๖. ฉฏฺฐสิกฺขาปทํ

๙๐๙. ฉฏฺเฐ ‘‘อญฺญํ ปริกฺขาร’’นฺติเอตฺถ ปริกฺขารสฺส สรูปํ ทสฺเสนฺโต อาห ‘‘ยํกิญฺจี’’ติอาทิ. ยํกิญฺจิ อญฺญตรนฺติ สมฺพนฺโธ. กิตฺตกํอคฺฆนกนฺติ กึ ปมาเณน อคฺเฆน อรหํ จีวรํ. ทาตุกามตฺถาติ ตุเมฺห ทาตุกามา ภวถาติ อตฺโถ. กติปาเหนาติ กติปยานิ อหานิ กติปาหํ, ยการโลโป. กติปยสทฺโทหิ ทฺวิติวาจโก รูฬฺหีสทฺโท, เตน กติปาเหน. สมคฺฆนฺติ อปฺปคฺฆํ. สํสทฺโท หิ อปฺปตฺถวาจโกติ. ฉฏฺฐํ.