౩. ఉక్కోటనసిక్ఖాపదవణ్ణనా

౩౯౨. తతియే ‘‘తస్స భిక్ఖునో సన్తికం గన్త్వా’’తి వుత్తత్తా యస్స అధికరణం సఙ్ఘకమ్మేన నిహతం, తస్స సమ్ముఖే ఏవ ఉక్కోటేన్తస్స పాచిత్తియం. పరమ్ముఖే పన దుక్కటమేవ.

౩౯౫. ‘‘ధమ్మకమ్మే అధమ్మకమ్మసఞ్ఞీ ఉక్కోటేతి, అనాపత్తీ’’తి వుత్తత్తా అనాదరియతాది వియ ఉక్కోటనం సయం అకుసలం న హోతి, ధమ్మకమ్మసఞ్ఞాయ, పన విమతియా చ ఉక్కోటనేనేవ అకుసలం హోతి. యథాధమ్మం నిహతతా, జాననా, ఉక్కోటనాతి తీణి అఙ్గాని.

ఉక్కోటనసిక్ఖాపదవణ్ణనా నిట్ఠితా.