๖. ปฐมสงฺฆิกเจตาปนสิกฺขาปทวณฺณนา

อญฺญสฺสตฺถาย ทินฺเนนาติ ยํ เจตาเปติ, ตโต อญฺญสฺสตฺถาย ทินฺเนน. อญฺญุทฺทิสิเกนาติ ปุริมสฺเสวตฺถทีปนํ.

เสสกํ อุปเนนฺติยาติ ยทตฺถาย ทินฺโน, ตํ เจตาเปตฺวา อวเสสํ อญฺญสฺสตฺถาย อุปเนนฺติยา. สามิเก อปโลเกตฺวาติ ทายเก อาปุจฺฉิตฺวา. เอวรูปาสู อาปทาสุ อุปเนนฺตีนนฺติ เอวรูเปสุ อุปทฺทเวสุ อญฺญสฺส ยสฺส กสฺสจิ อตฺถาย อุปเนนฺตีนํ.

ปฐมสงฺฆิกเจตาปนสิกฺขาปทวณฺณนา นิฏฺฐิตา.