཱ་དཱ་ནེ, ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་པ་ཉྙཱ་སི་ཀྑཱ་ས་མཱ་དཱ་ནེ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ཏ་ཏི་ཡཾ.