౭. మహానామసిక్ఖాపదవణ్ణనా

౩౦౩. సత్తమే మహానామోతి సుక్కోదనస్స పుత్తో అనురుద్ధత్థేరస్స, సత్థు చ జేట్ఠభాతా. ఆనన్దత్థేరో అమితోదనస్స పుత్తో, నన్దత్థేరో పన సుద్ధోదనస్సేవ.

౩౦౫. పాళియం కాలం ఆహరిస్సథాతి అజ్జతనం కాలం వీతినామేస్సథ, స్వే భేసజ్జం హరిస్సథాతి వా అత్థో. ‘‘అత్థి పవారణా భేసజ్జపరియన్తా చ రత్తిపరియన్తా చా’’తి తతియకోట్ఠాసే నియమితమేవ భేసజ్జం నియమితకాలన్తరేయేవ గహేతబ్బం, న తతో బహి. ఇతరథా విసుం పయోజనం నత్థీతి దట్ఠబ్బం. సపరియన్తా సఙ్ఘపవారణా, తదుత్తరి భేసజ్జవిఞ్ఞత్తి, అగిలానతాతి ఇమానేత్థ తీణి అఙ్గాని.

మహానామసిక్ఖాపదవణ్ణనా నిట్ఠితా.