౩. మోహనసిక్ఖాపదవణ్ణనా

౪౪౪. తతియే పాళియం కో పన వాదో భియ్యోతి తేహి అఞ్ఞేహి భిక్ఖూహి దిట్ఠద్వత్తివారతో భియ్యో పన విత్థారేన ఉద్దిసియమానే పాతిమోక్ఖే నిసిన్నపుబ్బతా అత్థి చే, తత్థ కిమేవ వత్తబ్బం, ఆపత్తిమోక్ఖో నత్థి ఏవాతి అధిప్పాయో. తఞ్చ యథాధమ్మో కారేతబ్బోతి తన్తి కారణత్థే ఉపయోగవచనం, తాయాతి అత్థో. యథా ధమ్మో చ వినయో చ ఠితో, తథా తాయ ఆపత్తియా కారేతబ్బోతి వుత్తం హోతి. మోహారోపనం, తిక్ఖత్తుం సుతభావో, మోహేతుకామస్స మోహనన్తి తీణి అఙ్గాని.

మోహనసిక్ఖాపదవణ్ణనా నిట్ఠితా.