༡༠. ཨཱ་དྷི་པ་ཏེ་ཡྻ་སུ་ཏྟཾ

༤༠. ‘‘ཏཱི་ཎི་མཱ་ནི, བྷི་ཀྑ་ཝེ, ཨཱ་དྷི་པ་ཏེ་ཡྻཱ་ནི. ཀ་ཏ་མཱ་ནི ཏཱི་ཎི? ཨ་ཏྟཱ་དྷི་པ་ཏེ་ཡྻཾ, ལོ་ཀཱ་དྷི་པ་ཏེ་ཡྻཾ, དྷ་མྨཱ་དྷི་པ་ཏེ་ཡྻཾ. ཀ་ཏ་མ་ཉྩ, བྷི་ཀྑ་ཝེ, ཨ་ཏྟཱ་དྷི་པ་ཏེ་ཡྻཾ? ཨི་དྷ, བྷི་ཀྑ་ཝེ, བྷི་ཀྑུ ཨ་ར་ཉྙ་ག་ཏོ ཝཱ རུ་ཀྑ་མཱུ་ལ་ག་ཏོ ཝཱ སུ་ཉྙཱ་གཱ་ར་ག་ཏོ ཝཱ ཨི་ཏི པ་ཊི་ས་ཉྩི་ཀྑ་ཏི – ‘ན ཁོ པ་ནཱ་ཧཾ ཙཱི་ཝ་ར་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ན པི་ཎྜ་པཱ་ཏ་ཧེ་ཏུ, ན སེ་ནཱ་ས་ན་ཧེ་ཏུ, ན ཨི་ཏི་བྷ་ཝཱ་བྷ་ཝ་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ཨ་པི ཙ ཁོ་མྷི ཨོ་ཏི་ཎྞོ ཛཱ་ཏི་ཡཱ ཛ་རཱ་ཡ མ་ར་ཎེ་ན སོ་ཀེ་ཧི པ་རི་དེ་ཝེ་ཧི དུ་ཀྑེ་ཧི དོ་མ་ན་སྶེ་ཧི ཨུ་པཱ་ཡཱ་སེ་ཧི, དུ་ཀྑོ་ཏི་ཎྞོ དུ་ཀྑ་པ་རེ་ཏོ. ཨ་པྤེ་ཝ ནཱ་མ ཨི་མ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ཨ་ནྟ་ཀི་རི་ཡཱ པ་ཉྙཱ་ཡེ་ཐཱ་ཏི. ཨ་ཧ་ཉྩེ་ཝ ཁོ པ་ན ཡཱ་དི་ས་ཀེ [ཡཱ་དི་ས་ཀེ ཝཱ (སཱི. པཱི. ཀ.)] ཀཱ་མེ ཨོ་ཧཱ་ཡ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ ཏཱ་དི་ས་ཀེ ཝཱ [ཙ (ཀ.)] ཀཱ་མེ པ་རི་ཡེ་སེ་ཡྻཾ ཏ་ཏོ ཝཱ [ཙ (ཀ.)] པཱ་པི་ཊྛ་ཏ་རེ, ན མེ་ཏཾ པ་ཏི་རཱུ་པ’ནྟི. སོ ཨི་ཏི པ་ཊི་ས་ཉྩི་ཀྑ་ཏི – ‘ཨཱ་ར་དྡྷཾ ཁོ པ་ན མེ ཝཱི་རི་ཡཾ བྷ་ཝི་སྶ་ཏི ཨ་ས་ལླཱི་ནཾ, ཨུ་པ་ཊྛི་ཏཱ ས་ཏི ཨ་ས་མྨུ་ཊྛཱ, པ་སྶ་དྡྷོ ཀཱ་ཡོ ཨ་སཱ་ར་དྡྷོ, ས་མཱ་ཧི་ཏཾ ཙི་ཏྟཾ ཨེ་ཀ་གྒ’ནྟི. སོ ཨ་ཏྟཱ་ནཾ་ཡེ་ཝ ཨ་དྷི་པ་ཏིཾ ཀ་རི་ཏྭཱ ཨ་ཀུ་ས་ལཾ པ་ཛ་ཧ་ཏི, ཀུ་ས་ལཾ བྷཱ་ཝེ་ཏི, སཱ་ཝ་ཛྫཾ པ་ཛ་ཧ་ཏི, ཨ་ན་ཝ་ཛྫཾ བྷཱ་ཝེ་ཏི, སུ་དྡྷཾ ཨ་ཏྟཱ་ནཾ པ་རི་ཧ་ར་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ཏྟཱ་དྷི་པ་ཏེ་ཡྻཾ.

‘‘ཀ་ཏ་མ་ཉྩ, བྷི་ཀྑ་ཝེ, ལོ་ཀཱ་དྷི་པ་ཏེ་ཡྻཾ? ཨི་དྷ, བྷི་ཀྑ་ཝེ, བྷི་ཀྑུ ཨ་ར་ཉྙ་ག་ཏོ ཝཱ རུ་ཀྑ་མཱུ་ལ་ག་ཏོ ཝཱ སུ་ཉྙཱ་གཱ་ར་ག་ཏོ ཝཱ ཨི་ཏི པ་ཊི་ས་ཉྩི་ཀྑ་ཏི – ‘ན ཁོ པ་ནཱ་ཧཾ ཙཱི་ཝ་ར་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ན པི་ཎྜ་པཱ་ཏ་ཧེ་ཏུ, ན སེ་ནཱ་ས་ན་ཧེ་ཏུ, ན ཨི་ཏི་བྷ་ཝཱ་བྷ་ཝ་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ཨ་པི ཙ ཁོ་མྷི ཨོ་ཏི་ཎྞོ ཛཱ་ཏི་ཡཱ ཛ་རཱ་ཡ མ་ར་ཎེ་ན སོ་ཀེ་ཧི པ་རི་དེ་ཝེ་ཧི དུ་ཀྑེ་ཧི དོ་མ་ན་སྶེ་ཧི ཨུ་པཱ་ཡཱ་སེ་ཧི, དུ་ཀྑོ་ཏི་ཎྞོ དུ་ཀྑ་པ་རེ་ཏོ. ཨ་པྤེ་ཝ ནཱ་མ ཨི་མ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ཨ་ནྟ་ཀི་རི་ཡཱ པ་ཉྙཱ་ཡེ་ཐཱ’ཏི. ཨ་ཧ་ཉྩེ་ཝ ཁོ པ་ན ཨེ་ཝཾ པ་བྦ་ཛི་ཏོ ས་མཱ་ནོ ཀཱ་མ་ཝི་ཏ་ཀྐཾ ཝཱ ཝི་ཏ་ཀྐེ་ཡྻཾ, བྱཱ་པཱ་ད་ཝི་ཏ་ཀྐཾ ཝཱ ཝི་ཏ་ཀྐེ་ཡྻཾ, ཝི་ཧིཾ་སཱ་ཝི་ཏ་ཀྐཾ ཝཱ ཝི་ཏ་ཀྐེ་ཡྻཾ, མ་ཧཱ ཁོ པ་ནཱ་ཡཾ ལོ་ཀ་ས་ནྣི་ཝཱ་སོ. མ་ཧ་ནྟ་སྨིཾ ཁོ པ་ན ལོ་ཀ་ས་ནྣི་ཝཱ་སེ ས་ནྟི ས་མ་ཎ་བྲཱ་ཧྨ་ཎཱ ཨི་དྡྷི་མ་ནྟོ དི་བྦ་ཙ་ཀྑུ་ཀཱ པ་ར་ཙི་ཏྟ་ཝི་དུ་ནོ. ཏེ དཱུ་ར་ཏོ་པི པ་སྶ་ནྟི, ཨཱ་ས་ནྣཱ་པི ན དི་སྶ་ནྟི, ཙེ་ཏ་སཱ་པི ཙི་ཏྟཾ པ་ཛཱ་ན་ནྟི [ཛཱ་ན་ནྟི (ཀ.)]. ཏེ་པི མཾ ཨེ་ཝཾ ཛཱ་ནེ་ཡྻུཾ – ‘པ་སྶ་ཐ, བྷོ, ཨི་མཾ ཀུ་ལ་པུ་ཏྟཾ ས་དྡྷཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ ས་མཱ་ནོ ཝོ་ཀི་ཎྞོ ཝི་ཧ་ར་ཏི པཱ་པ་ཀེ་ཧི ཨ་ཀུ་ས་ལེ་ཧི དྷ་མྨེ་ཧཱི’ཏི. དེ་ཝ་ཏཱ་པི ཁོ ས་ནྟི ཨི་དྡྷི་མ་ནྟི་ནི་ཡོ དི་བྦ་ཙ་ཀྑུ་ཀཱ པ་ར་ཙི་ཏྟ་ཝི་དུ་ནི་ཡོ. ཏཱ དཱུ་ར་ཏོ་པི པ་སྶ་ནྟི, ཨཱ་ས་ནྣཱ་པི ན དི་སྶ་ནྟི, ཙེ་ཏ་སཱ་པི ཙི་ཏྟཾ ཛཱ་ན་ནྟི. ཏཱ་པི མཾ ཨེ་ཝཾ ཛཱ་ནེ་ཡྻུཾ – ‘པ་སྶ་ཐ, བྷོ, ཨི་མཾ ཀུ་ལ་པུ་ཏྟཾ ས་དྡྷཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ ས་མཱ་ནོ ཝོ་ཀི་ཎྞོ ཝི་ཧ་ར་ཏི པཱ་པ་ཀེ་ཧི ཨ་ཀུ་ས་ལེ་ཧི དྷ་མྨེ་ཧཱི’ཏི. སོ ཨི་ཏི པ་ཊི་ས་ཉྩི་ཀྑ་ཏི – ‘ཨཱ་ར་དྡྷཾ ཁོ པ་ན མེ ཝཱི་རི་ཡཾ བྷ་ཝི་སྶ་ཏི ཨ་ས་ལླཱི་ནཾ, ཨུ་པ་ཊྛི་ཏཱ ས་ཏི ཨ་ས་མྨུ་ཊྛཱ, པ་སྶ་དྡྷོ ཀཱ་ཡོ ཨ་སཱ་ར་དྡྷོ, ས་མཱ་ཧི་ཏཾ ཙི་ཏྟཾ ཨེ་ཀ་གྒ’ནྟི. སོ ལོ་ཀཾ་ཡེ་ཝ ཨ་དྷི་པ་ཏིཾ ཀ་རི་ཏྭཱ ཨ་ཀུ་ས་ལཾ པ་ཛ་ཧ་ཏི, ཀུ་ས་ལཾ བྷཱ་ཝེ་ཏི, སཱ་ཝ་ཛྫཾ པ་ཛ་ཧ་ཏི, ཨ་ན་ཝ་ཛྫཾ བྷཱ་ཝེ་ཏི, སུ་དྡྷཾ ཨ་ཏྟཱ་ནཾ པ་རི་ཧ་ར་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, ལོ་ཀཱ་དྷི་པ་ཏེ་ཡྻཾ.

‘‘ཀ་ཏ་མ་ཉྩ, བྷི་ཀྑ་ཝེ, དྷ་མྨཱ་དྷི་པ་ཏེ་ཡྻཾ? ཨི་དྷ, བྷི་ཀྑ་ཝེ, བྷི་ཀྑུ ཨ་ར་ཉྙ་ག་ཏོ ཝཱ རུ་ཀྑ་མཱུ་ལ་ག་ཏོ ཝཱ སུ་ཉྙཱ་གཱ་ར་ག་ཏོ ཝཱ ཨི་ཏི པ་ཊི་ས་ཉྩི་ཀྑ་ཏི – ‘ན ཁོ པ་ནཱ་ཧཾ ཙཱི་ཝ་ར་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ན པི་ཎྜ་པཱ་ཏ་ཧེ་ཏུ, ན སེ་ནཱ་ས་ན་ཧེ་ཏུ, ན ཨི་ཏི་བྷ་ཝཱ་བྷ་ཝ་ཧེ་ཏུ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ. ཨ་པི ཙ ཁོ་མྷི ཨོ་ཏི་ཎྞོ ཛཱ་ཏི་ཡཱ ཛ་རཱ་ཡ མ་ར་ཎེ་ན སོ་ཀེ་ཧི པ་རི་དེ་ཝེ་ཧི དུ་ཀྑེ་ཧི དོ་མ་ན་སྶེ་ཧི ཨུ་པཱ་ཡཱ་སེ་ཧི, དུ་ཀྑོ་ཏི་ཎྞོ དུ་ཀྑ་པ་རེ་ཏོ. ཨ་པྤེ་ཝ ནཱ་མ ཨི་མ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ཨ་ནྟ་ཀི་རི་ཡཱ པ་ཉྙཱ་ཡེ་ཐཱ་ཏི. སྭཱ་ཀྑཱ་ཏོ བྷ་ག་ཝ་ཏཱ དྷ་མྨོ ས་ནྡི་ཊྛི་ཀོ ཨ་ཀཱ་ལི་ཀོ ཨེ་ཧི་པ་སྶི་ཀོ ཨོ་པ་ནེ་ཡྻི་ཀོ པ་ཙྩ་ཏྟཾ ཝེ་དི་ཏ་བྦོ ཝི་ཉྙཱུ་ཧཱི་ཏི. ས་ནྟི ཁོ པ་ན མེ ས་བྲ་ཧྨ་ཙཱ་རཱི ཛཱ་ནཾ པ་སྶཾ ཝི་ཧ་ར་ནྟི. ཨ་ཧ་ཉྩེ་ཝ ཁོ པ་ན ཨེ་ཝཾ སྭཱ་ཀྑཱ་ཏེ དྷ་མྨ་ཝི་ན་ཡེ པ་བྦ་ཛི་ཏོ ས་མཱ་ནོ ཀུ་སཱི་ཏོ ཝི་ཧ་རེ་ཡྻཾ པ་མ་ཏྟོ, ན མེ་ཏཾ ཨ་སྶ པ་ཏི་རཱུ་པ’ནྟི. སོ ཨི་ཏི པ་ཊི་ས་ཉྩི་ཀྑ་ཏི – ‘ཨཱ་ར་དྡྷཾ ཁོ པ་ན མེ ཝཱི་རི་ཡཾ བྷ་ཝི་སྶ་ཏི ཨ་ས་ལླཱི་ནཾ, ཨུ་པ་ཊྛི་ཏཱ ས་ཏི ཨ་ས་མྨུ་ཊྛཱ, པ་སྶ་དྡྷོ ཀཱ་ཡོ ཨ་སཱ་ར་དྡྷོ, ས་མཱ་ཧི་ཏཾ ཙི་ཏྟཾ ཨེ་ཀ་གྒ’ནྟི. སོ དྷ་མྨཾ་ཡེ་ཝ ཨ་དྷི་པ་ཏིཾ ཀ་རི་ཏྭཱ ཨ་ཀུ་ས་ལཾ པ་ཛ་ཧ་ཏི, ཀུ་ས་ལཾ བྷཱ་ཝེ་ཏི, སཱ་ཝ་ཛྫཾ པ་ཛ་ཧ་ཏི, ཨ་ན་ཝ་ཛྫཾ བྷཱ་ཝེ་ཏི, སུ་དྡྷཾ ཨ་ཏྟཱ་ནཾ པ་རི་ཧ་ར་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, དྷ་མྨཱ་དྷི་པ་ཏེ་ཡྻཾ. ཨི་མཱ་ནི ཁོ, བྷི་ཀྑ་ཝེ, ཏཱི་ཎི ཨཱ་དྷི་པ་ཏེ་ཡྻཱ་ནཱི’’ཏི.

‘‘ན་ཏྠི ལོ་ཀེ ར་ཧོ ནཱ་མ, པཱ་པ་ཀ་མྨཾ པ་ཀུ་བྦ་ཏོ;

ཨ་ཏྟཱ ཏེ པུ་རི་ས ཛཱ་ནཱ་ཏི, ས་ཙྩཾ ཝཱ ཡ་དི ཝཱ མུ་སཱ.

‘‘ཀ་ལྱཱ་ཎཾ ཝ་ཏ བྷོ ས་ཀྑི, ཨ་ཏྟཱ་ནཾ ཨ་ཏི་མ་ཉྙ་སི;

ཡོ ས་ནྟཾ ཨ་ཏྟ་ནི པཱ་པཾ, ཨ་ཏྟཱ་ནཾ པ་རི་གཱུ་ཧ་སི.

‘‘པ་སྶ་ནྟི དེ་ཝཱ ཙ ཏ་ཐཱ་ག་ཏཱ ཙ,

ལོ་ཀ་སྨིཾ བཱ་ལཾ ཝི་ས་མཾ ཙ་ར་ནྟཾ;

ཏ་སྨཱ ཧི ཨ་ཏྟཱ་དྷི་པ་ཏེ་ཡྻ་ཀོ ཙ [ཨ་ཏྟཱ་དྷི་པ་ཀོ ས་ཀོ ཙ་རེ (སཱི. སྱཱ. ཀཾ. པཱི.)],

ལོ་ཀཱ་དྷི་པོ ཙ ནི་པ་ཀོ ཙ ཛྷཱ་ཡཱི.

‘‘དྷ་མྨཱ་དྷི་པོ ཙ ཨ་ནུ་དྷ་མྨ་ཙཱ་རཱི,

ན ཧཱི་ཡ་ཏི ས་ཙྩ་པ་ར་ཀྐ་མོ མུ་ནི;

པ་ས་ཡ྄ཧ མཱ་རཾ ཨ་བྷི་བྷུ་ཡྻ ཨ་ནྟ་ཀཾ,

ཡོ ཙ ཕུ་སཱི ཛཱ་ཏི་ཀྑ་ཡཾ པ་དྷཱ་ན་ཝཱ;

སོ ཏཱ་དི་སོ ལོ་ཀ་ཝི་དཱུ སུ་མེ་དྷོ,

ས་བྦེ་སུ དྷ་མྨེ་སུ ཨ་ཏ་མྨ་ཡོ མུ་ནཱི’’ཏི. ད་ས་མཾ;

དེ་ཝ་དཱུ་ཏ་ཝ་གྒོ ཙ་ཏུ་ཏྠོ.