༡༠. མ་ལ་སུ་ཏྟཾ

༡༠. ‘‘ཏཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཏ་ཡོ མ་ལེ ཨ་པྤ་ཧཱ་ཡ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཏཱི་ཧི? དུ་སྶཱི་ལོ ཙ ཧོ་ཏི, དུ་སྶཱི་ལྱ་མ་ལ་ཉྩ་སྶ ཨ་པྤ་ཧཱི་ནཾ ཧོ་ཏི; ཨི་སྶུ་ཀཱི ཙ ཧོ་ཏི, ཨི་སྶཱ་མ་ལ་ཉྩ་སྶ ཨ་པྤ་ཧཱི་ནཾ ཧོ་ཏི; མ་ཙྪ་རཱི ཙ ཧོ་ཏི, མ་ཙྪེ་ར་མ་ལ་ཉྩ་སྶ ཨ་པྤ་ཧཱི་ནཾ ཧོ་ཏི. ཨི་མེ་ཧི ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ ཨི་མེ ཏ་ཡོ མ་ལེ ཨ་པྤ་ཧཱ་ཡ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཏཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཏ་ཡོ མ་ལེ པ་ཧཱ་ཡ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཏཱི་ཧི? སཱི་ལ་ཝཱ ཙ ཧོ་ཏི, དུ་སྶཱི་ལྱ་མ་ལ་ཉྩ་སྶ པ་ཧཱི་ནཾ ཧོ་ཏི; ཨ་ནི་སྶུ་ཀཱི ཙ ཧོ་ཏི, ཨི་སྶཱ་མ་ལ་ཉྩ་སྶ པ་ཧཱི་ནཾ ཧོ་ཏི; ཨ་མ་ཙྪ་རཱི ཙ ཧོ་ཏི, མ་ཙྪེ་ར་མ་ལ་ཉྩ་སྶ པ་ཧཱི་ནཾ ཧོ་ཏི. ཨི་མེ་ཧི ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ ཨི་མེ ཏ་ཡོ མ་ལེ པ་ཧཱ་ཡ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ད་ས་མཾ.

བཱ་ལ་ཝ་གྒོ པ་ཋ་མོ.