༨. ཐེ་ར་སུ་ཏྟཾ

༩༨. ‘‘ད་ས་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཐེ་རོ བྷི་ཀྑུ ཡ་སྶཾ ཡ་སྶཾ དི་སཱ་ཡཾ ཝི་ཧ་ར་ཏི, ཕཱ་སུ་ཡེ་ཝ ཝི་ཧ་ར་ཏི. ཀ་ཏ་མེ་ཧི ད་ས་ཧི? ཐེ་རོ ཧོ་ཏི ར་ཏྟ་ཉྙཱུ ཙི་ར་པ་བྦ་ཛི་ཏོ, སཱི་ལ་ཝཱ ཧོ་ཏི …པེ… ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ, བ་ཧུ་སྶུ་ཏོ ཧོ་ཏི…པེ… དི་ཊྛི་ཡཱ སུ་པྤ་ཊི་ཝི་དྡྷོ, ཨུ་བྷ་ཡཱ་ནི ཁོ པ་ན་སྶ པཱ་ཏི་མོ་ཀྑཱ་ནི ཝི་ཏྠཱ་རེ་ན སྭཱ་ག་ཏཱ་ནི ཧོ་ནྟི སུ་ཝི་བྷ་ཏྟཱ་ནི སུ་པྤ་ཝ་ཏྟཱི་ནི སུ་ཝི་ནི་ཙྪི་ཏཱ་ནི སུ་ཏྟ་སོ ཨ་ནུ་བྱ་ཉྫ་ན་སོ, ཨ་དྷི་ཀ་ར་ཎ་ས་མུ་པྤཱ་ད་ཝཱུ་པ་ས་མ་ཀུ་ས་ལོ ཧོ་ཏི, དྷ་མྨ་ཀཱ་མོ ཧོ་ཏི པི་ཡ་ས་མུ་དཱ་ཧཱ་རོ ཨ་བྷི་དྷ་མྨེ ཨ་བྷི་ཝི་ན་ཡེ ཨུ་ལཱ༹་ར་པཱ་མོ་ཛྫོ, ས་ནྟུ་ཊྛོ ཧོ་ཏི ཨི་ཏ་རཱི་ཏ་ར་ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རེ་ན, པཱ་སཱ་དི་ཀོ ཧོ་ཏི ཨ་བྷི་ཀྐ་ནྟ་པ་ཊི་ཀྐ་ནྟེ [ཨ་བྷི་ཀྐ་ནྟ་པ་ཊི་ཀྐ་ནྟོ (ཀ.)] སུ་སཾ་ཝུ་ཏོ ཨ་ནྟ་ར་གྷ་རེ ནི་ས་ཛྫཱ་ཡ, ཙ་ཏུ་ནྣཾ ཛྷཱ་ནཱ་ནཾ ཨཱ་བྷི་ཙེ་ཏ་སི་ཀཱ་ནཾ དི་ཊྛ་དྷ་མྨ་སུ་ཁ་ཝི་ཧཱ་རཱ་ནཾ ནི་ཀཱ་མ་ལཱ་བྷཱི ཧོ་ཏི ཨ་ཀི་ཙྪ་ལཱ་བྷཱི ཨ་ཀ་སི་ར་ལཱ་བྷཱི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨི་མེ་ཧི ཁོ, བྷི་ཀྑ་ཝེ, ད་ས་ཧི དྷ་མྨེ་ཧི ས་མ་ནྣཱ་ག་ཏོ ཐེ་རོ བྷི་ཀྑུ ཡ་སྶཾ ཡ་སྶཾ དི་སཱ་ཡཾ ཝི་ཧ་ར་ཏི, ཕཱ་སུ་ཡེ་ཝ ཝི་ཧ་ར་ཏཱི’’ཏི. ཨ་ཊྛ་མཾ.