๕. ปญฺจมสิกฺขาปทํ

๙๐๓. ปญฺจเม ‘‘จีวรสงฺกมนีย’’นฺติเอตฺถ สงฺกเมตพฺพํ ปฏิทาตพฺพนฺติ สงฺกมนียนฺติ กมุธาตุสฺส ปฏิทานตฺถญฺจ อนียสทฺทสฺส กมฺมตฺถญฺจ, ‘จีวรญฺจ ตํ สงฺกมนียญฺเจ’ติ จีวรสงฺกมนียนฺติ วิเสสนปรปทภาวญฺจ ทสฺเสนฺโต อาห ‘‘สงฺกเมตพฺพํ จีวร’’นฺติ. ตตฺถ ‘‘สงฺกเมตพฺพํ จีวร’’นฺติ อิมินา กมฺมตฺถญฺจ วิเสสนปรปทภาวญฺจ ทสฺเสติ. ‘‘ปฏิทาตพฺพจีวร’’นฺติ อิมินา กมุธาตุยา อตฺถํ ทสฺเสติ อธิปฺปายวเสนาติ. ปญฺจมํ.